Chiyambo 15:1 - Tonga Bible 1986

¹ Pavuli pa vinthu ivi mazu gha Ambuya ghanguza kwaku Abramu mu chakuwona, “Ungopanga cha Abramu, Ine nde nguru yako; mphoto yako yikaŵanga yikuru ukongwa.”

Chiyambo 15:1 Iomraidhean Croise

Chiyambo 15:2

Kweni Abramu wanguti. “Ambuya Chiuta, mundipaskenge chine? Pakuti ndichalivi mwana, ndipo nuhari wa nyumba yangu ndi Eliezere waku Damasko?”

Chiyambo 15:4

Sono mazu gha Ambuya ghanguza kwaku iyo, “Uyu kuti wakaŵanga muhari wako cha; mwana waku wamweni ndiyo wakaŵanga muhari wako.”

Chiyambo 21:17

Ndipo Chiuta wanguvwa mazu gha mwana yo; ndipo mungelo waku Chiuta wangudanirizga kwaku Hagara kuturiya kuchanya, ndi wanguti kwaku iyo, “Nchine cho chitukusuzga Hagara? Ungopanga cha, pakuti Chiuta wavwa mazu gha mwana yo penipo wali.

Chiyambo 22:1

Pavuli pa vinthu ivi, Chiuta wangwesa Abrahamu, ndi wanguti kwaku iyo, “Abrahamu!” Ndipo iyo wanguti, “Nde pano.”

Chiyambo 22:20

Vinguti vyaŵapo vinthu ivi Abrahamu wanguvwa kuti, “Ehe, Milka nayo wapapa ŵana ku mwana munyako Nahoro:

Chiyambo 26:24

Ndipo Ambuya angumuwoneke usiku weniwo ndi anguti, “Ndine Chiuta waku Abrahamu ausu; ungopanga cha, pakuti nde nawe ndi ndikakutumbikanga ndi kwandaniska mphapu yako chifukwa cha muŵanda wangu Abrahamu.”

Chiyambo 31:7

ndipuuli auskemwe ŵandizgelera ndi ŵasintha mphoto yangu nyengo chumi, kweni Chiuta wengavi kuzomera kuti wandikomweske.

2 Samuele 22:3

Chiuta wangu, jarawi langu, mwaku mweniyo ndidingang'a, nguru yangu, ndi mtaski wangu wa nthazi, linga langu ndi chakudingang'amo changu, mtaski wangu, imwe mutinditaska ku mbembe.

2 ŴaKaronga 1:15

Ndipo mungelo wa Ambuya wanguti kwaku Eliya, “Sika rutanga pamoza nayo, ungamopanga cha.” Viyo wangusoka wangusika pamoza nayo kuya ku karonga,

1 Mikoka 28:20

Ndipo Davidi wanguti kwaku Solomoni mwana wake. “Uŵe wanthazi ndi ukhwimi, ndi uyichiti, ungopanga chingana nkhutenthema cha chifukwa Ambuya Chiuta yo ndi Chiuta wangu we namwe. Kuti wakujowonge chingana nkhukusiya cha mpaka penipo mlimu wa nyumba yaku Chiuta wamara.

Sumu 115:10

Gomekezgani mu Ambuya, mwa ŵanyumba yaku Aroni! Ndiwo chovyo chinu ndi nguru yinu.

Sumu 119:114

Ndimwe chakubisamamo changu ndi nguru yangu; ndigomekezga mu mazu ghinu.

Sumu 142:5

Ambuya, ndiliriya kwaku imwe; Ambuya, imwe, mwe chakudingang'amo changu; phande langu mu charu cha ŵamoyo.

Sumu 18:2

Chiuta ndi jarawi langu, linga langu, ndi mpozomoski wangu, Chiuta wangu, jarawi langu, mwaku mweniyo ndidingang'a, ndi nguru yangu, ndi mtaski wangu wa nthazi, linga langu lakukho.

Sumu 27:1

Ambuya nkhungweruka kwangu ndi chipozomosko changu; ndopenge yani? Ambuya ndi linga la umoyo wangu kumbi nditenthemenge yani?

Sumu 3:3

Kweni imwe, Ambuya, mwe nguru kwakundizunguliya, unkhankhu wangu, ndi wakuyuska mutu wangu.

Sumu 3:4

Ndidanirizga ukongwa ku Ambuya, ndipo atindimuka kutuliya mu phiri lawo lakupaturika.

