Chiyambo 1:1 - Tonga Bible 1986

¹ Mu chiyambo Chiuta wangulenga kuchanya ndi charu chapasi.

Chiyambo 1:1 Iomraidhean Croise

2 ŴaKaronga 19:15

Ndipo Hezekiya wanguromba paurongo pa Ambuya, wanguti, “Ambuya mwe Chiuta waku Yisraele imwe mukujarikika pachanya pa maKerubi, imwe ndimwe Chiuta, ndimwe pe mwija, pa maufumu ghose gha charu chapasi; imwe mukulenga kuchanya ndi pasi.

1 Mikoka 16:26

Chifukwa ŵachiuta wose ŵa ŵanthu mbangoza; kweni Ambuya angulenga machanya.

2 Mikoka 2:11

Viyo Hiramu karonga waku Turo wangamuka mu karata yo wangutuma kwaku Solomoni wanguti, “Chifukwa Ambuya atanja ŵanthu ŵawo reka akuŵika iwe karonga waku wo.”

Nehemiya 9:6

Ndipo Ezra wanguti, “Ndimwe Ambuya, imwe pe mwija, ndimwe mukulenga kuchanya, kuchanya kwa machanya, ndi maliŵanja ghawo ghose, charu chapasi ndi vyose vyenivyo vilipo zinyanja ndi vyose vya mwaku zo ndi liŵanja la kuchanya litukusopani imwe.

Jobu 26:13

ndi mzimu wake machanya ghanguchitika ghakutowa janja lake linguswa njoka yakunyongoroka yamu nyanja.

Jobu 38:4

“Kumbi wenga pani penipo ndinguŵika chiŵanja cha charu? Undinene, asani wendi vinjeru.

Jobu 9:8

ndipo yija wangutandazga mitambo ndi wangukanda pa mayigha gha nyanja;

Sumu 102:25

Charu chapasi mukuchilenga mwaka ukongwa, ndipo ndi manja ghinu mungwata machanya.

Sumu 104:24

Ambuya, mwachita vinthu vinandi ukongwa! Ndi zeru yinu mwachita ivi vyose! Charu chapasi chazaza ndi vyose imwe mwalenga.

Sumu 104:30

Kweni asani mwavipaska mvuchi, vituŵa ndi umoyo; mupaska umoyo ufya ku charu.

Sumu 115:15

Mutumbikike ndi Ambuya akwata malo gha kuchanya ndi charu chapasi!

Sumu 121:2

Chovyo changu chituliya ku Ambuya, akwata kuchanya ndi charu chapasi.

Sumu 124:8

Chovyo chidu Chituliya ku Ambuya, wo akwata kuchanya ndi charu chapasi.

Sumu 134:3

Ambuya, wo ŵakulenga kuchanya ndi charu chapasi, akutumbikeni kutuwa ku Zioni.

Sumu 136:5

kwaku iyo yo ndi zeru wangwata machanya, chifukwa nchamuyaya chifundu chake;

Sumu 146:6

Yo wangwata kuchanya, ndi charu chapasi, nyanja, ndi vyose vyo virimo, wakusunga chigomezgu nyengo yose swi;

Sumu 33:6

Pa mazu gha Ambuya machanya ghanguchitika, ndipo ndi mvuchi wa mlomo wawo maliŵanja ghake ghose ghanguŵapo.

Sumu 33:9

Pakuti angukamba, ndipo kunguŵa viyo; angulangula, ndipo chingumiskika.

Sumu 8:3

Po ndilereska machanya ghinu, nchitu ya manja ghinu, mwezi ndi nyenyezi vyo mukumika.

Sumu 8:4

Njani munthu kuti mumukumbuke, ndi mwana wa munthu kuti muchezge nayo?

Sumu 90:2

Ghenga ghandawe mapiri, mwenga mundawumbe charu chapasi, kutuwa ku muyaya mpaka ku muyaya ndimwe Chiuta.

Sumu 96:5

Chifukwa ŵachiuta wose ŵa ŵanthu mbangoza pe; kweni Ambuya ŵakwata machanya.

Chituwa 20:11

pakuti mu mazuŵa ghankhonde ndi limoza Ambuya angulenga kuchanya ndi charu chapasi, ndi nyanja; ndi vyose vyo vye mwenimo, ndipo angupumuwa zuŵa la chinkhonde ndi chiŵi; chifukwa chenichi Ambuya angutumbika zuŵa la sabata ndi anguripatuwa.

Chituwa 31:18

Ndipo angupaska kwaku Mosese, ŵati ŵamala kukamba nayo pa phiri la Sinai, magome ghaŵi gha mapanganu, magome gha mwa, gha kulembeka ndi munwi waku Chiuta.

