Chiyambo 12:7 - Tonga Bible 1986

⁷ Sono Ambuya anguwoneka kwaku Abramu, ndi anguti, “Ndikapaskanga charu ichi ku mbumba zako.” Viyo wanguzenga penipa jochero ku Ambuya ŵeniwo angumuwoneke.

Chiyambo 12:7 Iomraidhean Croise

Chiyambo 12:8

Kutuwa pa wangundere ku phiri ku vuma kwa Betele, ndi wangujintha hema lake; Betele ku zambwe ndi Ai ku vuma ndipo pa wanguzenga jochero ku Ambuya ndipo wanguromba ku Ambuya.

Chiyambo 13:15

pakuti charu chose cho uwona ndikakupaskanga iwe ndi mphapu zako muyaya.

Chiyambo 13:17

Soka wendemo mu utali ndi usani wa charu cho pakuti ndikachipaskanga kwaku iwe.”

Chiyambo 13:18

Viyo Abramu wangutuzgapo hema lake ndi wanguza ndi wanguja pafupi ndi miti ya misolo yamu Mamre, yeniyo yemu Hebroni, ndipo penipa wanguzenga jochero ku Ambuya.

Chiyambo 13:4

ku malo ghenigho wanguzengako jochero pakudanga; ndipo penipo Abramu wanguromba Ambuya.

Chiyambo 15:18

Mu zuŵa leniliya Ambuya anguchita phanganu ndi Abramu lakuti, “Ku mphapu yako ndipaska charu ichi, kwamba pa msinji wa Egipiti kufika ku msinji ukuru zina lake Efrate,

Chiyambo 17:1

Pa nyengo yo Abramu wenga wa virimika machumi ghankhonde ndi ghanayi pachanya vinkhonde ndi vinayi (99) Ambuya angumuwoneke Abramu ndi anguti kwaku iyo, “Ndine Chiuta wanthazi zose; wendenge paurongo pangu ndipo uŵi wambura kalema.

Chiyambo 17:3

Sono Abramu wanguwa pasi kavunama; ndipo Chiuta wanguti kwaku iyo,

Chiyambo 17:8

Ndipo nkhapaskanga kwako, ndi ku mphapu zako za pavuli pako, charu chakutandaramo kwinu, charu chose cha Kanani, kuŵa chihara cha muyaya; ndipo ndikaŵanga Chiuta wawo.”

Chiyambo 18:1

Ndipo Ambuya angumuwoneke pafupi ndi miti ya msolo ya pa Mamre, wanguti waja pa khomo la hema lake mu chifundizi cha msana.

Chiyambo 22:9

Penipo wanguza pa malo ghenigho Chiuta wangumunene, Abrahamu wanguzengapo jochero penipa, ndipo wanguyalikapo nkhuni umampha-umampha, ndi wangumanga Yisaki mwana wake, ndi wangumularika pa jochero pa nkhuni pachanya.

Chiyambo 24:7

Ambuya, Chiuta wa kuchanya, mweniyo wangundito ine ku nyumba ya ada ndi ku charu cha kawi kangu, ndipo ndi mweniyo wangukamba nane ndi wangundilapiya, ‘Ku mphapu yako ndikapaskanga charu ichi,’ iyo wakatumanga mungelo wake paurongo pako, ndipo wakumutole munthukazi mwana wangu kwenikuwa.

Chiyambo 26:25

Viyo wanguzengapo jochero penipa ndi wanguromba Ambuya, ndi wangujintha hema lake penipa. Ndipo pa ŵaŵanda ŵaku Yisaki ŵangukumbapo chisima.

Chiyambo 26:3

Utandari mu charu ichi, ndipo ine ndikaŵanga nawe, ndi ndikutumbikenge; pakuti kwaku iwe ndi ku mphapu yako ndikapaskanga ivi vyaruvyose, ndipo ndikafishkanga rapu lo ndingurapa kwaku Abrahamu ausu.

Chiyambo 28:13

Ndipo ehe, Ambuya anguma pachanya pake ndi anguti, “Ndine Ambuya, Chiuta waku Abrahamu ausu ndi Chiuta waku Yisaki; charu chenicho wagonapo ndikachipaskanga kwako ndi ku mphapu yako;

Chiyambo 28:4

Wapaske chitumbiku chaku Abrahamu kwaku iwe ndi ku mphapu yako pamoza nawe, alinga kuti muhare charu cho mukatandarangamo cho Chiuta wangupaska kwaku Abrahamu!”

Chiyambo 32:30

Viyo Yakobe wangudana zina la malo gha Penuele, wanguti, “Chifukwa ndawonana ndi Chiuta maso ndi maso, kweni umoyo wangu wasungika wamoyo.”

Chiyambo 33:20

Penipo wanguzengapo jochero la sembe ndi wangudanapo kuti Ele-elohe-Yisraele.

Chiyambo 35:12

Charu chenicho ndingupaska Abrahamu ndi Yisaki ndikapaskanga iwe, ndipo ndikapaskanga charu cho ku mphapu yako pavuli pako.”

