Chiyambo 22:12 - Tonga Bible 1986

¹² Wanguti, “Reka kumubaya mwana yo, chingana nkhuchita nayo kanthu kanyake cha; pakuti sono ndiziwa kuti utopa Chiuta, pakuti wakaniliya mwana wako cha, mwana wako yumoza pe, kwaku ine.”

Chiyambo 22:12 Iomraidhean Croise

Chiyambo 20:11

Abrahamu wanguti, “Ndinguchichita chifukwa ndingughanaghana kuti, ‘Mulivi kopa Chiuta chingana nkhamanavi mu malo yagha, ndipo ŵakandibayanga chifukwa cha muwoli wangu.’

Chiyambo 22:13

Ndipo Abrahamu wangulereska, ndi wanguwona, ku msana kwake phongo, wanguwira masengwi ghake mu thundu; ndipo Abrahamu wanguruta ndi wanguto phongo, ndipo wangumupaska kuŵa sembe yakocha mu malo gha mwana wake.

Chiyambo 22:16

wanguti, “Ndajirapizga ndamwene, atiti Ambuya, chifukwa chakuti wachita ichi, ndipo ulivi kukaniliya mwana wako, mwanawako yumoza pe,

Chiyambo 22:2

Wanguti, “To mwana wako yumoza pe, Yisaki yo utanja, ndipo urute ku charu cha Moriya, ndipo ukamupereke iyo kwenikuwa kuŵa sembe yakocha pa limoza la mapiri lo ndikakuneniyanga.”

Chiyambo 26:5

Chifukwa Abrahamu wanguvwiya mazu ghangu ndipo wangusunga maphweredu ghangu, malamulu ghangu, vyeruzgu vyangu, ndi marangu ghangu.”

Chiyambo 42:18

Pa zuŵa la chitatu Yosefe wanguti kwaku wo, “Chitani viyo ndipo mukaŵanga ŵamoyo, pakuti nditopa Chiuta:

Nehemiya 5:15

Ŵeruzgi ŵara ŵakudanga wo ŵengapo paurongo pangu ŵanguchitiska mphingu zizitu pa ŵanthu, ndipo ŵanguronda kurgha ndi vinyo ku ŵanthu, pamoza ndi mashekelo machumi ghanayi (40) gha siliva, ŵateŵeti ŵawo so ŵanguchita mitufu pa ŵanthu. Kweni ine kuti ndinguchita viyo cha, chifukwa chakopa Chiuta.

Jobu 1:1

Kwenga munthu mu charu cha Uzu, yo zina lake lenga Jobu; munthu uyu wenga murunji ndi wakaunyoloka, wangopa Chiuta ndi wangutinkha uheni.

Jobu 28:28

Ndipo wanguti ku munthu, ‘Wona, chofyo cha Ambuya, chenicho ndi zeru; ndipo kupatuka ku uheni ndi vinjeru.’ ”

Jobu 5:19

Wakakutaskanga ku visuzgu vinkhonde ndi chimoza, mu chachinkhonde ndi chiŵi pakaŵangavi chiheni chakukukwaska.

Sumu 1:6

pakuti Ambuya aziŵa nthowa ya ŵakurunjika kweni nthowa ya ŵaheni yisoŵenge.

Sumu 111:10

Kopa Ambuya ndicho chiyambo cha vinjeru. Apaska cheruzgu chakuvwika kwaku wo wose ŵavwiya marangu ghawo. Mbakwenere kurumbika muyaya ndi muyaya.

Sumu 147:11

Kweni Ambuya akondwere ndi ŵakuwopa, wo ŵagomekezga mu chanju chawo chakufikapo.

Sumu 2:11

Teŵetiyani Ambuya ndi wofi, ndi chitenthe.

Sumu 25:12

Njani munthu yo watopa Ambuya? Mweniyo ndiyo amusambizgenge nthowa yo watenere kusankha.

Sumu 25:14

Ambuya ndi bwezi laku ŵeniwo ŵati ŵawopa, ndipo phanganu lawo atiŵaziŵiska.

Chituwa 20:20

Ndipo Mosese wanguti ku ŵanthu, “Mungopanga cha; pakuti Chiuta waziya kumwesani ndi so kuti mumopenge iyo, alinga mureke kulakwa.”

Nthanthi 1:7

Kopa Ambuya ndiku kwamba kwa zeru; ŵakupusa ŵayeya chinjeru ndi visambizgu.

Wakutaula 12:13

Umari wa makani; vyose vyavwika muwope Chiuta, ndipo sungani marangu ghake; pakuti ichi ndicho ndi nchitu yose ya munthu.

