Chiyambo 19:9 - Tonga Bible 1986

⁹ Kweni iwo ŵanguti, “Tuwako!” Ndipo ŵanguti, “Uyu munthu wanguza wakuyingayinga, ndipo watijisanduska mweruzgi! Sono tikusauskenge ukongwa kwakuruske iwo.” Sono ŵangumututuzga ukongwa Lote ndipo ŵangundere pafupi kuti ŵaswe chisasa.

Chiyambo 19:9 Iomraidhean Croise

Chiyambo 11:6

Ndipo Ambuya anguti, “Ehe, mbanthu ŵa khamu limoza ndipo wose ŵendi mazu ghamoza; ndipo ichi nkhwamba ŵaka kwaku vyo ŵakachitanga; ndipo sono kuti ŵakatondekanga cha kuchita cho ŵakhumba kuchita.

Chiyambo 13:12

Abramu wanguja mu charu cha Kanani penipo Lote wanguja mu msumba wa dambo lo ndi wangunderezga hema lake mpaka ku Sodomu.

Chituwa 2:14

Iyo wangwamuka, “Njani wangukumika iwe kuŵa nduna ndi kweruzga ifwe? Kumbi ukhumba kundibaya uli ndimo ungubayiya muEgipiti yuwa?” Sono Mosese wangopa ndi wangughanaghana, “Kwakuneneska chinthu chiya chaziŵikwa.”

Nthanthi 14:16

Munthu wazeru wacheŵa ndipo watuwako ku uheni, kweni wakupusa wataya kujikanizga, ndi watuŵa mukata kuphwere.

Nthanthi 17:12

Mphanyi munthu wangawona chinyama cha biyere chenicho chapokeka ŵana ŵake, kwakuruska wakupusa mu kupusa kwake.

Nthanthi 27:3

Mwa nguzitu, ndipo muchenga uzita, kweni kukala kwa mubereŵeza kuzita kwakuruska vyose viŵi.

Wakutaula 10:13

Chiyambo cha mazu gha mlomo wake mbuzereza, ndipo umari wa kukamba kwake nkhufuntha kuheni.

Wakutaula 9:3

Ichi nchawuyu mwaku vyose vyo vichitika panu pasi, kuti chinthu chimoza chifikiya kwaku wose; ndipo so mitima ya ŵanthu yazaza ukazuzi, kufuntha kwemu mitima yawo po ŵeche ndi umoyo, ndipo, pavuli ŵaruta ku ŵakufwa.

Yesaya 65:5

ŵeniwo ŵatiti, “Ujiwone wamweni, reka kuza kufupi kwangu, pakuti ndi kuŵikika pakundija kwaku iwe.” Yaŵa ndi usi mu mphunu zangu, moto wo unyeka zuŵa lose.

Yeremiya 3:3

Chifukwa chenichi manthonera ghakanizgika ndipo vuwa ya chifuku palivi; ndipuuli iwe wendi chisku cha ureŵi, ukana kuchita soni.

Yeremiya 6:15

Kumbi ŵanguchita soni pakuchita unyakazi? Awa, kuti ŵanguchita soni nanga mkhamana cha; ŵengavi kuziŵa kuzimbwa. Chifukwa cho ŵakawiyanga pamoza ndi wo ŵatauwa; pa nyengo yo ndikaŵalanganga, ŵakathereskekanga,” atiti Ambuya.

Yeremiya 8:12

Kumbi ŵanguchita soni penipo wanguchita ukazuzi? Awa, kuti ŵanguchita soni ndi keni kamana cha; ŵengavi kuziŵa kuzimbwa. Chifukwa cho ŵakawanga mukati mu ŵakuwa, penipo ndikaŵalanganga ŵakathereskekanga, atiti Ambuya.

Ezekiele 16:49

Awona, uwu ndiwo wenga ukazuzi wa mwana munyako Sodomu: iyo pamoza ndi ŵana ŵake ŵangujikuzga, ususi wa vyakurgha, ndi kufwasa mu mausakati; kuti ŵangovya ŵakavu ndi ŵakusauka cha.

Mateyu 7:6

“Mungapaska cho nchikovu ku ŵagaru cha, chingana ndi ngare zinu mungaponga paurongo pa nguruŵi zo cha, vinu zingaphwatapo ndi marundi ghawo, ndipo, pakuweko, zingakuzwa-nduwani.

1 Samuele 17:44

Wanguti kwaku Davidi “Zanga, ndiperekenge nyama yako ku viyuni vya mude ndi ku vikoko vya mudondo.”

1 Samuele 2:16

Ndipo asani munthu yuwa wangumwamuka kuti, “Rekani ŵawoche danga mafuta, ndipo mutonge yose yo mukhumba,” iyo watinge, “Awa, utenere kupereka sono, asani ukana nditoliyenge mwa nthazi.”

1 Samuele 25:17

Mu chifukwa ichi uziŵe ndi ughanaghane paku cho ungachita; pakuti uheni wasimikizgika kuchitikiya pa mbuyafwe ndi pa nyumba yake yose, ndipo we ndi umoyo uheni mwakuti yumoza kuti wangakamba nayo cha.”