Chiyambo 22:7 - Tonga Bible 1986

⁷ Yisaki wanguti ku awiske Abrahamu, “Ada!” Ndipo iwo ŵanguti, “Nde pano, wa mwana wangu.” Iyo wanguti, “Awonani moto ndi nkhuni, kweni mberere ye pani ya sembe yakocha?”

Chiyambo 22:7 Iomraidhean Croise

Chiyambo 22:8

Abrahamu wanguti, “Chiuta wakapaskanga mberere ya sembe yakocha, wa mwana wangu.” Viyo ŵanguruta ŵaŵi viyo pamoza.

Chiyambo 8:20

Pavuli Nowa wanguzenge Ambuya jochero lakochiyapo mpasku, ndipo wanguto nyama yose yakuphotoka ndi chiyuni chose chakuphotoka ndi wangupaska mpasku wakocha pa jochero lo.

Chituwa 12:3

Munene wumba wose wa ŵaYisraele kuti pa zuŵa la chumi la mwezi uwu ŵakatonga munthu we yose mberere kwakulingana ndi nyumba za auskeu, mberere yimoza pa nyumba yimoza:

Chituwa 29:38

“Sono ivi ndivyo mukapaskanga pa jochero la sembe: tumberere twa virimika viŵi, zuŵa ndi zuŵa kwambura kurekezga.

Mateyu 26:39

Ndipo pakurutiyapo kunthazi kamanavi, wanguwa kavunama, wakuromba ndi wakuti, “Ada, asani kungachitika, yindirutiriye nkhombo iyi: kweni uli ndimo ndikhumbiya ine cha, kweni mo mukhumbiya imwe.”

Mateyu 26:42

Kachiŵi wanguruta ndipo wanguromba, wakuti, “Ada, asani mukhumba, mutuzgeko kwangu nkhombo iyi, khumbo langu cha, kweni khumbo linu lichitike.”

Yohane 1:29

Ndi mlenji wawona Yesu wachiza kwaku iyo, ndipo watiti, “Awonani, Mwana-mbere waku Chiuta, yo watuzgapo ulakwi wa charu!

Yohane 1:36

ndipo wachilereska dodoli paku Yesu wachenda, watiti, “Awonani, MwanaMberere waku Chiuta!”

Yohane 18:11

Viyo Yesu wanguti kwaku Petro, “Weska lipanga lo mu chibazi chake; kumbi ndireke kumwa nkhombo yo ŵandipaska Ada?”

ŴaRoma 8:15

Chifukwa kuti munguronde cha mzimu wa uŵanda wa chofyu, kweni munguronde mzimu wa ulezi, mwaku wo tikutiya, “Aba, Ada!”

Chivumbuzi 13:8

Ndipo wose ŵakuja pa charu chapasi ŵakachilambiyanga, we yose yo zina lake lirivi kulembeka kutuwa ku kujarikika kwa charu mu buku la umoyo la Mwana-mberere yo, mweniyo wangubayika.