Nthanthi 16:4

Ambuya ŵakuchita vinthu vyose ndikafukwa kake, chingana ngwa mphulupulu chifukwa cha zuŵa la suzgu.

Nthanthi 3:19

Ambuya ndi zeru angumika charu; ndi kuwamo angujulika machanya,

Wakutaula 12:1

Kumbuka so Mlengi wako mu mazuŵa gha unyamata wako, ghenga ghandazi mazuŵa ghaheni, ndi virimika vyenga vindafike, penipo wazamukamba kuti, “Ndilivi likondwa mwaku vyo.”

Yesaya 37:16

“Ambuya mwe, ŵa maŵanja, Chiuta waku Yisraele; imwe mwakuja pa chitengo cha ukaronga pa chanya pa ŵaKerubi, ndimwe Chiuta, imwe pe mwija, ŵa maufumu ghose gha charu chapasi.

Yesaya 40:21

Kuti mukuziŵa cha? Kuti mukuvwa cha? Kumbi ŵalivi kukuneniyani kutuliya ku mtendeku? Kumbi mulivi kuwamo kwanda kukujarikika kwa charu chapasi?

Yesaya 40:26

Yinuskiyani maso ghinu kuchanya mulereske: njani wangulenga ivi? Mweniyo watuzga liŵanja lawo ndi kuliŵerenga, watividana vyose mazina; ndi ukuru wa kulimba kwake; ndipo chifukwa ngwakulimba mu nthazi palivi cho chisoŵapo.

Yesaya 40:28

Kuti ukuziŵa cha? Kumbi ulivi kuvwa? Ambuya ndiyo Chiuta wa muyaya, Mlengi wa vigoti vya charu chapasi. Kuti wagongowa chingana nkhuvuka cha, kuwamo kwake nkhwambura mapenjeka.

Yesaya 42:5

Viyo ndimu wakambiya Chiuta, Ambuya, mweniyo wangulenga machanya ndi kughatambaruwa, mweniyo wangutandika charu chapasi ndi vyo vituwa mwenimo, yo wapaska mvuchi ku ŵanthu wo ŵaja penipo ndi mzimu kwaku wo ŵatenda mwenimo:

Yesaya 44:24

Viyo ndimu atiti Ambuya, Muwombozi winu, yo wangumuumbani kutuwa ku chibali: “Ndine Ambuya, mweniyo wangulenga vinthu vyose, yo yija pe wangutambaruwa machanya, yo wangutandika charu chapasi yo wenga nani pamoza njani?

Yesaya 45:18

Pakuti viyo atiti Ambuya, mweniyo wangulenga machanya (ndiyo Chiuta), mweniyo wangwata charu chapasi ndi wanguchita (wanguchikhozga; kuti wanguchilenga chakutimbanizgika cha, wanguchichitiya kujamo!): “Ndine Ambuya, palivi munyake.

Yesaya 51:13

ndipo waruwa Ambuya, Mlengi wako, mweniyo wangutambaruwa machanya, ndi wangujarika viŵanja vya charu chapasi, ndipo mantha gharutiriya msana wose chifukwa cha ukari waku yo wasuzga pa wakhumba kuparang'a? Kumbi ukari wa wakusuzga wepani?

Yesaya 51:16

Ndipo ndaŵika mazu ghangu mu mlomo winu, ndakubisa mu chiduzi cha janja langu, nditambaruwa machanya ndi kutandika viŵanja vya charu chapasi, ndipo ndititi kwaku Zioni, ‘Mwe ŵanthu ŵangu.’ ”

Yesaya 65:17

“Pakuti ehe, ndilenga machanya ghafya ndi charu chapasi chifya; ndipo vinthu vyakudanga kuti vikakumbukikanga cha, pamwenga kuvighanaghana.

Yeremiya 10:12

Iyo ndiyo wangulenga charu ndi nthazi yake, mweniyo wakujarika charu mu vinjeru vyeke, ndipo ndi kuwamo kwake wangutambaruwa machanya.

Yeremiya 32:17

‘Owe Ambuya Chiuta! Ndimwe mukwata machanya ndi charu chapasi ndi nthazi yinu yikuru ndi janja linu lakutambaruka! Palivi cho nchinonono kwaku imwe.

Yeremiya 51:15

“Ndiyo wangulenga charu chapasi ndi nthazi yake, mweniyo wangumika charu ndi chinjeru chake, ndi kuwamo kwake wangutambaruwa machanya.