Sumu 5:12

Chifukwa imwe mutumbika murunji; A Chiuta mutimuzingirizga ndi ulemu nge ndi nguru.

Sumu 58:11

Ŵanthu ŵakatinge, “Nadidi yiriko mphoto ya wakurunjika; kwakuneneska Chiuta waliko yo wateruzga pa charu.”

Sumu 84:11

Ambuya ndi muvikiriya widu ndi karonga wa unkhankhu, kutitumbika ndi wezi ndi ulemu; kuti wanora kanthu kose kamampha cha kwaku wose wo mbakuchita urunji.

Sumu 84:9

Tumbikani karonga widu, A Chiuta, karonga yo imwe mukusankha!

Sumu 91:4

Wakubenekeriyenge ndi mapapiku ghake, pa kuphwerereka ndi iyo ukaŵanga umamphavi. Ukongorekwa wake ndi nguru ndi chivekeru.

Chituwa 14:13

Ndipo Mosese wanguti ku ŵanthu, “Rekani kopa, mani gwa, ndipo muwonenge utaski wa Ambuya weniwo akamuchitiyaninga msana wale; pakuti ŵaEgipiti wa muwona msana wale kuti, mukaŵawonango so cha.

Nthanthi 11:18

Munthu wa mphurupu watanduwa mphotu yakupusika, kweni mweniyo wamija urunji waronde mphotu yeneko.

Nthanthi 30:5

Mazu ghose ghaku Chiuta ghasimika uneneska; iyo ndi nguru kwaku wo ŵabisama mwake.

Yesaya 35:4

Ku ŵa mtima wa mantha unene, “Nkhwimani, kopa cha! Ehe, Chiuta winu wakazanga ndi thayu, ndi kuwezge nduza kwaku Chiuta. Wakazanga kumutaskani.”

Yesaya 40:10

Ehe, Ambuya Chiuta watuza ndi kulimba, ndipo janja lake litimuwusiya, ehe, mphoto yake yendi iyo, ndipo lipira, lake le paurongo pake.

Yesaya 41:10

ungopanga cha, pakuti ndenawe pamoza, ungatenthemanga cha pakuti ndine Chiuta wako; ndikakukhomeskan'ga, ndikakovyanga, ndikakusunganga ndi janja langu, lakurghiya la upundi.

Yesaya 41:14

Ungopanga cha, owe fusi Yakobe, imwe mwa ŵanthu ŵaku Yisraele! Ndikovyeninge, atiti Ambuya; muwobozi winu ndi Mtuŵa Yumoza yo waku Yisraele.

Yesaya 43:1

Kweni sono atiti viyo Ambuya, yo wangukulenga iwe, Yakobe we, yo wangukuumba, Yisraele we: “Ungopanga cha, pakuti ndakuwombo; ndakudana iwe ndi zina, we wangu.

Yesaya 43:5

Mungopanga cha, pakuti nde namwe pamoza; ndikakuziyaninga ndi mphapu yinu kutuwa ku vuma, ndipo kutuwa ku zambwe ndikamuwunjikaninga.

Yesaya 44:2

Viyo atiti Ambuya wo angukupanga, wo angukuumba kutuwa ku chibali ndipo akakovyanga: Ungopanga cha Yakobe, mteŵeti wangu, Yeshuruni yo ndasankha.

Yesaya 44:8

Mungopanga cha, chingana nkhufipa mtima; kumbi ndilivi kumuneniyani kutuwa ku vya mwaka ndi kuvitaula? Imwe mwe ŵakaboni ŵangu! Kumbi pe chiuta munyake pade paku ine? Palivi Jarawe, ine ndindaliziŵe nanga ndimoza.”

Yesaya 51:12

“Ine, ndine ndisangaruska iwe; ndiwe yani iwe po utopa munthu mweniyo watufwa, mwana wa munthu yo wakulengeka uli mbuteka,

Yeremiya 39:17

Kweni ndikakutaskanga iwe mu zuŵa leniliya, atiti Ambuya, ndipo kuti ukaperekekanga mu janja la ŵanthu wo utopa cha.

Chitenje 3:24

Mtima wangu utiti, “Ambuya nchigaŵa changu, chifukwa cho ndigomekezgenge mwaku iwo.”

Ezekiele 1:1

Pa zuŵa la chinkhonde, mwezi wa chinayi, mu chirimika cha chumi ndi vitatu, penipo ndenga mukati mu ŵamikoli ku msinji Kebara, machanya ghangujurika, ndipo ndinguwona viwona vyaku Chiuta.

