Chiyambo 20:5 - Tonga Bible 1986

⁵ Kumbi wengavi kukamba kwaku ine iyo mweneko munthurumi kuti, ‘Ndi mzichi wangu?’ Ndipo munthukazi nayo wanguti, ‘Ndi mzichi wangu!’ Mu ukongorekwa wa mtima wangu ndi manja ghangu ghambura kalema ndachita ichi.”

Chiyambo 20:5 Iomraidhean Croise

Chiyambo 12:13

Unene kuti we mzichi wangu, alinga kuti kundiŵiye umampha ine chifukwa chako, ndi kuti umoyo wangu utaskike chifukwa chako.”

Chiyambo 20:13

Ndipo penipo Chiuta wangundisanduska kuŵa wakuyingayinga kutuwa ku nyumba ya ada, ndingumunene muwoli wangu, ‘Wezi weniwo undichitiyenge ine ndi uwu: pa malo pe pose penipo tikazanga unene nde mzichi wako.’ ”

Chiyambo 20:16

Kwaku Sara wanguti, “Awona, ndapaska mzichi wako chikwi chimoza (1,000) cha siliva, nge nchisimikizgu paku iwe mu maso ghaku wose ŵeniwo ŵendi iwe, ndi paurongo pamunthu we yose kuti we mukongorekwa.”

1 ŴaKaronga 9:4

Ndipo kwaku iwe, asani ukendanga paurongo pangu ulaka ndimo Davidi auso ŵangwende, mu ukongorekwa wa mtima ndi kunyoroka, kuchita kwakulingana ndi vyose vyenivyo, ndakulanguliya, kusunga marangu ghangu ndi vyeruzgu vyangu,

2 ŴaKaronga 20:3

“Kumbukani sono, Ambuya, nditukuŵeyereni mwenimo ndayende paurongo pinu mu ukongorekwa ndi mtima wose, ndipo ndachita cho nchamampha mu maso ghinu!” Ndipo Hezekiya wanguliya kwakuŵaŵa.

1 Mikoka 29:17

Ndiziŵa Chiuta wangu kuti mutesa mtima ndipo mukondwa nako kunyoroka; mu kunyoroka kwa mtima wangu, ndapereka kwinu ivi vyose kwawanangwa ndi mu chimwemwe.

Jobu 33:9

Mutiti, ‘Nde wakuphotoka, wambura ubendezi; nde wambura kalema, mulivi ulakwe mwaku ine.

Sumu 24:4

Yo wendi manja ghakuphotoka ndi mtima wakutowa, yo kuti wayinuskiya ku utesi mzimu wake cha; ndipo kuti warapa kwakupusika cha.

Sumu 25:21

Rekani ukongorekwa ndi kunyoroka vindisungirizge, chifukwa ndilindizga imwe.

Sumu 26:6

Manja ghangu ndisamba mu kuwura kafukwa, ndipo ndizunguliyenge jochero linu, Ambuya,

Sumu 7:8

Ambuya ateruzga ŵanthu; nderuzgeni, Ambuya, kwakuyana ndi urunji wangu, ndi kwakuyana ndi ukongorekwa wo we mwaku ine.

Sumu 7:9

Zomerani kuti uheni wa ŵaheni umare. Kweni imwe zengani ŵakurunjika, imwe mutesa mzimu ndi mitima, ndimwe Chiuta wakurunjika.

Sumu 73:13

Kumbi nkhwaŵaka viyo, kuti ndajisunga wambura kalema, manja ghangu ngakuphotoka ku kwananga?

Sumu 78:72

Ndipo nadi wanguŵa mliska wawo mu ukongorekwa wa mtima wake, wanguŵarongozga ndi janja la vinjeru.

Nthanthi 11:3

Unthu wakufikapo wa wakunyoroka utuŵarongozga, kweni kubende kwa ŵakunyenga kutuŵananga.

Nthanthi 20:7

Munthu murunji mweniyo watenda mu uneneska wake, mbakutumbikika ŵana ŵake pavuli pake!

Danyele 6:22

“Karonga muŵi ŵamoyo muyaya! Chiuta wangu watuma mungelo wake, wajara milomo ya nkharamu, ndipo kuti zandipweteka cha, chifukwa ndasanirika wambura kalema paurongo pake, ndipo so paurongo pinu, ndilivi kuchita kaheni, a karonga.”

2 ŴaKorinte 1:12

Chifukwa chitumbwa chidu nchenichi, chisimisimi icho cha njuŵi zidu, kuti mu charu ukongwako mwaku imwe tajijariya mu ukhovu ndi uneneska waku Chiuta, mu zeru ya ŵanthu cha, kweni mu wezi waku Chiuta.

1 ŴaTesalonika 2:10

Mwe ŵakaboni imwe, ndi Chiuta viyo, mo tingujaririya kuchiri kwaku imwe mwaŵakuvwana, kwakupaturika, ndi kwaurunji, ndi kwambura kalema:

1 Timote 1:13

ine ndawakuŵa kali mtokota ndi wakuŵemba ndi wamtonyoru: kweni ndinguchitikiya lisungu, pakuti kwambura kuziŵa ndinguchitiya viyo mu uwura chivwanu;

Yoswa 22:22

“Wanthazi zose, Chiuta, Ambuya! Wanthazi zose, Chiuta, Ambuya! Iyo waziŵa; ndipo Yisraele nayo mweneko waziŵe! Asani kwenga kugaruka pamwenga kuwura kugomezga Ambuya, mungatisiya ŵamoyo cha msana wale,