Chiyambo 35:7

ndipo pa wanguzengapo chiguŵa cha kusopiyapo ndi wangudana malo gho Ele-betele, chifukwa penipa Chiuta wangujirongo kwaku iyo po wanguthaŵa ku muku wake.

Chiyambo 50:24

Ndipo Yosefe wanguti ku ŵana ŵanyake, “Ine nde pafupi kufwa; kweni Chiuta wakachezganga namwe, ndipo wakakutuzganinga mu charu ichi kuya ku charu chenicho wangurapiya kwaku Abrahamu kwaku Yisaki, ndi kwaku Yakobe.”

Chiyambo 8:20

Pavuli Nowa wanguzenge Ambuya jochero lakochiyapo mpasku, ndipo wanguto nyama yose yakuphotoka ndi chiyuni chose chakuphotoka ndi wangupaska mpasku wakocha pa jochero lo.

2 Samuele 24:25

Ndipo Davidi wanguzenga jochero la Ambuya, ndi kupereka mipasku yakocha ndi mipasku ya chimangu. Viyo Ambuya anguvwa kuŵeyere pa chifukwa cha charu, ndipo chideru chingukanizgika mu ŵaYisraele.

1 ŴaKaronga 18:32

Ndipo ndi mya yo wanguzenga chiguŵa cha sembe mu zina la Ambuya. Ndipo wangukumba ngalande kuzunguliya chiguŵa, yikuru yakuti yingajamo myeso jiŵi ya mbuto.

1 Mikoka 16:16

Phanganu lenilo wangupangana ndi Abrahamu ndi phanganu lake lo wangurapa kwaku Yisraele,

1 Mikoka 16:18

Kuti, “Kwaku imwe ndipaskenge charu cha Kanani, nge nchigaŵa cha chihara chako.”

2 Mikoka 20:11

Sono alereni mo ŵatitiwezge, kuza kutituzga mu charu chino cho mwatipaska kuti chiŵenge chidu.

2 Mikoka 20:7

Kumbi kuti ndimwe cha Chiuta widu yo wakudikiska ŵeneko ŵacharu ichi paurongo pa ŵanthu ŵino ŵaYisraele, kuchipaska ku mphapu yaku Abrahamu bwezi linu muyaya?

Ezra 3:2

Yeshua mwana waku Yozadaka wanguma ndi ŵazukuru ŵake ŵanyake, ndi Zerubabele mwana waku Sealatiele ndi ŵabali ŵake, kuzenga chiguŵa chaku Chiuta waku Yisraele; kuti wawochepo sembe zakocha mo kukulembeke mu dangu laku Mosese munthu waku Chiuta.

Chituwa 17:15

Ndipo Mosese wanguzenga jochero la chisopo ndi wangulidana zina lake Ambuya ndi mbendera yangu.

Chituwa 24:4

Ndipo Mosese wanguremba mazu ghose gha Ambuya. Ndipo wangusoka ndi mlenjilenji, ndi wanguzenga jochero la sembe pa sina pa phiri ndi mizati chumi ndi yiŵi, kwakulingana ndi mitundu chumi ndi yiŵi ya ŵaYisraele.

Chituwa 32:13

Kumbukani Abrahamu, Yisaki, ndi Yakobe ŵaŵanda ŵinu, kwaku wo mungurapiya paku mwaŵeni, ndipo munguti kwaku wo, ‘Ndikandaniskanga mphapu zinu nge ndi nyenyezi za kuchanya, ndipo charu chose ichi cho ndapangana kuti ndichipaskenge ku mphapu zinu, iwo ŵakachiharanga muyaya.’ ”

Chituwa 33:1

Ambuya anguti kwaku Mosese, “Tuwanipo, kwerani kutuwapo pano iwe ndi ŵanthu wo watole kuno kutuwa mu charu cha Egipiti, kuya ku charu cho ndingupangana kwaku Abrahamu, Yisaki, ndi Yakobe kuti, ‘Ndikachipaskanga ku mphapu zinu.’

Chituwa 6:3

ndinguwoneka kwaku Abrahamu, kwaku Yisaki, ndi kwaku Yakobe, nge ndi Chiuta Wanthazizose, kweni ndi zina langu la Ambuya ndengavi kujiziŵiska kwaku wo.

Chituwa 6:4

Ndinguchita so phanganu langu ndi iwo, kuŵapaska charu cha Kanani, charu cho ŵangujamo nge mbayinga.

Yeremiya 3:18

Mu mazuŵa gho nyumba yaku Yuda yikaŵanga pamoza ndi nyumba yaku Yisraele, ndipo wose pamoza ŵakatuwanga ku charu chaku nkhonde kuza ku charu chenicho ndingupaska auskemwe kuchihara.

Maŵerengedu 26:53

“Charu chikagaŵikanga kwakuyana nge nchihara kwakulingana ndi unandi wa mazina.

