Chiyambo 13:10 - Tonga Bible 1986

¹⁰ Ndipo Lote wangulereska ndi wanguwona kuti dambo la Yordane lenga ndi maji ghakukwana kosekose uli ndi munda wa Ambuya, uli ndi charu cha Egipiti; pakuza ku Zoara; yapa ndipo Ambuya ŵenga ŵandanange Sodomu ndi Gomora.

Chiyambo 13:10 Iomraidhean Croise

Chiyambo 11:27

Sono izi ndi mphapu zaku Tera. Tera wenga wiske waku Abramu, Nahoro ndi Harani; ndipo Harani wenga wiske waku Lote.

Chiyambo 13:11

Viyo Lote wangujisankhiya dambo lose la Yordane kurata ku vuma; viyo ŵangupatukana uyu ku munyake.

Chiyambo 13:9

Kumbi charu cho chose kuti che paurongo pako cha? Patukana nane. Asani ukatonga kuchiri ku maze, ine ndikayanga ku marghe; pamwenga asani ukatonga ku marghe, iku ine ndikayanga ku maze.”

Chiyambo 14:2

ŵakaronga yaŵa ŵanguchita nkhondo ndi Hera karonga wa Sodomu, Birisha karonga wa Gomora, Shinaba karonga wa Adama, Shemebere karonga wa Zeboyimi ndi karonga waku Bela (yo ndi Boara).

Chiyambo 14:8

Sono karonga wa Sodomu, karonga wa Gomora, karonga wa Adama, karonga wa Zeboyimi, ndi karonga wa Bela (yo ndi Zoara) wanguruta, ndipo wangusere pa nkhondo mu dambo la Sidimi,

Chiyambo 3:6

Viyo penipo munthukazi wanguwona kuti muti wo wenga wamampha kurgha, ndi so kuti wenga wamanyanda mu maso, ndi kuti muti wenga wakukhumbikwa kupaska zeru, wanguto chipasi ndi wangurgha; ndipo wangupaskako so murumi wake, ndipo wangurgha.

Chiyambo 47:6

Charu cha Egipiti che paurongo pako; ausu ndi ŵana ŵanyako uŵapaske pakuja po mphamampha ukongwa pa charu ichi; ŵanjenge mu charu cha Gosheni; ndipo asani utiŵaziŵapo ŵanthu ŵanthazi mukati mwawo, uŵamike kuŵa ŵakuphwere ng'ombe zangu.”

Chiyambo 6:2

ŵana ŵanthurumi ŵaku Chiuta ŵanguwona ŵana ŵanthukazi ŵa ŵanthu kuti ŵenga ŵakutowa ndipo ŵangujitole ŵawoli ŵeniwo ŵangusankha.

1 ŴaKaronga 7:46

Mu dambo la Yordane ndimu karonga wavisongonoriyanga, mu dongo la pakati pa Sukoto ndi Zaretani.

Jobu 40:23

Woma, asani maji ghamu msinji ghazaza kuti iyo watopa cha, nanga Yordane wangazaza maji kufika mpaka, pa mlomo wake, kweni kuti waghanaghanako cha.

Sumu 107:34

Achitiska charu cha nyata kuŵa charu cha mche wakusukuruka, chifukwa cha uheni waŵakujamo.

Yesaya 15:5

Mtima wangu uliya chifukwa chaku Moabu, ŵakuthaŵa ŵake ŵachimbiriya ku Zoara, ku Eglatisheshiya. Pakuti pachikwera chaku Luhiti ŵatendachiliya ŵachikwera, mu mseu wakuya ku Horonaimi wasoska chitenje cha pharghaniku.

Yesaya 51:3

Pakuti Ambuya akasangaruskanga Zioni; akasangaruskanga malo ghawo ghose gha uyiku, ndipo akasanduskanga mabozwa ghake, kuŵa nge ndi Edeni, lisuwa lake ulaka ndi munda wa Ambuya; likondwa ndi chimwemwe vikasanirikanga mwake, kuŵaonga ndi mazu gha sumu.

Yeremiya 48:34

“Heshiboni ndi Eleyale ŵaliya, mpaka kwachifika ku Jahazi mazu ghawo ghavwika, kutuwa ku Zoara kufika ku Horonaimu ndi Eglatishelishiya. Pakuti maji ghamu Nimrimu nagho ghaŵa mapopa.

Ezekiele 16:46

Ndipo muku wako mura ndi muSamaria, yo wajanga ndi ŵana ŵake ŵanthukazi kuchiri ku nkhonde; muhurwa wako, yo wajanga kuchiri ku malaŵi, ndi ŵana ŵake ŵanthukazi ndi muSodomu.

Ezekiele 16:49

Awona, uwu ndiwo wenga ukazuzi wa mwana munyako Sodomu: iyo pamoza ndi ŵana ŵake ŵangujikuzga, ususi wa vyakurgha, ndi kufwasa mu mausakati; kuti ŵangovya ŵakavu ndi ŵakusauka cha.

Ezekiele 28:13

Unguŵa mu Edeni, mu munda waku Chiuta; mya yose yakuzirwa yenga chakuvwinkha chako, karneliani, topazi, jaspere, krusolite, berulo, ndi onike, safire, karbanike, ndi emaraldi; vyakujarika ndi vyakuchita kuzganga vinguchitika ndi golide. Pa zuŵa lo iwe ungulengeke ivi vingurongosoleke.

Ezekiele 31:8

Ma sidara gha mu munda waku Chiuta kuti ghanguwubenekere cha, chingana ndi miti ya mlombwa kuti yiyana ndi mphanda zake cha; miti yose yinyake kuti yinguwoneka nge nkhanthu cha pa kulinganizgana ndi mphanda zake; mwengavi muti mu munda waku Chiuta wo unguyana nawo kutowa.

Ezekiele 31:9

Ndinguwutoweska ndine mu unandi wa mphanda zake, ndipo miti yose yamu Edeni yinguchita nawo sanji, yo yinguŵa mu munda waku Chiuta.

Ezekiele 47:18

“Kuchiri ku vuma, mphaka yikatuwanga ku Hazarenoni pakati pa Haurani ndi Damasko; mumphepeti mwa Yordane pakati pa Gileada ndi charu cha Yisraele; ku nyanja yaku vuma kurutiliya ku Tamara. Uku nkhuchiri ku vuma.

Yoele 2:3

Moto ukole paurongo pawo, ndi kuvuli kwawo mlipu utocha. Charu chenge ndi munda wa Edene paurongo pawo, kweni kuvuli kwawo mabozwa ghasokwa, kulivi kanthu kakupozomoka kwaku iwo.

Marangu 34:3

Negebu ndi Dambo, lo ndilo dambo la Yeriko, wo ndi msumba wa mingwalangwa, kwachifika ku Zoari.