Chiyambo 20:6 - Tonga Bible 1986

⁶ Sono Chiuta wanguti kwaku iyo mu loto lo, “Inya ndiziŵa kuti wachita ichi mu kuphotoka kwa mtima wako, ndipo ndine ndingukusunga kuwura kundinangiya ine; chifukwa cho ndengavi kukuzomerezga kumuko munthukazi.

Chiyambo 20:6 Iomraidhean Croise

Chiyambo 20:18

Chifukwa Ambuya angujara vibali vyose vyamu nyumba yaku Abimeleke chifukwa chaku Sara, muwoli waku Abrahamu.

Chiyambo 26:11

Viyo Abimeleke wanguchinyiya ŵanthu wose, kuti, “We yose mweniyo wakakonga uyu munthu pamwenga muwoli wake wakabayikanga.”

Chiyambo 3:3

kweni Chiuta wanguti, ‘Kuti mungarghapo cha vipasi vya muti wo we mukati mu munda; chingana nkhuwukwaska, vinu mungafwa.’ ”

Chiyambo 31:24

Kweni Chiuta wanguza kwaku Labani mu Aramu yo mu loto ndi usiku, ndi wanguti kwaku iyo, “Chenje ungakamba cha mazu nanga ngamoza kwaku Yakobe, nanga ngamampha pamwenga ghaheni.”

Chiyambo 31:7

ndipuuli auskemwe ŵandizgelera ndi ŵasintha mphoto yangu nyengo chumi, kweni Chiuta wengavi kuzomera kuti wandikomweske.

Chiyambo 35:5

Ndipo penipo ŵarutanga wofi wakutuwa kwaku Chiuta unguŵa pa misumba yo yenga kwakuzunguliya iwo, viyo kuti ŵengavi kundondoloska ŵana ŵaku Yakobe.

Chiyambo 39:9

iyo kuti ngwakuruska ine cha mu nyumba iyi; ndipo walivi ko wasiyapo kwaku ine kweni iwe pe, chifukwa we muwoli wake, na chifukwa nchine chakuti ndingachitiya uheni ukuru uwu, ndi kulakwiya Chiuta?”

Sumu 51:4

Imwe, imwe pe, ndanangiya, ndipo cho nchiheni mu maso ghinu ndachita, viyo, murunjika pa kunderuzga ndi ambura kalema mu cheruzgu chinu.

Sumu 81:12

Viyo ndinguŵazomerezga kuruta mu unonono wa mtima wawo, ndi kuchita vyose vyo wangukhumba.

Sumu 84:11

Ambuya ndi muvikiriya widu ndi karonga wa unkhankhu, kutitumbika ndi wezi ndi ulemu; kuti wanora kanthu kose kamampha cha kwaku wose wo mbakuchita urunji.

Chituwa 34:24

Pakuti ndikadikiskangamo mitundu paurongo pinu, ndi kukuzga mphaka zinu; kuulengevi so munthu wakukhumba charu chinu, muchiruta kwachiwoneka paurongo pa Ambuya Chiuta winu katatu mu chirimika.

Nthanthi 21:1

Mtima wa karonga nkhamsinji ka maji mu janja la Ambuya; ŵatiurongozge kose kweniko ŵakhumba.

Nthanthi 6:29

Viyo ndimu walili yo wasere mu muwoli wa muzengezgani wake; palivi yumoza mweniyo watumuko walekenge kulangika.

ŴaLevi 6:2

“Asani we yose walakwa ndipo wasiya umagomekezgeka ku Ambuya, pakupusika muzengezgani wake, pakusungizga kanthu pamwenga chikoli, pamwenga pakuba, pamwenga pakuyuzga muzengezgani wake.

Mateyu 27:19

Kweni wachija iyo pa chakweruzgiyapo, muwoli wake wangumutumiya mazu, wakuti, “Uŵevi kanthu ndi murunji mweniyo; chifukwa le mu lotu ndakomwiyapo vinandi pa chifwa chake.”

1 ŴaKorinte 7:1

Kweni paku vyo mungundilembe: nkhwamampha ku munthu kukwaska munthukazi cha.

2 ŴaKorinte 6:17

Chifukwa chenichi tuwanimo mukati mwawu, ndi mupatukemo, watiti Mbuya, ndipo chambura kutowa mungachikwaska cha; ndipo ine nkhamrondeninga imwe,

2 ŴaTesalonika 2:11

Ndipo chifukwa chenichi Chiuta waŵatumiya kachitidu ka urandizgi, alinga kuti ŵavwaniye iwo mu utesi:

2 ŴaTesalonika 2:7

Chifukwa chakubisika cha uchikana marangu chayamba kali kugwira nchitu yake; kweni mpaka sono walipo yo watichikanizga, wachikanizgenge mpaka po iyo watuzgikapo.

1 Samuele 25:26

Iko sono, mbuyangu, Ambuya amoyo, ndipo mo muliri amoyo pakuwona kuti Ambuya amukanizgani ku mlando wa ndopa, ndi kukuwezge nduzga mwaŵeni ndi janja linu, sono mphanyi wose ŵarwani ŵinu ndi wose wo ŵapenja kuchitiya uheni mbuyangu ŵaŵe nge ndi Nabala.

1 Samuele 25:34

Chifukwa kwakuneneska mo aliri amoyo Ambuya Chiuta waku Yisraele, yo wandikanizga kukuchitiya uheni, asani wengavi kutinthimika kuzachikumana nane, ndineneska mphanyi kuti wajangako nanga njumoza cha kufika mawa ndi mlenji wa ŵanyumba yaku Nabala.”