Chiyambo 3:15 - Tonga Bible 1986

¹⁵ Ndikaŵikangapo umawongo pakati pako ndi munthukazi, ndi pakati pa mphapu yako ndi mphapu yake; iyo watemenge mutu wako, ndipo iwe utemenge chitende chake.”

Chiyambo 3:15 Iomraidhean Croise

Chiyambo 49:17

Dani wakaŵanga njoka mu nthowa, chipi wakuja pa nthowa, yo waluma vitende vya kavalo viyo kuti wakukwerapo watuwa kuvuli.

Sumu 132:11

Munguchita phanganu lakukho kwaku Davidi, ndipo kuti mukalituzgangapo cha: “Yumoza wa ŵana ŵako ndimuŵikenge pa chitengo chako.

Yesaya 53:12

Chifukwa chenichi ndikamugaŵiyanga chigaŵa pamoza ndi ŵakuzirwa, wakagaŵananga vyakuskoŵa ndi virimbi, chifukwa wangupunguliya mzimu wake ku nyifwa, ndipo wenguŵerengeke pamoza ndi ŵakulakwa; kweni ndipuuli wangunyamuwa uheni wa ŵanandi, ndi kupepeske ŵakulakwa.

Yesaya 7:14

Chifukwa ichi Ambuya ŵeneko ŵakakupaskaninga chisimikizgu. Ehe, munthukazi mwali wakazuukanga wapapenge mwana munthurumi, ndi wadanenge zina lake Immanuele.

Yeremiya 31:22

Mpaka zuŵanji ukayingangayinganga, wa mwana munthukazi wambura magomezgeka? Pakuti Ambuya achita chinthu chifya, pa charu chapasi: munthukazi ndiyo wavikiriya munthurumi.”

Danyele 9:26

Ndipo pavuli pa ŵasabata machumi ghankhonde ndi limoza pachanya ŵaŵi (62) wakupakika yo walikhikenge, ndi wakaŵangavi kanthu; ndipo ŵanthu ŵa karonga ŵatuza ŵabwanganduwenge msumba ndi malo ghakupaturika; umari wake ukazanga ndi zandi, ndi ku umari kwake kuŵenge nkhondo; maphasulu ghalangulika.

Amosi 9:3

Chingana ŵangabisama pa phiri pachanya pa Karmele, ndakuŵapenja kwenikuwa ndi kuŵato; ndipo chingana ŵangabisama ku maso ghangu kusi ku nyanja, nkhalanguliyanga njoka, ndipo yikaŵarumanga kweniko.

Mika 5:3

Viyo wakaŵajowonga mpaka yize nyengu kuti yo we pafupi kubara wabare; penipo ndipo ŵakujako ŵa ŵabali ŵake ŵakawerenga ku ŵanthu ŵaku Yisraele.

Mateyu 1:23

“Onani, mwali yo waŵenge ndi nthumbo, ndipo wapapenge mwana munthurumi, ndipo zina lake wadanikenge Immanuele”; lenilo pakung'anamulika ndi, Chiuta pamoza nafwe.

Mateyu 1:25

ndipo kuti wangumziŵa cha mpaka wangupapa mwana: ndipo wangudana zina lake Yesu.

Mateyu 12:34

Mphapu za vipiriŵiza, mwa ŵakuŵa ŵaheni mungaziŵa uli kurongoro vyamampha? Chifukwa kutuwa ku ufurwi wa mtima mlomo urongoro.

Mateyu 13:38

ndipo munda wo ncharu; mbeu yamampha, mbana ŵa ufumu; ndi maduru mbana ŵa mheni yo,

Mateyu 23:33

Mwazinjoka, mphapu ya vipiriŵiza, mungathaŵa uli cheruzgu cha Gehena?

Mateyu 3:7

Kweni wachiwona ŵanandi ŵa ŵaFarisi ndi ŵaSaduki ŵakuza ku ubatizo wake, wanguŵafumba, “Mwa mphapu za vipi, njani wangukucheŵeskani kuthaŵa kandundu ko katuza?

Marko 16:18

ŵakasoskanga zinjoka, ndipo asani ŵangamwa kanthu karwani, kuti kakaŵapwetekanga cha; ŵakaŵikanga manja pa ŵarwali, ndipo ŵakachiranga.”

Luka 1:76

Nawe so, wamwana, udanikenge mchimi wa wamdengwendi: chifukwa udanjiriyenge paurongo pa chisku cha Mbuya, kwachirongoso nthowa zake;

Luka 10:19

Awonani ndakupaskani mtufu wakuphwatiya pa zinjoka ndi vipiriri, ndi pa nthazi yose ya mphindikwa: ndipo palive kanthu kose.

