Chiyambo 32:11 - Tonga Bible 1986

¹¹ Ndipo zomsokeni, nditukupemphani, ku janja la muku wangu, ku janja laku Esau, pakuti nditumopa vinu wangaza ndi kutibaya tose ŵanyinawo ŵa ŵana ndi ŵana.

Chiyambo 32:11 Iomraidhean Croise

Chiyambo 24:27

ndipo wanguti, “Watumbikike Ambuya, Chiuta wa mbuya wangu Abrahamu, mweniyo walivi kureka chanju chake cha wezi ndi ukongorekwa wake pa mbuya wangu. Ndipo ine, Ambuya andilongozga mu nthowa kuya ku nyumba ya ŵabali ŵa mbuya wangu.”

Chiyambo 27:41

Sono Esau wangutinkha Yakobe chifukwa cha chitumbiku chenicho awiske wangumutumbika nacho, ndipo Esau wanguti kwaku yija, “Mazuwa ghakufwiya ada ghaŵandika; pavuli ndazamubaya mhurwa wangu Yakobe.”

Chiyambo 27:42

Kweni mazu ghaku Esau mwana wake mura ghanguvwika kwaku Rebeka; viyo wangutuma ndi wangudana Yakobe mwana wake mumana, ndi wanguti kwaku iyo, “Sono, muku waku Esau watijisangaruska ndi fingu lakukubaya.

Chiyambo 32:3

Ndipo Yakobe wangutuma mathenga ku urongo kwake kuya kwaku Esau muku wake mu charu cha Seiri, charu cha Edimu,

Chiyambo 32:7

Sono Yakobe wangutenthema ukongwa ndi wangusuzgika; ndipo wangugaŵa ŵanthu ŵeniwo ŵengo nayo, ndi mberere ndi ng'ombe, ndi ŵagamila mu mipingu yiŵi,

Chiyambo 33:4

Kweni Esau wanguchimbiya kwachikumana nayo, ndi wangumuvumbatiya, ndipo wangumuvumbatiya, ndipo wangukotamiya pa khosi lake ndi wangumufyofyontha, ndipo wanguliya.

2 Samuele 7:18

Sono karonga Davidi wangusere mukati ndi kuja pa maso pa Ambuya, wanguti, “Ndine yani ine, A, Ambuya Chiuta, ndipo nyumba yangu nkhanthu uli, kuti mwandifikiska ine pano?

Sumu 119:134

Ku ŵakundikandirizgiya pasi nditaskeni, alinga kuti ndisungenge visimisimi vinu.

Sumu 142:6

Tegherezgani ku nkhuta yangu; chifukwa ndasiskikiya pasi. Nditaskeni ku ŵarwani ŵangu, wo mbanthazi kwa kuruska ine.

Sumu 16:1

Ndisungeni, A Chiuta, chifukwa ndidingang'a mwaku imwe.

Sumu 25:20

O! Vikiriyani umoyo wangu, ndipozomoskeni; ndireke kuchitika soni, chifukwa ndidingang'a mwaku imwe.

Sumu 31:2

Sendekiyani gutu linu kwaku ine, nditaskeni kwakutinthimika! Mundiŵiye jarawi la utaski wangu, linga lakukho kunditaska!

Sumu 43:1

Nderuzgeni, A Chiuta mundikambiye mlando wangu ndi ŵanthu ŵambura kuziŵa Chiuta; ku ŵanthu ŵakupasika ndi ŵakubende nditaskeni!

Nthanthi 18:19

Mwana munyako yo waovyeka weuli ndi msumba wakukho, kweni kubayana kwe uli ndi mphandu za linga.

Danyele 3:17

Asani kungaŵa viyo, Chiuta widu mweniyo titeŵete waziŵa kutitaska ku kocha kwa ng'anjo ya moto, ndipo wakatitaskanga ku janja linu karonga.

Hoseya 10:14

Chifukwa ichi, mphomo ya nkhondo yiyukenge mukati mu ŵanthu ŵinu, ndipo malinga ghinu ghose ghapasulikenge, nge ndimo Shalamani wangupasuliya Betarabele mu zuŵa la nkhondo; ŵanyinawo ŵangutikinyika pamoza ndi ŵana ŵawo.

Mateyu 6:13

Ndipo mungatitole mu kesedu kweni titaskeni ku mheni yo.

Marangu 22:6

“Asani mwawona chizimbu cha kayuni mu muti we wose pamwenga pasi, mo mwe twana pamwenga mazira, ndipo nyina wavumbata twana pamwenga mazira, mungatonga nyina pamoza ndi twana cha;

1 Samuele 12:10

Ndipo ŵanguliya ku Ambuya, wanguti, ‘Talakwa chifukwa taŵapata Ambuya, ndipo tateŵete Bala ndi Ashitaroto; kweni sono tipozomoskeni ku janja la ŵarwani ŵidu ndipo tikamuteŵetiyaninga.’

1 Samuele 24:15

Ambuya ndiwo aŵe ŵeruzgi, apaske cheruzgu pakati paku ine ndi imwe, awone, andikambiye mlando wangu, anditaske mu janja linu.”