Chiyambo 15:12 - Tonga Bible 1986

¹² Lichisere lumwi, tulo tuzitu tunguŵa paku Abramu ndipo ehe, mdima wakofya ndi ukuru unguŵa paku iyo.

Chiyambo 15:12 Iomraidhean Croise

Chiyambo 15:11

Ndipo penipo makuŵi ghangusikiya pa vitanda, Abramu wangughadikiska.

Chiyambo 2:21

Viyo Ambuya Chiuta wanguchita tulu tukuru kuŵa pa munthu yo, ndipo penipo weche kura wanguto yimoza ya mbaghara zake ndipo pa malo pake wangujarapo ndi nyama;

Chiyambo 28:11

Ndipo wanguza ku malo ghamoza, ndi wanguja penipa usiku weniwuwa lumwi linguti lasere. Wanguto umoza wa mya yapa malo gha, wanguwuŵika kusi ku mutu wake ndipo wangula pasi pa malo ghenigha wangugona.

Jobu 33:15

Mu roto, mu chiwona chaku usiku, penipo tulu tukuru tituŵako ŵanthu, penipo ŵasiwa pa vita vyawo,

Machitidu gha Ŵakutumika 20:9

Ndipo jaha limoza, zina lake Eutuko, wajanga pa dangazi, wakuzotopa ndi tulo tukuru; ndipo, wachitaula Paulo kwakurutiriya, pakugompho iyo ndi tulo, wanguwa pasi kutuwa ku dangazi lamuchanya lapatatu, ndipo wangunyamulika wakufwa.

1 Samuele 26:12

Viyo Davidi wanguto mkondo ndi msuku wa maji ku mutu waku Sauli; ndipo wanguruta. Panguŵavi munthu yo wanguchiwona ichi, nanga nkhuchiziŵa chingana nkhuti wayukepo munthu nako cha; wose ŵangugona chifukwa Ambuya anguŵapaska tulo tunandi to tunguŵaŵiya.