Chiyambo 2:25 - Tonga Bible 1986

²⁵ Ndipo munthurumi yo ndi muwoli wake ŵenga ŵankhuli ŵaŵi viyo, ndipo kuti ŵanguchita soni cha.

Chiyambo 2:25 Iomraidhean Croise

Chiyambo 3:7

Sono maso ghaku wo ŵaŵi ghangujurika, ndipo ŵanguziŵa kuti mbankhuli; ndipo ŵangusonerezgana mani gha mkuyu ndi ŵangujichitiya matheŵera.

Sumu 25:3

Inya, wose ŵakulindizga imwe kuti ŵalengeskekenge nanga njumoza cha; ŵachita soni wo ŵachita viŵembu kwambura chifukwa.

Sumu 31:17

Ambuya, ndireke kulengeskeka, pakuti ndidana kwaku imwe; ŵaheni ŵalengeskeke, ŵarutenge chisisi ku muunda,

Chituwa 32:25

Ndipo penipo Mosese wanguwona kuti ŵanthu ŵangufwatuka pakuti Aroni wanguŵafwatuliska, kukutozeka mu ŵakupindikana ŵawo,

Yesaya 44:9

Wose wo ŵachita ŵangoza ŵe kanthu cha, ndipo vinthu vyo ŵakondweremo vitanduwa kanthu cha; ŵakaboni ŵawo kuti ŵawona nanga nkhuziŵa cha, kuti ŵangalengeskeka.

Yesaya 47:3

Nkhuli yinu yikaŵanga pakweru, ndipo chilengesku chinu chikawonekanga. Nkhatayanga thayu, kuti ndikalekangapo munthu cha.

Yesaya 54:4

“Ungopanga cha, pakuti kuti ukalengeskekanga cha; ungaghanaghananga cha, pakuti kuti ukatolekiyanga chilengesku cha; pakuti ukaruwanga chilengesku cha unyamata wako, kusekeka kwa uvyokoro wako kuti ukakumbukanga so cha.

Yeremiya 17:13

Ambuya mwe, gomezgu laku Yisraele, ndakuti, wose wo ŵatikujowoni ŵakalengeskekanga; wo ŵarekana namwe ŵakalembekanga mu charu chapasi, pakuti ŵajowo Ambuya, wo nchisima cha maji gha umoyo.

Yeremiya 6:15

Kumbi ŵanguchita soni pakuchita unyakazi? Awa, kuti ŵanguchita soni nanga mkhamana cha; ŵengavi kuziŵa kuzimbwa. Chifukwa cho ŵakawiyanga pamoza ndi wo ŵatauwa; pa nyengo yo ndikaŵalanganga, ŵakathereskekanga,” atiti Ambuya.

Ezekiele 16:61

Penipo ukakumbukanga nthowa zako, ukachitanga soni ndichito ŵana ŵanyako, wose ŵaŵi, muku wako ndi muhurwa wako ndi kuŵapereka kwako nge mbana ŵanthukazi, kweni kuti mpha chifukwa cha phanganu ndi iwe cha.

Yoele 2:26

“Murghenge vinandi ndi kuguta, ndi kurumba zina la Ambuya Chiuta winu, yo wamuchitiyani kwakuziziswa. Ndipo ŵanthu ŵangu kuti ŵalengeskekenge so cha muyaya.

Marko 8:38

Chifukwa yose wachitenge soni paku ine ndi mazu ghangu mu mgonezi uno waureŵi ndi waulakwi, Mwana wa munthu nayo wamuchita soni paku iyo, penipo wazenge mu unkhankhu wa Awiske pamoza ndi ŵangelo ŵakupaturika.”

Luka 9:26

Chifukwa mweniyo yose wakanyariyenge ine ndi mazu ghangu, Mwana wa munthu wakanyariyenge iyo, penipo wakazanga mu unkhankhu wake, ndi wa Awiske, ndi ŵangelo ŵakhovu.

ŴaRoma 10:11

Pakuti lembo lo lititi, “Yose wakuvwana mwake kuti walengeskekenge cha.”