Chiyambo 27:1 - Tonga Bible 1986

¹ Wati wakota Yisaki, maso ghake ghanguchita mdima biviyo kuti wanguziŵa kuwona cha, wangudana Esau mwana wake mura, ndi wanguti kwaku iyo, “Mwana wangu”, ndipo wangwamuka, “Nde pano.”

Chiyambo 27:1 Iomraidhean Croise

Chiyambo 25:33

Yakobe wanguti, “Udange chandirapiya danga.” Viyo wangumurapiya ndi wanguguliska ura wake kwaku Yakobe.

Chiyambo 48:10

Sono maso ghaku Yisraele ghanguchita ndandi chifukwa cha ukhongwe, viyo wanguziŵa kuwona cha. Viyo Yosefe wanguza nawo pafupi pake; ndipo wanguŵafyofyontha ndi wanguŵafukatiya.

1 ŴaKaronga 14:4

Muwoli waku Yeroboamu wangusoka, wanguruta ku Shilo, wanguza ku nyumba yaku Ahija. Nyengo iyi Ahija kuti wanguziŵa kulereska cha, pakuti maso ghake ghanguchita ndandi chifukwa cha ukhongwe.

Wakutaula 12:3

mu zuŵa lo ŵakusunga nyumba ŵazamumbwambwanthiya, ndi ŵanthurumi ŵanthazi ŵazamupeteka, ndi ŵakupera ŵakarekanga chifukwa mbamana, ŵakulereska pa madangazi ŵachitenge chidima,

Yohane 9:3

Wangwamuka Yesu, “Chingana ndi mwenuyu kuti wangulakwa cha, chingana mbapapi ŵake; kweni alinga kuti zirongoleke mwake nchitu zaku Chiuta.

Marangu 34:7

Mosese wenga wa virimika machumi pe chumi pachanya machumi ghaŵi (120) pa ura wake wachifwa. Jiso lake lengavi kuchita ndandi chingana ndi nthazi yake yengavi kugowoka.

1 Samuele 3:2

Pa nyengo yiya Eli, yo maso ghake ghangwamba kuchita chidima, mwakuti kuti walereskanga umampha cha, wagonanga pasi mu malo ghakuyija;