Ezekiele 11:24

Mzimu ungundisoska unguditore mu chiwona ndi Mzimu waku Chiuta ku Kaldiya, ku ŵamikoli. Ndipo chiwona cho ndinguwona chingukwera kutuwako kwangu.

Ezekiele 3:4

Ndipo wanguti, “Mwana wa munthu, ruta kasere ku nyumba yaku Yisraele, uŵakambiye mazu ghangu.

Maŵerengedu 12:6

Ambuya anguti, “Tegherezgani mazu ghangu: Asani mwe mchimi mukati mwinu, ine Ambuya nditumuziŵiska kuti ndiripo mu chiwona, ndirongoro nayo mu loto.

Maŵerengedu 18:20

Ambuya angunena ndi Aroni, “Iwe kuti ukaŵanga ndi chihara mu charu chawo cha, nanga ndi phande nalo cha mukati mwawo; ine nde phande lako ndi chihara chako mu ŵaYisraele.

Maŵerengedu 24:4

uneneska waku mweniyo watuvwa mazu ghaku Chiuta, yo walereska chiwona cha wanthazi zose, wakuwa pasi, kweni wakuwa ndi maso ghambura kusizimiya:

Mateyu 28:5

Kweni mungelo yo wakwamuka wanguŵanene ŵanthukazi, “Mungopanga cha, chifukwa ndiziŵa kuti mupenja Yesu yo wangupayikika.

Mateyu 8:26

Ndipo wanguŵanene, “Mutopanji, mwaŵachivwanu chimana?” Sono wachiyuka wanguchenya mphepu ndi nyanja: ndipo kunguŵapo bata likuru.

Luka 1:13

Kweni mungelo yo wanguti kwaku iyo, “Ungopanga, Zekariya, chifukwa likuvwika niniziku lako, ndipo muwoli wako Elizabeti wakupapiyenge mwana munthurumi, ndipo udanenge zina lake Yohane.

Luka 1:30

Ndipo mungelo yo wanguti kwaku iyo, “Ungopanga, Mariya: pakuti wasaniya wezi kwaku Chiuta.

Luka 12:32

“Ungopanga, wakamskambu kamana; pakuti Auskemwe ŵakondwa kumpaskani ufumu wo.

Machitidu gha Ŵakutumika 10:22

Ndipo ŵanguti iwo, “Kenturione Kornelio, munthu murunji ndi wakopa Chiuta, wakusimikizgika so ndi mtundu wose wa ŵaYuda, wangupangizgika ndi mungelo wakupaturika kwachidaniya iwe ku nyumba yake, ndi kuvwa kwako makani.”

1 ŴaKorinte 3:22

manyi ndi Paulo, pamwe Apolo, pamwenga Kefa, pamwenga charu, pamwenga umoyo, pamwenga nyifwa, pamwenga vyasono, pamwenga vyamkucha; vyose vye vinu:

Marangu 18:2

Kuti ŵakaŵanga ndi chihara cha mukati mu ŵabali ŵawo, Ambuya ndiwo chihara chawo, uli ndimo angupanganirana nawo.

Marangu 31:6

Muŵe ngwa ndi ŵachiganga cheneko, mungawopanga cha pamwenga kuŵa ŵakofyerwa chifukwa chawo, pakuti Ambuya Chiuta winu waruta namwe pamoza. Kuti wakatondekanga cha, chingana nkhumurekani mwija.”

ŴaHebere 1:1

Chiuta, yo mwaka wakambiyanga munthowa zinandi ndi zakupambanapambana ndi ŵaseku mu ŵamchimi,

Chivumbuzi 1:17

Ndipo ndichimwona, ndinguwa pa marundi ghake nge ngwakufwa. Ndipo wanguŵika pangu janja lake lamarghe, wakuti, “Ungopanga: Ine Ndine Wakudanga ndi Wakumariya,

Ruti 2:12

Ambuya akulipiyapo paku vyo ukuchita, ndipo lipila lakuzaza lipaskike kwako ndi Ambuya, Chiuta waku Yisraele mweniyo iwe waza kuzachibisama ku mapapa ghake!”

1 Samuele 15:10

Mazu gha Ambuya ghanguza kwaku Samuele:

1 Samuele 9:9

(Kali mu ŵaYisraele, asani munthu wanguruta kwachifumbiriya kwaku Chiuta, watinge, “Zanga, tiye tikenge ku muona”; chifukwa yo le wadanika mchimi, kali wangudanika muona.)