Luka 22:53

Ndenga ndeche pamoza namwe zuŵa ndi zuŵa mu kasopi yo, kuti mungutambaruliya manja pangu cha; kweni lenili ndi ora linu, ndi mtufu wa mdima.”

Luka 24:27

Ndipo pakwandiya paku Mosese ndi paku wose ŵamchimi wo, wanguŵang'anamuliya mu malembo ghose vyo vyapaku iyo yija.

Yohane 8:44

Imwe mwe ŵa uskemwe diabolo yo, ndipo maulakalaka gha uskemwe ndigho mukhumba kuchita. Iyo wenga mubayaŵanthu kutuwa ku mtendeku, ndipo kuti wendi kanthu ndi uneneska cha, pakuti mulive uneneska mwaku iyo. Po warongoro utesi, warongoro vya umoyo wake: pakuti ndi mtesi ndipo ndi uskeu wa ŵatesi.

Machitidu gha Ŵakutumika 13:10

Ndipo wanguti, “Awa, wakuzazika fuvyo lose ndi uchenjezi wose, wamwana wa diabolo, wamawongo we wa urunji wose, asi urekenge, kunyongonthowa zakunyoroka za Mbuya?

ŴaRoma 16:20

Ndipo Chiuta iyo wa chimangu waphwanyiyenge Satana ruŵi kusi ku marwayo ghinu. Wezi wa Ambuyafwe Yesu Kristu uŵe manwe.

ŴaRoma 3:13

“Singu lawo ndi muunda wamwazi; afuvya ndi malilime ghawo.” “Liwozga la ŵakhaku le kusi ku milomo yawo.”

ŴaGalatia 4:4

kweni yati yaza nyengo yakufiskika, Chiuta wangutuma Mwana wake, wakupapika ndi munthukazi, wakuwiya pasi pa langulu,

ŴaEfeso 4:8

Viyonthu watiti, “Penipo wangukwere so kuchanya, wanguyora liŵanja la ŵamikoli, ndipo wangupaska mipasku ku ŵanthu.”

ŴaKolose 2:15

wati wabwanganduwa maufumu ndi mitufu, wanguvirongole pakweru, pakuvipundiya mwaku iyo mweneko.

ŴaHebere 2:18

Chifukwa po wakomwe pakweseka, ngwanthazi kuwovya wo ŵateseka.

ŴaHebere 5:7

Mweniyo mu mazuŵa ghake ghaliŵavu, wanguti wapereke, ndi Mubobotu wanthazi ndi masozi, maniniziku, maŵeyerero, kwaku yo wenga ndi nthazi kumtaska kunyifwa, ndipo wanguvwika pa chifwa cha uwopa Chiuta wake.

1 Yohane 3:10

Mwaku chenichi ŵarongoleka ŵana wo ŵaku Chiuta ndi ŵana wo ŵaku diabolo: munthu yose wakuura kuchita urunji, kuti ngwa kwaku Chiuta cha, chingana ndi yo walive kumwanja mbali wake.

1 Yohane 3:8

Yo ngwakuchita chilakwa ngwakutuliya kwaku diabolo yo; pakuti kutuwa ku mtendeku walakwa diabolo yo. Mwana yo waku Chiuta wangurongoleke chenichi kuti wanange nchitu zo zaku diabolo.

1 Yohane 5:5

Kweni njani yo ngwakupunda charu? Ndi mweniyo ngwakuvwana kuti Yesu ndi Mwana waku Chiuta.

Chivumbuzi 12:17

Ndipo nchalinda wangukaripa pa munthukazi, ndipo wanguruta kurwana ndi ŵakujapo ŵa mbeu yake, ŵeniwo nawo ŵasungirizga marangu ghaku Chiuta, ndipo ŵe ndi chisimisimi chaku Yesu. Ndipo wanguma pa mchenga wapa nyanja.

Chivumbuzi 13:7

Ndipo kungupaskika kwaku cho kurwana ndi ŵakupaturika wo, ndi kuŵapunda. Ungupaskika kwaku cho mtufupa fuku lose ndi khamu ndikarongororedu ndi mtundu.

Chivumbuzi 2:10

Ungopanga cha vyo ukomwenge. Awonani, diabolo yo wakhumba kupong'a ŵanyake ŵa mwaku imwe mu ulinda, alinga kuti mweseke; ndipo mukasuzgikanga mazuŵa chumi. Uŵe wamagomekezgeka mpaka nyifwa, ndipo nkhakupaskanga ndumbu ya umoyo.

Chivumbuzi 20:10

Ndipo diabolo yo, mweniyo wangurandizga, wangupong'eka mu nyanja ya moto ndi fukunyira kweniko kwe chikoku cho ndi mchimimtesi yo; ndipo wakavwanga urwirwi msana ndi usiku muyaya ndi muyaya.