Chiyambo 1:6 - Tonga Bible 1986

⁶ Ndipo Chiuta wanguti, “Uŵepo mtambo pakati pa maji ndi upatuwe maji ku maji.”

Chiyambo 1:6 Iomraidhean Croise

Chiyambo 1:14

Ndipo Chiuta wanguti, “Ghaŵepo malumbuni mu mtambo kuchanya, ghakupatuwa msana ku usiku; ndipo ghaŵenge gha visimikizgu ndi gha zinyango ndi gha mazuŵa, ndi virimika;

Chiyambo 1:20

Ndipo Chiuta wanguti, “Mu maji muŵe vyakutapata vyamoyo, ndipo viyuni viphururuke pachanya pa charu chapasi mude pachanya pa mtambo.”

Jobu 26:13

ndi mzimu wake machanya ghanguchitika ghakutowa janja lake linguswa njoka yakunyongoroka yamu nyanja.

Jobu 37:11

Wapingizga mtambo ufipa maji, mitambo yiparghang'a malimphezi ghake.

Jobu 37:18

Kumbi imwe mungaziŵa kutandika mitambo nge ndimo iyo wachitiya; yakuti gwa nge ndi kayilore wakuwumbika?

Sumu 104:2

mwajivwinkha ndi kungweruka nge ndi raya, mwatandika machanya nge ndi hema.

Sumu 148:4

Arumbeni, mwa machanya kuchanya, mwa maji gha pachanya pa mtambo!

Sumu 150:1

Rumbani Ambuya! Rumbani Chiuta mu malo ghake ghakupaturika; rumbani nthazi zake mu machanya!

Sumu 19:1

Machanya ghakonkhoma unkhankhu waku Chiuta; mtambo urongo nchitu za manja ghake.

Sumu 19:2

Zuŵa ku zuŵa lipereka mazu, usiku ku usiku urongo kuziŵa.

Sumu 33:6

Pa mazu gha Ambuya machanya ghanguchitika, ndipo ndi mvuchi wa mlomo wawo maliŵanja ghake ghose ghanguŵapo.

Sumu 33:9

Pakuti angukamba, ndipo kunguŵa viyo; angulangula, ndipo chingumiskika.

Wakutaula 11:3

Asani mitambo yazaza vuwa, yitiyipunguliya pa charu; ndipo asani muti wawa ku malaŵi pamwenga ku nkhonde, pa malo po muti, wawiya, ndipo ukagonanga.

Yesaya 40:22

Ndi mweniyo waja pachanya pa nkhata ya charu chapasi, ndipo ŵakujamo ŵake ŵe nge mba phanana; mweniyo watambaluwa machanya nge nchivwinkhu, ndipo watighatandika uli ndi hema la kujamo;

Yeremiya 10:10

Kweni Ambuya ndi Chiuta wauneneska; iyo ndi Chiuta wamoyo ndi Karonga wamuyaya. Pa ukari wake charu chiyaghayika, ndipo mitundu kuti yingakunthiyapo kukwiya kwake cha.

Yeremiya 51:15

“Ndiyo wangulenga charu chapasi ndi nthazi yake, mweniyo wangumika charu ndi chinjeru chake, ndi kuwamo kwake wangutambaruwa machanya.

Zekariya 12:1

Mazu gha Ambuya ghakunena Yisraele: Viyo atiti Ambuya, wo akutandika machanya ndi kuŵika chiŵanja cha charu chapasi, ndipo angulenga mzimu mukati mwa munthu:

2 Petro 3:5

Chifukwa ŵaruwiya dara chenichi, chakuti ndi mazu ghaku Chiuta machanya ghanguŵako ku mwaka, ndi mtunda ungutuwa ku maji,