Chiyambo 13:16 - Tonga Bible 1986

¹⁶ Mphapu zako ndikazichitanga uli ndi fuvu la charu; viyo asani wangaŵapo munthu yo wangaziŵa kuŵerenga fuvu la charu, iku mphapu yako nayo yikaŵerengekanga.

Chiyambo 13:16 Iomraidhean Croise

Chiyambo 15:5

Ndipo wangumutuzgiya kubwalo ndi wanguti, “Lereska kuchanya, ndi uŵerenge nyenyezi zo, asani ungaziŵa kuziŵerenga.” Sono wanguti kwaku iyo, “Viyo ndimu yikaŵiyanga mphapu yako.”

Chiyambo 16:10

Mungelo wa Ambuya wanguti so kwaku iyo, “Ndikandaniskanga ukongwa limu mphapu zako zo zikaŵanga zambura kuŵerengeka”.

Chiyambo 17:16

Ndipo ndikamutumbikanga, ndipo so ndikakupaskanga mwana munthurumi mwaku iyo, ndikamutumbikanga ndipo wakaŵanga nyina wa mitundu; ŵakaronga ŵa makhamu ŵakatuwanga mwake.”

Chiyambo 17:2

Ndipo ndikachitanga phanganu pakati pangu ndi iwe, ndipo nkhakwandaniskanga iwe kwakuruska.”

Chiyambo 17:20

Gha paku Yishumaele, ndavwa; ehe, ndikamutumbikanga ndi nkhamupaskanga mphapu ndi nkhamwandaniskanga ukongwa limu; wakaŵanga uskeu wa mafumu chumi pachanya ghaŵi, ndipo nkhamuchitanga kuŵa mtundu ukuru.

Chiyambo 17:6

Nkhakuyandaniskanga ukongwa, ndipo ndikakuchitanga mitundu, ndipo ŵakaronga ŵakatuwanga mwako.

Chiyambo 18:18

pakuti Abrahamu wakaŵanga mtundu ukuru ndi wanthazi, ndipo mitundu yose ya pano pasi yikatumbikikiyanga mwaku iyo?

Chiyambo 21:13

Ndipo ndikachitanga mtundu wa mwana wako yo nayo, wa munthukazi yo muŵanda, chifukwa ndi mphapu yako.”

Chiyambo 22:17

kwakuneneska ndikakutumbikanga ndipo ndikandaniskanga mphapu yako uli ndi nyenyezi za kuchanya, ndipo uli ndi muchenga wo wepa likumba la nyanja. Mphapu yako yikaharanga malikomo gha ŵakupindikana nayo.

Chiyambo 26:4

Ndikandaniskanga mphapu yako uli ndi nyenyezi za kuchanya, ndipo ndiapaskanga ku mphapu yako uli ndi nyenyezi za kuchanya, ndipo ndikapaskanga ku mphapu yako ivi vyaru vyose; ndipo mu mphapu yako mitundu yose ya charu chapasi yitumbikikenge.

Chiyambo 28:14

ndipo mphapu yako yikawanga uli ndi fuvu lapa charu, ndipo mukasapatiyanga kutali ku zambwe ndi ku vuma ndi ku nkhonde ndi ku mwera; ndipo mwaku iwe ndi mphapu yako mitundu yose ya pano pasi yitumbikikenge.

Chiyambo 28:3

Chiuta wanthazi zose wakutumbike ndipo wakupaske mphapu ndi kukwandaniska, alinga kuti uŵe mpingu wa ŵanthu.

Chiyambo 32:12

Kweni imwe mungukamba, ‘Ndikakuchitiyanga umampha, ndi kuchita mphapu yako kuŵa nge ndi mchenga wapa nyanja, wo kuti ungaŵerengeka cha chifukwa cha unandi.’ ”

Chiyambo 32:13

Viyo wangugona penipa usiku wuwa, ndipo wangutopo paku vyo wenga navyo, chalara cha muku wake, Esau,

Chiyambo 35:11

Ndipo Chiuta wanguti kwaku iyo, “Ndine Chiuta wanthazizose: upapane ndiwandane; mtundu ndi mpingu wa mitundu ukatuwanga mwako, ndipo ŵakaronga ŵakatuwanga mwako.

Chiyambo 46:3

Viyo wanguti, “Ndine Chiuta, Chiuta wa ausu; ungopanga cha kusikiya ku Egipiti; pakuti kwenikuwa ndakukuchita mtundu ukuru.

1 ŴaKaronga 3:8

Ndipo muŵanda winu we mukati mu khamu linu lenilo mukusankha, khamu likuru ukongwa, la mbura maŵerengeka mu unandi.

