Chiyambo 12:2 - Tonga Bible 1986

² Ndipo Ine ndikakuchitanga mtundu ukuru, ndipo ndikakutumbikanga, ndipo ndikachitanga zina lako kuŵa likuru, viyo kuti ukaŵanga chitumbiku.

Chiyambo 12:2 Iomraidhean Croise

Chiyambo 13:16

Mphapu zako ndikazichitanga uli ndi fuvu la charu; viyo asani wangaŵapo munthu yo wangaziŵa kuŵerenga fuvu la charu, iku mphapu yako nayo yikaŵerengekanga.

Chiyambo 15:5

Ndipo wangumutuzgiya kubwalo ndi wanguti, “Lereska kuchanya, ndi uŵerenge nyenyezi zo, asani ungaziŵa kuziŵerenga.” Sono wanguti kwaku iyo, “Viyo ndimu yikaŵiyanga mphapu yako.”

Chiyambo 17:20

Gha paku Yishumaele, ndavwa; ehe, ndikamutumbikanga ndi nkhamupaskanga mphapu ndi nkhamwandaniskanga ukongwa limu; wakaŵanga uskeu wa mafumu chumi pachanya ghaŵi, ndipo nkhamuchitanga kuŵa mtundu ukuru.

Chiyambo 18:18

pakuti Abrahamu wakaŵanga mtundu ukuru ndi wanthazi, ndipo mitundu yose ya pano pasi yikatumbikikiyanga mwaku iyo?

Chiyambo 18:19

Awa, pakuti ndamusankha, kuti warunguchizge ŵana ŵake ndi mbumba yake ya pavuli pake kusunga nthowa ya Ambuya pakuchita ukongorekwa ndi urunji: alinga kuti Ambuya ŵatole kwaku Abrahamu chenicho ŵapangana nayo.”

Chiyambo 19:29

Viyo kunguŵa kuti, penipo Chiuta wangubwanganduwa misumba yo yamu dambo, Chiuta wangukumbuka Abrahamu, ndipo wangutuzgamo Lote mukati mwa ŵakuphwanyika wo, penipo wanguphwanya misumba yo wajangamo Lote.

Chiyambo 24:1

Sono Abrahamu wangukota, wenga ndi virimika vinandi; ndipo Ambuya angutumbika Abrahamu vinthu vyose.

Chiyambo 24:35

Ambuya atumbika ukongwa mbuya wangu, ndipo waŵa mkuru; amupaska viŵeto ndi ŵaliska, siliva ndi golide, ndrama zinandi, waŵanda ŵanthurumi ndi ŵaŵanda ŵanthukazi, ŵagamila ndi zimbunda.

Chiyambo 25:11

Pavuli pa nyifwa yaku Abrahamu, Chiuta wangutumbika Yisaki mwana wake, ndipo Yisaki wajanga mu Bere-lahai-roi.

Chiyambo 26:3

Utandari mu charu ichi, ndipo ine ndikaŵanga nawe, ndi ndikutumbikenge; pakuti kwaku iwe ndi ku mphapu yako ndikapaskanga ivi vyaruvyose, ndipo ndikafishkanga rapu lo ndingurapa kwaku Abrahamu ausu.

Chiyambo 26:4

Ndikandaniskanga mphapu yako uli ndi nyenyezi za kuchanya, ndipo ndiapaskanga ku mphapu yako uli ndi nyenyezi za kuchanya, ndipo ndikapaskanga ku mphapu yako ivi vyaru vyose; ndipo mu mphapu yako mitundu yose ya charu chapasi yitumbikikenge.

Chiyambo 27:29

Mitundu ya ŵanthu yikutataliye, ndi mutundu yilambiye iwe. Uŵe wakutufuliya ŵana ŵanyako ndipo ŵana ŵanyako ŵalambiye iwe. Watembeke we yose yo watikutemba, ndi watumbikike we yose yo watikutumbika.”

Chiyambo 28:14

ndipo mphapu yako yikawanga uli ndi fuvu lapa charu, ndipo mukasapatiyanga kutali ku zambwe ndi ku vuma ndi ku nkhonde ndi ku mwera; ndipo mwaku iwe ndi mphapu yako mitundu yose ya pano pasi yitumbikikenge.

Chiyambo 35:11

Ndipo Chiuta wanguti kwaku iyo, “Ndine Chiuta wanthazizose: upapane ndiwandane; mtundu ndi mpingu wa mitundu ukatuwanga mwako, ndipo ŵakaronga ŵakatuwanga mwako.