Maŵerengedu 32:11

‘Kwakuneneska palivi nanga njumoza wa ŵanthu wo ŵakutuwa mu Egipiti, kutuliya pa ŵamoyo ŵavirimika machumi ghaŵi ndi kuruska po, ŵakachiwonanga charu cho ndingurapiya kumupaska Abrahamu, Yisaki ndi Yakobe, chifukwa kuti ŵandirondo ine ndi mtima wose cha;

Machitidu gha Ŵakutumika 7:5

ndipo kuti wangumpaska chihara mwenimo cha, chingana nchakukandapo rundi: kweni wangupangana kuchipaska uli nchihara kwaku iyo, ndi ku mbeu yake pavuli pake.

ŴaRoma 9:8

Uku ndiku kuti wo ŵakupapika ku liŵavu pe kuti mbana ŵaku Chiuta cha; kweni wo ŵakupapika chifukwa cha chipanganu chaku Chiuta ndiwo mbeu yake yeneko.

ŴaGalatia 3:16

Kweni kwaku Abrahamu ghanguneneke mapanganu gho, ndi ku mbeu yake, walive kukamba, “Ndi ku zimbeu,” nge mpha zinandi; kweni nge mpha yimoza “Ndi ku mbeu yako,” yo ndi Kristu.

ŴaGalatia 4:28

Kweni imwe, mwaŵabali, mwe ŵana ŵa chipanganu, kwakulingana ndi Yisaki.

Marangu 1:8

Wonani ndaŵika charu pa maso pinu; sereni, janimo, chiŵe chinu charu cho Chiuta wangupangana ndi auskemwe Abrahamu, Yisaki, ndi Yakobe kuŵapaska iwo ndi mphapu yawo pavuli pawo.’

Marangu 30:20

pa kwanja Ambuya Chiuta winu, pa kuvwiya mazu ghake, ndi kumeremete kwaku iyo. Pakuti kachitidu kaviyo, kang'anamuwa umoyo kwaku imwe ndi unandi wa mazuŵa alinga kuti mujenge mu charu cho Ambuya angurapiya auskemwe, kwaku Abrahamu, Yisaki, ndi Yakobe kuŵapaska.”

Marangu 34:4

Ndipo Ambuya anguti kwaku iyo, “Ichi ndicho charu ndingurapiya Abrahamu, Yisaki, ndi Yakobe, kuti, ‘Ndikachipaskanga ku mphapu zinu.’ Ndakuzomerezga kuchiwona ndi maso ghako, Kweni Kuti ukayangako kuwa cha.”

Marangu 6:10

“Ndipo Ambuya Chiuta winu wamuserezgani mu charu, cho wangurapiya auskemwe Abrahamu, Yisaki ndi Yakobe, kumpaskani, ndi misumba yake yikuru ndi yamampha yeniyo mulivi kuyizenga,

Marangu 9:5

Kuti nchifukwa cha urunji winu pamwenga kunyoroka kwa mtima winu cha, kuti musere kwachironda charu chawo, kweni nchifukwa cha kwananga kwa mitundu iyi lekani Ambuya Chiuta winu waŵadikiska kutuwa pa nthazi pinu, ndi kuti wafiske mazu gha wangurapiya ku auskemwe, kwaku Abrahamu, Yisaki, ndi Yakobe.

ŴaHebere 11:13

Mu chivwanu ŵangufwiya yaŵa wose, ŵambura kuronde mapanganu gho, kweni ŵakughalereske ndi ŵakughatauzgiya kutari, ndi ŵakuzomera kuti ŵengaŵalendo ndi ŵayinga pa charu.

ŴaHebere 11:8

Ndi chivwanu Abrahamu, wanguti wadanika, wanguvwiya kuti watuwemo kuya ku malo ghenigho wakarondanga ngenchihara; ndipo wangutuwa, wambura kuziŵa ko wayanga.

Yoswa 1:6

Uŵi wanthazi, khwima mtima; chifukwa iwe ukahariskanga khamu ili charu cho ndingurapiya auskeu kuŵapaska.

Yoswa 22:10

Ndipo ŵanguti ŵaza mu mphaka yaku Yordane yo ye mu charu cha Kanani, ŵina Rubene, Gadi ndi nusu wa fuku laku Manase ŵanguzenga jochero likuru pafupi ndi Yordane.

Yoswa 8:30

Sono Yoswa wanguzenga jochero pa phiri Abala kuzenge Ambuya, Chiuta waku Yisraele,

Ŵeruzgi 6:24

Sono Gideoni wanguzenga jochero penipa ku Ambuya, ndipo wangulidana, Ambuya nchimangu. Mpaka ku zuŵa line leche kuma pa Ofra, yo ngwa ŵa Abiezeri.

1 Samuele 7:17

Pavuli wanguwere ku Rama, pakuti nyumba yake yenga kweniko, ndipo ndikwenikuwa so ko waperekiyanga cheruzgu ku ŵaYisraele. Ndipo wanguzengako jochero la sembe la Ambuya.