1 ŴaKaronga 4:20

Yuda ndi Yisraele unandi wawo wenga nge ndi mchenga wakulikumba la nyanja, ŵarghanga ndi kumwa ndipo ŵenga ŵakukondwa.

2 ŴaKaronga 13:23

Kweni Ambuya ŵenga ŵa wezi kwaku wo, ŵenga nawo ndi chifundu, ndipo angung'anamukiya kuchiri kwawo, chifukwa cha phanganu ndi Abrahamu, Yisaki ndi Yakobe, ndipo kuti angukhumba kuŵaphwanya cha, chingana akuŵadika pa maso pawo mpaka ku zuŵa lino.

1 Mikoka 21:5

Ndipo Yoabu wangupereka kaŵerengedu ka unandi wa ŵanthu kwaku Davidi. Mu Yisraele yose mwenga vikwi-vikwi ndi vikwi machumi pe chumi (1,100,000) ŵanthu ŵakuwewepuwa malipanga, ndi mu Yuda vikwi machumi pe chumi ghanayi, pachanya vikwi machumi ghankhonde ndi ghaŵi (47,000) ŵakuwewepuwa malipanga.

1 Mikoka 27:23

Davidi wengavi kuŵaŵerenga wo ŵenga pasi pa virimika machumi ghaŵi mu ura wawo chifukwa Ambuya angupangana kwandaniska Yisraele nge ndi nyenyezi za kuchanya.

2 Mikoka 1:9

Ambuya Chiuta, sono lifiskike phanganu linu kwaku Davidi, pakuti mwandimika kuŵa karonga wa ŵanthu wo ŵenge ndi fuvu la charu mu unandi wawo.

Jobu 5:25

Ukaziŵanga so kuti mphapu yako yikandananga, ŵana ŵako nge mbuteka wapa charu.

Chituwa 1:7

Kweni ŵana ŵaku Yisraele ŵangupapana ndi ŵangwandana ukongwa. Ŵangwandana ndi ŵangukuwa ndi nthazi kwakuruska, viyo charu chinguzazika ndi iwo.

Chituwa 32:13

Kumbukani Abrahamu, Yisaki, ndi Yakobe ŵaŵanda ŵinu, kwaku wo mungurapiya paku mwaŵeni, ndipo munguti kwaku wo, ‘Ndikandaniskanga mphapu zinu nge ndi nyenyezi za kuchanya, ndipo charu chose ichi cho ndapangana kuti ndichipaskenge ku mphapu zinu, iwo ŵakachiharanga muyaya.’ ”

Yeremiya 33:22

Nge ndimo liŵanja la kuchanya kuti lingaŵerengeka cha, ndi muchenga wapa likumba kuti ungapimika cha, viyo ndimu ndikandaniskiyanga mphapu yaku Davidi mteŵeti wangu, ndi ŵazukuru ŵaLevi ŵeniwo ŵatinditataliya.”

Maŵerengedu 23:10

Njani wangaŵerenga fuvu laku Yakobe, chingana nkhuŵerenga chigaŵa cha chinayi chaku Yisraele? Rekani ndifwe nyifwa ya murunji, ndipo umari wangu ukozgane ndi wake!”

Marangu 1:10

Ambuya Chiuta winu wakwandaniskani ndipo le mwe ŵanandi nge ndi nyenyezi zakuchanya.

ŴaHebere 11:12

ndiviyo ŵangupapikako ku yumoza, ndi iyo nge ngwakufwa, mu unandi nge ndi nyenyezi za kuchanya, ndi uli ndi mchenga wo wapa likumba la nyanja, wambura maŵerengeka.

Chivumbuzi 7:9

Pavuli paku ivi ndingulereska, ndipo, onani, mzinda ukuru, weniwo pengavi munthu wanguziŵa kuŵerenga ŵakutuwa, mu mtundu we wose, ndi mu mafuku, ndi makamu, ndi marongoroledu, ŵamanga paurongo pa chitengu chaufumu cho, ndi paurongo pa Mwana-mberere yo, ŵakuvwara makhanju ghatuŵa, ndi ŵakukoreze ŵakanchindu mu manja ghawo,

Ŵeruzgi 6:3

Pakuti penipo pose ŵaYisraele ŵangupanda mbutu ŵaMidiyani, ndi Amaleke ndi ŵanthu ŵa kuvuma ŵazanga kuŵapweteka;

Ŵeruzgi 6:5

Pakuti ŵazanga ndi ng'ombe zawo ndi mahema ghawo, ŵazanga nge ndi zombe mu unandi, ŵanthu pamoza ndi ŵagamila ŵawo, ŵenga ŵambura maŵerengeka, viyo kuti ŵachiza mwenimo charu chinguzgoka chiparamba.