Chiyambo 17:3 - Tonga Bible 1986

³ Sono Abramu wanguwa pasi kavunama; ndipo Chiuta wanguti kwaku iyo,

Chiyambo 17:3 Iomraidhean Croise

Chiyambo 17:17

Sono Abrahamu wangusindama chisku ndi wanguseka, ndi wanguti kwaku iyo yija, “Kumbi mwana wakapapikanga ndi munthu mweniyo pa ura wake wendi virimika machumi pe chumi (100)? Kumbi Sara mweniyo wendi virimika machumi ghankhonde ndi ghanayi (90) wangapapa mwana?”

Chiyambo 18:2

Wangulereska ndipo wanguwona ŵanthu ŵatatu ŵanguma paurongo pake. Wanguti waŵawona wanguchimbiya kutuwa pa khomo la hema lake kwachikumana nawo, ndipo wangukotamiya pasi,

1 ŴaKaronga 18:39

Ndipo penipo ŵanthu wose ŵanguwona ichi, ŵanguwa kavunama pa visku vyawo, ndipo ŵatinge, “Ambuya ndiwo Chiuta, Ambuya ndiwo Chiuta.”

Chituwa 3:6

Ndipo wanguti, “Ndine Chiuta wa ausu, Chiuta waku Abrahamu, Chiuta waku Yisaki, ndi Chiuta waku Yakobe.” Ndipo Mosese wangubisa chisku chake, pakuti wanguthenthema kulereska paku Chiuta.

Ezekiele 1:28

Nge nkhawonekero ka chiŵinga-vuwa mu mtambo pa zuŵa la vuwa, ndimo ukweru wakuzunguliya pa unguwoneke. Agha ndigho ghenga mawonekero gha chikozgu cha unkhankhu wa Ambuya. Po ndinguchiwona ichi, ndinguwa kavunama, ndipo ndinguvwa mazu gha yumoza kurongoro.

Ezekiele 3:23

Viyo ndingusoka ndinguruta ku chidika; ndipo, ehe, unkhankhu wa Ambuya unguma kwenikuwa, nge mbunkhanichu wo ndinguwona ku msinji Kebara; ndipo ndinguwa kavunama.

Ezekiele 9:8

Ndipo po ŵabayanga, ine ndingusiyika ndija, ndinguwa kavunama, ndinguliya, “A! Ambuya Chiuta! Muchipunguliya ukari winu pa Yerusalemu kumbi mubayenge wose wo ŵakujapo mu Yisraele?”

Danyele 10:9

Viyo ndinguvwa kayowozi ka mazu ghake, ndipo ndinguti ndavwa kayowozi ka mazu ghake ndinguwa pasi kavunama, ndingukoreka ndi tulo tuzitu.

Maŵerengedu 14:5

Viyo Mosese ndi Aroni ŵanguwa kavunama pa maso pa wumba wose wa ŵaYisraele.

Maŵerengedu 16:22

Ndipo ŵanguwa kavunama, ŵanguti, “Owe Chiuta, Chiuta wa mizimu ya ŵanthu wose asani walakwa munthu yumoza, kumbi mukakalipiyanga wumba wose?”

Maŵerengedu 16:45

“Tuwani mukati mu wumba uwa, alinga kuti ndiŵamare wose.” Ndipo anguwa kavunama.

Mateyu 17:6

Ndipo ŵanguti ŵavwa ŵasambizi wo ŵanguwa kavunama, ndipo ŵangopa ukongwa.

Yoswa 5:14

Iyo wanguti, “Awa, kweni nde wakulamula wankhondo wa Ambuya ndimu ndaziya.” Ndipo Yoswa wanguwa pasi kavunama, wangusopa, ndipo wangunena nayo, “Nchine cho mbuya walanguliya mteŵeti wake?”

Chivumbuzi 1:17

Ndipo ndichimwona, ndinguwa pa marundi ghake nge ngwakufwa. Ndipo wanguŵika pangu janja lake lamarghe, wakuti, “Ungopanga: Ine Ndine Wakudanga ndi Wakumariya,

Ŵeruzgi 13:20

Ndipo po mlipu ungukwera kurata kuchanya kutuwa pa jochero, mungelo wa Ambuya wangukwera mu mlipu wa jochero Manowa ndi muwoli wake ŵachilereska; ndipo ŵanguwa pasi kavunama.