Chiyambo 32:6 - Tonga Bible 1986

⁶ Ndipo mathenga ghanguwere kwaku Yakobe, ghanguti, “Tingufika ku muku wako Esau, ndipo watuza kuzachikumana nawe, ndi ŵanthu machumi pe chumi ghanayi pamoza nayo.”

Chiyambo 32:6 Iomraidhean Croise

Chiyambo 31:18

ndipo wangukhwema ng'ombe zake zose, viŵetu vyake vyose vyo wangusakata, ng'ombe zo wenga nazo zo wangusakata mu Padani-aramu, warutanga ku charu cha Kanani ku awiske Yisaki.

Chiyambo 32:11

Ndipo zomsokeni, nditukupemphani, ku janja la muku wangu, ku janja laku Esau, pakuti nditumopa vinu wangaza ndi kutibaya tose ŵanyinawo ŵa ŵana ndi ŵana.

Chiyambo 32:7

Sono Yakobe wangutenthema ukongwa ndi wangusuzgika; ndipo wangugaŵa ŵanthu ŵeniwo ŵengo nayo, ndi mberere ndi ng'ombe, ndi ŵagamila mu mipingu yiŵi,

Chiyambo 32:8

wangughanaghana kuti, “Asani Esau waza ku mpingu umoza ndi kubaya, mpingu wo unyake uthaŵenge.”

Chiyambo 33:1

Ndipo Yakobe wanguyunuska maso ghake, ndi wangulereska ndi awonani, Esau wazanga, ndi ŵanthu machumi pe chumi ghanayi (400), pamoza nayo. Viyo wangugaŵa ŵana wo pakati paku Leya ndi Rakelo ndi ŵateŵeti ŵanthukazi wo ŵaŵi.

Chiyambo 33:15

Viyo Esau wanguti, “Ndikusiyiyi ŵanthu ŵanyake wo ŵendi ine.” Kweni iyo wanguti, “Nchine cho ndisauka? Ndisaniye wezi mu maso gha mbuya wangu.”

Chiyambo 33:8

Esau wanguti, “Ung'anamuwanji ndi mpingu wose wo ndakumana nawo?” Yakobe wangwamuka, “Kuti ndisaniye wezi pa maso gha mbuya wangu.”

Chiyambo 34:11

Shekemu wangukamba so ku awiske ndi ku ŵazichi ŵake, “Ndisaniye wezi mu maso ghinu, ndipo chenicho mukakambanga kwaku ine ndikaperekanga.

Chiyambo 47:25

Ndipo iwo wanguti, “Wataska maumoyo ghidu, kumukondweska mbuya widu, ifwe tikaŵanga ŵaŵanda kwaku Farao.”

Amosi 5:19

kwenge ndipa munthu wanguthaŵa ku nkharamu ndipo wangukumana ndi chipembere; pamwenga wangusere mu nyumba ndi kunyekezga janja lake ku chimati, ndipo njoka yingumuruma.

Ruti 2:13

Sono Ruti wanguti, “We wawezi ukongwa kwangu, pakuti wandisangaruska ndi wakamba kwa ulemu ndi ine, chingana kuti nde yumoza wa mteŵeti munthukazi wako cha.”

Ruti 2:2

Ndipo Ruti muMoabu wanguti kwaku Naomi, “Ndizomerezgeni kuya ku munda kwachikonkho mbeu muvuli mwaku yo wakundifwiya lisungu.” Ndipo wanguti kwaku iyo, “Rutanga mwana wangu.”

1 Samuele 1:18

Ndipo iyo wanguti, “Zomerani kuti ndamuŵanda munthukazi winu ndisaniye wezi mu maso ghinu.” Viyo munthukazi yo wanguwere kwake wangurgha, ndipo chisku chake kuti chinguŵa so cha chitima cha.