Chiyambo 1:2 - Tonga Bible 1986

² Charu chapasi chengavi kanthu ndi chenga chambuuya; ndipo mdima wenga pachanya pa ndimba; ndi mzimu waku Chiuta waŵatamanga pa maji.

Chiyambo 1:2 Iomraidhean Croise

Jobu 26:14

Wonani, ivi ndi vigaŵa vimanavimana, vya nthowa zake; ndipo ehe, vyo tituvwa vimana ukongwa! Kweni kugunda kwa nthazi zake ndiyani wangawamo?”

Jobu 26:7

Watambasuwa ku nkhonde pachanya pa malo ghambura kanthu, ndi waning'ina charu pa waka.

Jobu 38:9

penipo ndingulenga mitambo kuŵa chivwalo chake, ndi mdima wamunkhorwe kuŵa lamba wa saru yanguwu yake,

Jobu 41:32

Kusi kwake wasiyako nthowa yakutowa, munthu wangati ndimba yendi nyivu.

Sumu 104:30

Kweni asani mwavipaska mvuchi, vituŵa ndi umoyo; mupaska umoyo ufya ku charu.

Sumu 104:6

Mwachikukiska ndi nyanja ulaka ndi khanju, ndipo maji ghanguburumutizga mapiri.

Sumu 136:6

wakuzenga charu pa ndimba ya maji, chifukwa nchamuyaya chifundu chake;

Sumu 148:7

Rumbani Ambuya kutuwa ku charu chapasi, mwa vyakuja mu maji ndi zindimba zose.

Sumu 33:6

Pa mazu gha Ambuya machanya ghanguchitika, ndipo ndi mvuchi wa mlomo wawo maliŵanja ghake ghose ghanguŵapo.

Nthanthi 8:24

Kuchalivi zindimba ndingusotopoleka, penipo, kwengavi visima vyakuŵa ndi maji.

Yesaya 31:5

Uli ndimo viyuni vikupakupiya, viyo ndimu Ambuya ŵa maŵanja akavikiriyanga Yerusalemu, akauvikiriyanga ndi ku utaska, akawusunganga ndi kuwupozomoska.

Yesaya 45:18

Pakuti viyo atiti Ambuya, mweniyo wangulenga machanya (ndiyo Chiuta), mweniyo wangwata charu chapasi ndi wanguchita (wanguchikhozga; kuti wanguchilenga chakutimbanizgika cha, wanguchichitiya kujamo!): “Ndine Ambuya, palivi munyake.

Yeremiya 4:23

Ndingulereska pa charu, ndipo ehe, chenga mapopa ndi chambura kanthu, ndingulereska, kuchanya ukweru kwengavi.

Nahumu 2:10

Wapasuka! Phasulo ndi pharghaniko! Mitima yitufwa msara ndipo makongono ghabwaskana, kuŵaŵa kwe mu viwunu vyose, visku vyose vyasanduka!

2 ŴaKorinte 4:6

Pakuti ndi Chiuta yo wanguti, “Kutuwa mu mdima ukweru uŵalenge.” Ndiyo waŵaliya mu mitima yidu kungweruska mziŵiru wa unkhankhu waku Chiuta mu chisku chaku Yesu Kristu.

Marangu 32:11

Uli ndi nombo yo yichita chivimbo chake, yo yivumbatiya ndi mapapa ŵana ŵake, yitambaruwa mapapa ghake kuŵako kuŵanyamuwa pa mavungwa ghake,