Chiyambo 22:1 - Tonga Bible 1986

¹ Pavuli pa vinthu ivi, Chiuta wangwesa Abrahamu, ndi wanguti kwaku iyo, “Abrahamu!” Ndipo iyo wanguti, “Nde pano.”

Chiyambo 22:1 Iomraidhean Croise

Chiyambo 15:1

Pavuli pa vinthu ivi mazu gha Ambuya ghanguza kwaku Abramu mu chakuwona, “Ungopanga cha Abramu, Ine nde nguru yako; mphoto yako yikaŵanga yikuru ukongwa.”

Chiyambo 21:11

Ndipo Abrahamu wangukaripa ukongwa chifukwa cha mwana wake.

Chiyambo 22:11

Kweni mungelo waku Chiuta wangudanirizga kwaku iyo kuturiya kuchanya, ndi wanguti, “Abrahamu, Abrahamu!” Ndipo iyo wanguti, “Nde pano!”

Chiyambo 22:7

Yisaki wanguti ku awiske Abrahamu, “Ada!” Ndipo iwo ŵanguti, “Nde pano, wa mwana wangu.” Iyo wanguti, “Awonani moto ndi nkhuni, kweni mberere ye pani ya sembe yakocha?”

Chiyambo 37:13

Ndipo Yisraele wanguti kwaku Yosefe, “Ŵana ŵanyako asi ŵaliska viŵetu pa Shekemu? Zanga kuno, ndikakutumanga iwe kwaku wo,” ndipo wanguti kwaku iyo, “Nde pano.”

Chiyambo 46:2

Ndipo Chiuta wangukamba ndi Yisraele mu vyakuwona vya usiku ndi wanguti, “Yakobe, Yakobe,” ndipo iyo wanguti, “Ndine nde pano.”

2 Samuele 24:1

Ndipo ukari wa Ambuya ungukore so pa ŵaYisraele, angusoska Davidi kumikana nayo, akuti, “Ruta, ukaŵerenge ŵaYisraele ndi ŵaYuda.”

2 Mikoka 32:31

Hezekiya wangusakata mu nchitu zake zose. Viyo ndi mathenga gha Wakaronga ŵaku Babiloni gho ghangutumika kwake kufumba chisimikizgu chiya chinguchitika pa charu, Chiuta wangumureka yija kuti wamwese, kuti waziŵe vyose vyamu mtima wake.

Sumu 11:5

Chiuta watesa ŵarunji ndi ŵaheni, ndipo mzimu wake utinkha wakwanja viwawa.

Chituwa 16:4

Ndipo Ambuya anguti kwaku Mosese, “Ehe, ine ndikang'iskanga chiŵande kutuliya kuchanya chaku imwe; ndipo ŵanthu ŵakarutanga kwachiyora vya zuŵa limoza, zuŵa ndi zuŵa, alinga ndiŵese, manyi ŵakendanga mu dangu langu, pamwenga awa.

Chituwa 3:4

Penipo Ambuya anguwona kuti wapatukiyako kwachichiwona, Chiuta wangudanirizga kwaku iyo kutuliya mu chivwati, “Mosese, Mosese!” Ndipo iyo wanguti, “Ndine nde pano.”

Nthanthi 17:3

Mumphika wakusungapo ngwa siliva ndipo ng'anjo nja golide, ndipo Ambuya ŵatesa mitima.

Yesaya 6:8

Ndipo ndinguvwa mazu gha Ambuya ghakuti, “Ndikatumanga yani, ndipo ndiyani wakatirutiyanga?” Sono ine ndinguti, “Ndine pano! Nditumeni.”

1 ŴaKorinte 10:13

Kuti kakuziyanipo cha kesedu kakupambana ndiko kaziya pa munthu we yose. Ndipo Chiuta ngwamagomekezgeka, mweniyo kuti wangatayirizga imwe cha kuti mweseke kwakujumpha cho mungakunthiyapo; kweni pamoza ndi kesedu ko wapaskenge so nthowa yakuposomokiyapo, alinga kuti muziŵenge kukunthiyapo.

Marangu 13:3

mungategherezganga mazu gha nchimi yo cha, pamwenga wakulota maloto yo cha. Chifukwa Ambuya Chiuta winu watumwesani kuti waziŵe pamwenga mutuŵanja Ambuya Chiuta winu ndi mtima winu wose ndi umoyo winu wose.

Marangu 8:16

Mweniyo wangukukuhiŵani mbozwa ndi mana ghenigho auskemwe ŵengavi kughaziŵa, mwakuti wamuchepeskeni ndi wamweseni, kumuchitiyani umampha pa umari.

Marangu 8:2

Ndipo mukumbukenge nthowa yose yo Ambuya Chiuta wangumurongozgani virimika ivi machumi ghanayi (40) mu bozwa, ku muchepeskani ndi kumwesani; kuti waziŵe cho chenga mu mtima winu, vinu musungenge marangu pamwenga cha.

ŴaHebere 11:17

Ndi chivwanu Abrahamu, wacheseka wangupereka Yisaki nge ndi mpasku: ndipo mweniyo wangurondapo mapanganu wangupereka mwana wake wakuwa yija;

Yakobe 2:21

Asi Abrahamu auskefwe wangurunjiskikiya mu milimu, wachipereka Yisaki, mwana wake, pa chisoperu cho?

1 Petro 1:7

alinga kuti chirozgu cha chivwanu chinu, chakuzirwa kwakuruska golide, lo litanangika chingana ndakweseka mu moto, chisanirike kutataliya rumbu ndi unkhankhu ndi thamu pa uvumbuzi waku Yesu Kristu;

Ŵeruzgi 2:22

mwakuti mwaku yo ndimu ndimwesiyenge Yisraele vinu wakaphwerenga kwenda mu nthowa ya Ambuya uli ndimo ŵanguchitiya auskeu pamwenga awa.”

1 Samuele 3:4

Sono Ambuya angudana, “Samuele! Samuele!” Iyo wanguti, “Ndine pano!”