Yeremiya 19:5

ndipo ŵazenga malo gha pachanya ghaku Bala, kochiyapo ŵana ŵawo mu moto nge ndi mpasku wakocha kwaku Bala, ine ndengavi kulangula pamwenga kukamba viyo ndipo kuti ndingughanaghana viyo cha.

Yeremiya 32:40

Ndikapangananga nawo phanganu la muyaya, lakuti ine kuti ndikatuwangako cha ku kuŵachitiya umampha iwo; ndipo ndikaŵikangamo kopa mu mitima yawo, ndipo kuti ŵakatuwangako cha kwangu.

Malaki 4:2

Kweni imwe mutopa ine mwamuwona dazi la urunji lichituwa ndi uchizgi mu mapapiku ghake. Mwamuruta ndi kuchilipuka nge ndi mathole ghachituwa mu khola.

Mateyu 16:24

Yesu wanguŵanene ŵasambizi ŵake, “Asani yumoza wakhumba kuza kuvuli kwangu, wajikanizge, wato mphinjika yake, ndi wandirondo.

Mateyu 19:29

Ndipo yose yo wasiya zinyumba, pamwenga ŵabali, ŵazichi, wiske, nyina, ŵana pamwenga vyaru, pa chifukwa cha zina langu, wamronde mbwerezga ya machumi pe chumi, ndipo waharenge umoyo wamuyaya.

Mateyu 5:16

Viyo ŵaliskani ukweru winu paurongo pa ŵanthu, mwakuti ŵawone nchitu zinu zamampha, ndi ŵakankhuske Auskemwe ŵakuchanya.

Yohane 3:16

Pakuti Chiuta wangwanja viyo charu, viyo kuti wangupaska Mwana wake wakuwayija, alinga kuti yose wakuvwana mwaku iyo wareke kutayika, kweni waŵe ndi umoyo wamuyaya.

Machitidu gha Ŵakutumika 9:31

Viyo mu Yuda mose ndi mu Galile ndi mu Samaria mpingu waŵanga ndi chimangu, ndipo unguzengeka; wakwenda mu chopu cha Ambuya ndi mu unkhoswi wa Mzimu Wakupaturika ungwandana.

ŴaRoma 5:8

Kweni Chiuta wasimikizgiya chanju chaku iyo mweneko kuchiri kwaku ifwe, mwakuti, tengateche ŵakulakwa, Kristu wangutifwiya.

ŴaRoma 8:32

Mweniyo nadi wengavi kureka Mwana waku yija, kweni wangumpereke pa chifukwa chaku tose, warekenge so uli kutipaska kwawezi vinthu vyose pamoza nayo?

1 ŴaKorinte 10:13

Kuti kakuziyanipo cha kesedu kakupambana ndiko kaziya pa munthu we yose. Ndipo Chiuta ngwamagomekezgeka, mweniyo kuti wangatayirizga imwe cha kuti mweseke kwakujumpha cho mungakunthiyapo; kweni pamoza ndi kesedu ko wapaskenge so nthowa yakuposomokiyapo, alinga kuti muziŵenge kukunthiyapo.

2 ŴaKorinte 8:12

Chifukwa asani upusuwo ulipo, mpasku ngwamarondeka uli ndimo munthu waliri nacho, uli ndimo wauriyavi cha.

ŴaHebere 11:19

Pakuti wangupima kuti Chiuta wenga wanthazi kumyuska, chingana nkhu ŵakufwa; kutuwa kweniko nako wangumronde mu ntharika.

ŴaHebere 12:28

Viyo, taŵakuronde ufumu wambura kusukunika, tiŵe ndi kuwonga, mwaku wo tisope Chiuta kwakumkondweska ndi uwopa Chiuta ndi wofe:

Yakobe 2:18

Kweni wakambenge yumoza, “Iwe wenacho chivwanu, ndipo ine nde nayo milimu”; ndirongo chivwanu chako pade pa milimu yako, ndipo ine mu milimu ndikurongonge chivwanu changu.

Chivumbuzi 19:5

Ndipo ghangutuwa ku chitengu-chaufumu cho mazu, ghakuti, “Thamikani Chiuta widu, mose mwaŵaŵanda ŵake, mwaŵakumopa, mwaŵamana ndi mwaŵara!”

1 Samuele 15:22

Samuele wanguti, “Kumbi Ambuya ŵendi likondwa likuru mu mipasku yakocha ndi zisembe, nge ndimo aliri nalo mu kuvwiya mazu ghawo? Ehe, kuvwiya nkhwamampha kuruska sembe, kutegherezga kuruska mafuta gha viphongo.