Chiyambo 46:3

Viyo wanguti, “Ndine Chiuta, Chiuta wa ausu; ungopanga cha kusikiya ku Egipiti; pakuti kwenikuwa ndakukuchita mtundu ukuru.

2 Samuele 7:9

ndipo ndaŵa nawe kose ko unguruta, ndi kudumuwa ŵarwani ŵako wose paurongo pako; ndipo ndikuchitenge kuti zina lako liŵe likuru nge ndi zina la ŵanthu ŵakuvwika ŵacharu cha pasi.

1 ŴaKaronga 1:47

Ndipo so ŵaŵanda ŵa karonga ŵanguza kuzachirumba mbuyafwe karonga Davidi, kuti, ‘Chiuta wako wachite zina laku Solomoni kuŵa lambiri yakuruska yinu, ndipo wakuzge chitengo chake chiruske chitengo chinu.’ Ndipo karonga wangukotama mutu wake pa chita.

Jobu 35:8

Uheni winu uziŵa kunangiska munthu munyake nge ndimwe, ndi urunji winu uziŵa kukondweska mwana wa munthu.

Sumu 107:38

Angutumbika khamu lawo ndipo ŵenga ndi ŵana ŵanandi, ndipo angusunga ng'ombe zawo kuti zinguwutuka cha.

Chituwa 1:7

Kweni ŵana ŵaku Yisraele ŵangupapana ndi ŵangwandana ukongwa. Ŵangwandana ndi ŵangukuwa ndi nthazi kwakuruska, viyo charu chinguzazika ndi iwo.

Chituwa 32:10

Iku sono undileke kundiŵeyere alinga kuti ukari wangu ukole paku wo kuti ndiŵamale; kweni iwe ndikakuchitanga kuŵa mtundu ukuru.”

Yesaya 51:2

Lereskani kwaku Abrahamu auskemwe ndi kwaku Sara yo wangumupapani; pakuti penipo wenga yumoza pe ndingumudana, ndingumutumbika ndi ndingumuchita kuŵa ŵanandi.

Ezekiele 34:26

Ndikazichitanga izo thumbiku pamoza ndi malo ghose ghakuzunguliya phiri langu; ndikatumanga vuwa mu nyengo yake; yikaŵanga vuwa yachitumbiku.

Mika 7:20

Mukalongonga chigomekezgu kwaku Yakobe ndi chanju chakufikapo kwaku Abrahamu, nge ndimo mungulapiya ku auskefwe mu mazuŵa gha kali.

Zekariya 8:13

Ndipo kuŵenge kuti, nge ndimo munguwiya thembo mukati mu mitundu, iwe nyumba yaku Yuda ndi nyumba yaku Yisraele, viyo ndimo ndimtaskiyeninge ndipo muŵenge ŵakutumbikika. Mungopanga, kweni manja ghinu ghakhome.”

Maŵerengedu 14:12

Ndiŵapumenge ndi nthenda yakofya ndi kupoka chihara kwaku wo, kweni ndikakuchitaninga kuti muŵe mtundu ukuru ndi wanthazi kwakuruska iwo.”

Maŵerengedu 22:12

Chiuta wangunena ndi Balamu, “Ungarutanga nawo cha, ungaŵatembanga cha ŵanthu wo, chifukwa mbakutumbikika.”

Maŵerengedu 23:20

Ehe, ndaronde langulu la kutumbika: iyo watumbika, ndipo ine kuti ndingasintha cha.

ŴaRoma 4:11

ndipo wanguronde chisimikizgu cha mchinju, chiŵali cha urunji wa chivwanu wo wenga nawo uwura-mchinju: alinga waŵe iyo wiskeu waku wose ŵakuvwana, chingana mbambura kuchinjika, alinga kuti urunji wo ungapimikiya iwo nawo;

ŴaGalatia 3:14

alinga kuti pa ŵaMitundu chiŵiyenge mwaku Kristu Yesu chitumbiku cho chaku Abrahamu; viyo kuti mu chivwanu tirondiyenge chipanganu cha Mzimu.

ŴaGalatia 3:7

Viyo na, ziŵani kuti ŵeniwo mbaku chivwanu, iwo nawo mbana ŵaku Abrahamu.

Marangu 26:5

“Ndipo mukamukanga paurongo pa Ambuya Chiuta winu, kuti, ‘MuAramu wakuyingayinga ŵenga ada; ndipo iyo wangusikiya ku Egipiti ndi wangugonera mwenimuwa, ndi mbumba yake yimanavi; ndipo muwa wanguguwa kuŵa mtundu ukuru, wakurimba, ndi wakwandana.