Chiyambo 1:22 - Tonga Bible 1986

²² Ndipo Chiuta wanguwona kuti chenga chamampha, ndipo Chiuta wanguvitumbika wanguti, “Papanane ndi mwandane, ndi muzaze maji mu zinyanja. Ndipo viyuni vyandane pa charu chapasi.”

Chiyambo 1:22 Iomraidhean Croise

Chiyambo 1:21

Viyo Chiuta wangulenga visomba vikuru vya mu nyanja, ndi chamoyo chose chakwenda, vyakutapata mu maji kwakulingana ndi mitundu yawo, ndi chiyuni chose cha mapapa kwakulingana ndi mtundu wake.

Chiyambo 1:23

Ndipo kwenga mazulo ndi kwenga mlenji zuŵa lachinkhonde.

Chiyambo 1:28

Ndipo Chiuta wanguŵatumbika, ndi wanguti kwaku wo, “Papanane ndi mwandane, ndi muzaze charu ndi muchithereske, ndipo muŵe ndi mtufu pa somba zamu nyanja, ndi pa viyuni vya mude, ndi pa chamoyo chose cho chitenda pa charu chapasi.”

Chiyambo 30:27

Kweni Labani wanguti kwaku iyo, “Asani undizomerezgenge kukamba ndaziŵiskika ndi mayela kuti Ambuya anditumbike ine chifukwa chako;

Chiyambo 30:30

Pakuti wenga ndi zimanavi ndenga ndindaze ine, ndipo zandana kwakuzala; ndipo Ambuya akutumbika kweniko kose ndinguruta. Kweni sono ndi zuŵanji po ndisakatiskenge ŵa nyumba yakundamwene?”

Chiyambo 35:11

Ndipo Chiuta wanguti kwaku iyo, “Ndine Chiuta wanthazizose: upapane ndiwandane; mtundu ndi mpingu wa mitundu ukatuwanga mwako, ndipo ŵakaronga ŵakatuwanga mwako.

Chiyambo 8:17

Utuzge pamoza nawe chinthu chose cho che ndi umoyo viyuni ndi nyama ndi chinthu chakukwaŵa pa charu cho, kuti vitapate ukongwa pa charu, ndi vipapane ndi kwandana pa charu.”

Chiyambo 9:1

Ndipo Chiuta wangutumbika Nowa ndi ŵana ŵake ŵanthurumi ndipo wanguti kwaku iwo, “Papanane ndi mwandane ndi muzaze charu.

Jobu 40:15

“Wona, Boko yo ndingulenga nge ndimo ndingulenge iwe, waturgha uteka nge ndi ng'ombe.

Jobu 42:12

Ambuya angutumbika mazuŵa ghakumariya ghaku Jobu kuruska mazuŵa ghake ghakwamba. Wenga ndi mberere vikwi chumi pachanya vinaye (14,000) ndi ŵagamila vikwi vinkhonde ndi chimoza (6,000) ndi ng'ombe za magoŵa chikwi chimoza (1,000) ndi mbunda zinthukazi chikwi chimoza (1,000).

Sumu 107:31

Ŵawonge Ambuya chifukwa cha chanju chawo chakufikapo, chifukwa cha milimu yawo yakuziziswa pa ŵana ŵa ŵanthu.

Sumu 107:38

Angutumbika khamu lawo ndipo ŵenga ndi ŵana ŵanandi, ndipo angusunga ng'ombe zawo kuti zinguwutuka cha.

Sumu 128:3

Muwoli wako wakaŵanga nge ndi mphereska yakupasa mu nyumba yako; ndipo ŵana ŵako ŵakaŵanga ulaka ndi mphanda za ma olive kuzunguliya gome lako.

Nthanthi 10:22

Chitumbiku cha Ambuya chisakatiska, ndipo kuti asazgiyako chitima cha kwaku cho.

ŴaLevi 26:9

Ndikaphwerenga imwe pa kumupaskani mphapu ndi kumwandaniskani, ndipo ndikafiskanga phanganu langu ndi imwe.