Chiyambo 12:11 - Tonga Bible 1986

¹¹ Penipo wanguŵandika kusere mu Egipiti, wanguti kwaku Sarai muwoli wake, “Ndiziŵa kuti we munthukazi wakutowa pakukuwona;

Chiyambo 12:11 Iomraidhean Croise

Chiyambo 12:14

Penipo Abramu wangusere mu Egipiti, ŵaEgipiti ŵanguwona kuti munthukazi yo wenga wakutowa ukongwa.

Chiyambo 20:13

Ndipo penipo Chiuta wangundisanduska kuŵa wakuyingayinga kutuwa ku nyumba ya ada, ndingumunene muwoli wangu, ‘Wezi weniwo undichitiyenge ine ndi uwu: pa malo pe pose penipo tikazanga unene nde mzichi wako.’ ”

Chiyambo 20:2

Ndipo Abrahamu wangunena zaku Sara muwoli wake, “Ndi mzichi wangu.” Ndipo Abimeleke karonga wa Gerara wangutuma ŵanthu kwachimuto Sara.

Chiyambo 24:16

Mwali yo wenga wakutowa pa kumuwona, yo munthurumi wengavi kumuziŵa. Wangusikiya ku chisima, ndi wanguzaza musuku wake, ndi wangukwere pachanya.

Chiyambo 26:7

Penipo ŵanthu ŵa malo gha ŵangumufumba gha muwoli wake, wanguti, “Ndi mzichi wangu,” pakuti wangopa kukamba kuti, “Muwoli wangu.” Wangughanaghana kuti vinu ŵanthu ŵa malo gha ŵangamubaya chifukwa chaku Rebeka, chifukwa wenga wakutowa pakumuwona.

Chiyambo 29:17

Maso ghaku Leya ghenga ghakutomboroka, kweni Rakelo wenga wakutowa ndi wakunozga.

Chiyambo 6:2

ŵana ŵanthurumi ŵaku Chiuta ŵanguwona ŵana ŵanthukazi ŵa ŵanthu kuti ŵenga ŵakutowa ndipo ŵangujitole ŵawoli ŵeniwo ŵangusankha.

2 Samuele 11:2

Ndipo kunguŵa kuti, zuŵa limoza nyengo ya mazulo, Davidi wati wasoka pa chita po wangugona kupumuwa wachenda pa bagha la nyumba wanguwona munthukazi wachisamba; ndipo wenga munthukazi wakutowa ukongwa.

1 ŴaKaronga 1:4

Mwali yo wenga wakutowa weniukongwa, ndipo wanguŵa mlezi wa karonga ndi wangumuteŵete, kweni karonga wengavi kuziŵirizgana nayo.

Nthanthi 21:30

Palivi zeru, palivi kuwamo, palivi pangizgu, vyo vingawovya kumikana ndi Ambuya.

Nthanthi 29:25

Kopa munthu nkhuthya chiŵana, kweni mweniyo wagomekezga mu Ambuya we pakukho.

Sumu ya Zisumu 1:14

Nkhwanjiwa wangu kwaku ine ndi nchinda ya maluŵa ghayera mu munda wa mphereska waku Engedi.

1 Samuele 25:3

Zina la munthu uyu lenga Nabala, muwoli wake wenga Abigaili. Wenga munthukazi wa zeru zamampha ndi wa chisku chakutowa; kweni munthurumi wenga munthu wankhaza ndi mu marusu ghake; wenga mwina Kalebe.