Chiyambo 19:5 - Tonga Bible 1986

⁵ ndi ŵangudanirizga kwaku Lote, “Ŵepani ŵanthu wo ŵaza kuno kwako usiku uno? Uŵatuzgiye kuno kwaku ifwe alinga tiŵaziŵe.”

Chiyambo 19:5 Iomraidhean Croise

Chiyambo 19:6

Lote wangutuliya ku bwalo kwaku wo, wangujara kukhomo wati watuwa,

1 ŴaKaronga 14:24

ndipo mwenga so ŵanthurumi ŵakusopa ŵareŵi mu charu. Wanguchita kwakulingana ndi ukazuzi wose wamitundu yo Ambuya angudikiska paurongo pa ŵaYisraele.

1 ŴaKaronga 22:46

Ndipo ŵanthurumi ŵachisopa cha ukazuzi wo ŵangujapo mu mazuŵa gha awiske a Asa, ŵanguŵamara mu charu.

Yesaya 1:9

Asani Ambuya ŵa maŵanja ŵengavi kutisiyiyapo ŵakujapo ŵamanavi, mphanyi tinguŵa nge ndi Sodomu; ndi kusanduka nge ndi Gomora.

Yesaya 3:9

Ŵakaboni ŵawo ŵatesi ŵachita ukaboni paku wo, ŵamemeza uheni wawo nge ndi Sodomu, kuti ŵatiwubisa cha. Owe kwaku iwo! Pakuti ŵajitole uheni pa ŵeneko.

Yeremiya 3:3

Chifukwa chenichi manthonera ghakanizgika ndipo vuwa ya chifuku palivi; ndipuuli iwe wendi chisku cha ureŵi, ukana kuchita soni.

Yeremiya 6:15

Kumbi ŵanguchita soni pakuchita unyakazi? Awa, kuti ŵanguchita soni nanga mkhamana cha; ŵengavi kuziŵa kuzimbwa. Chifukwa cho ŵakawiyanga pamoza ndi wo ŵatauwa; pa nyengo yo ndikaŵalanganga, ŵakathereskekanga,” atiti Ambuya.

Ezekiele 16:49

Awona, uwu ndiwo wenga ukazuzi wa mwana munyako Sodomu: iyo pamoza ndi ŵana ŵake ŵangujikuzga, ususi wa vyakurgha, ndi kufwasa mu mausakati; kuti ŵangovya ŵakavu ndi ŵakusauka cha.

Ezekiele 16:50

Ŵangujitukumuwa, ndi kuchita maunyakazi pa maso pangu; mu chifukwa ichi, po ndinguti ndaviwona ivi, ndinguŵatuzgapo.

Ezekiele 16:51

Samaria kuti walakwapo nanga nchigaŵa chimoza cha vigaŵa viŵi vya uheni wako cha; iwe wachita maukazuzi ghanandi kwakuruska iwo, ndipo wachitiska ŵana ŵanyako kuŵa ŵakurunjika chifukwa cha maunyakazi ghako ghose gho wachita.

ŴaLevi 18:22

Ungalanga ndi munthurumi cha, uli ndimo ulariya ndi munthukazi; mbukazuzi.

ŴaLevi 20:13

Asani munthu wara ndi munthurumi uli ndi munthukazi, wose ŵaŵi ŵachita ukazuzi ŵabayike, ndopa zawo ziŵe pa ŵeneko.

1 ŴaKorinte 6:9

Pamwenga asi muziŵa kuti ŵaziraurunji kuti ŵakaharanga ufumu waku Chiuta cha? Mungarandizgika cha: ŵareŵi, chingana mbakusopangoza, chingana mbarowozi, chingana mbauyaya, chingana mbakura ndi ŵanthurumi,

Marangu 23:17

“Kuti mukaŵanga mureŵi cha mu ŵana ŵanthukazi ŵaku Yisraele, chingana nkhuti mukaŵangapo mureŵi cha mu ŵana ŵanthurumi ŵaku Yisraele.

1 Timote 1:10

ŵareŵi, ŵakura ndi ŵanthurumi, ŵachivwamba, ŵatesi, ŵakurapa kwautesi, ndi kose kanyake asani kamikirana ndi chisambizgu chizirima;

2 Timote 3:13

Kweni ŵanthu ŵaheni ndi ŵafuzi ŵakarutiriyanga ku uheni, ŵakurandizga ndi ŵakurandizgika,

2 Petro 2:2

Ndipo ŵanandi ŵalondonge mauyaya ghawo; pa chifwa chaku ŵeniwo nthowa yo ya uneneska yikatokoskekanga.

2 Petro 2:7

ndipo wangumtaska Lote murunji yo, mweniyo wasuzgikanga ukongwa ndi kajaridu kaheni ka ŵachikana marangu wo,

Yuda 1:7

Uli ndimo Sodomu ndi Gomora, ndi misumba yakuzunguliya, pakujipereke ku maureŵi kwakukozgana nawo, ndi pakusaka uyaya wakutimbang'a vyakawi, ŵaŵikikiya nge nchirongoleru, ndi kulangikiya ku chisusa cha moto wamuyaya.

Ŵeruzgi 19:22

Ndipo po wapumuwanga ndi kufwasa mtima, ehe, ŵanthu ŵankhaza ŵamu msumba wo ŵanguzinga nyumba yo ŵakugong'oska pa khomo, ŵanguti ku mweneko wa nyumba, “Mutuzge munthu yo waza mu nyumba yako, kuti timuziŵe.”