Zekariya 12:1

Mazu gha Ambuya ghakunena Yisraele: Viyo atiti Ambuya, wo akutandika machanya ndi kuŵika chiŵanja cha charu chapasi, ndipo angulenga mzimu mukati mwa munthu:

Mateyu 11:25

Pa nyengo yeniyo, Yesu wanguti, “Ndikuwongani, Ada, mweni kuchanya ndi pasi, kuti munguvibisa ivi ku ŵazeru ndi ŵakuwamo, ndipo munguvivumbuliya ku ŵamjedu.

Marko 13:19

Chifukwa mu mazuŵa ghenigho kuŵenge suzgu, yakuti yindaŵepo yaviyo kutuwa ku mtendeku wa ulengi wo wangulenga Chiuta, mpaka ku sono, ndi kuti yikaŵangapo so cha.

Machitidu gha Ŵakutumika 14:15

“Mwaŵanthu, chifukwa chine muchita ichi? Nafwe te ŵanthu kwakulingana ndi imwe, taŵakutauliya imwe evangeli, kuti kutuwa ku vyawaka vyenivi mung'anamukiye kwaku Chiuta wamoyo, mweniyo wangwata kuchanya ndi pasi ndi nyanja, ndi vyose vyamwenimo:

Machitidu gha Ŵakutumika 17:24

Chiuta yo wangwata charu ndi vyose vyamwake, pakuŵa iyo mbuya wa kuchanya ndi pasi, kuti waja muŵakasopi ŵakumangika ndi manja cha;

Machitidu gha Ŵakutumika 4:24

ndipo ŵachivwa iwo, ndi mtima umoza ŵangusamphuskiya mazu kwaku Chiuta, ndipo ŵanguti, “Ambuya, ndimwe mwata kuchanya ndi panupasi ndi nyanja ndi vyose vya mwawo,

ŴaRoma 11:36

Chifukwa kutuwa kwaku iyo, ndi pa chifukwa chaku iyo, ndi kurata kwaku iyo, vye vyose. Kwaku mweniyo kuŵiyenge unkhankhu ku muyaya. Ameni.

1 ŴaKorinte 8:6

kweni kwaku ifwe walipo Chiuta yumoza pe, Ada, kutuliya kwaku mweniyo kwe vyose ndi mwaku mweniyo tose tijariya Mbuya yumoza, Yesu Kristu mwaku mweniyo mwe vyose, ndi ifwe mwaku iyo.

ŴaEfeso 3:9

ndi kuŵangweruskiya wose mo uliri uteŵeti wa mangari ghenigho kutuwa ku muyaya ghabisika mwaku Chiuta Mlengi wa vinthu vyose;

ŴaHebere 1:10

Ndipo, “Imwe, Ambuya, pa mtendeku mungujarika panupasi, ndipo machanya ndi nchitu za manja ghinu;

ŴaHebere 1:2

mu mazuŵa yagha ghaumari wakambiyanafwe mu Mwana wake, mweniyo wanguŵika muhara waku vyose, mwaku mweniyo so wangwatiya migonezi.

ŴaHebere 11:3

Ndi chivwanu titeska kuti vyaru vyo vyachitika ndimazu ghaku Chiuta, viyo kuti cho chiwoneka chirive kuŵapo kutuwa ku vyakuwoneka.

ŴaHebere 3:4

Chifukwa nyumba yose yizengeka ndi munthu wakuti: kweni wakuzenga vyose ndi Chiuta.

2 Petro 3:5

Chifukwa ŵaruwiya dara chenichi, chakuti ndi mazu ghaku Chiuta machanya ghanguŵako ku mwaka, ndi mtunda ungutuwa ku maji,

1 Yohane 1:1

Cho chengako kutuliya ku mtendeku, cho tavwa, cho tawona ndi maso ghidu, cho tinguthoŵa, ndi manja ghidu ghangukwaska, chapa Mazu gha Umoyo,

Chivumbuzi 10:6

ndipo wangurapiya paku mweniyo ngwamoyo ku muyaya ndimuyaya, mweniyo wangulenga kuchanya ndi vya kweniko, charu ndi vya mwenimo, ndi nyanja ndi vya mwake, kuti yireke kuŵapo nyengo yakuswera so cha,

Chivumbuzi 14:7

ndipo wangukamba ndi mazu ghakuru, “Mopeni Chiuta; ndipo paskani kwaku iyo unkhankhu, pakuti laza ora la cheruzgu chake: ndipo mlambiyeni mweniyo wangwata kuchanya ndi pasi ndi nyanja ndi visima vya maji.”

Chivumbuzi 21:6

Wangunena nane, “Vyachitika! Ndine Alfa ndi Omega, chandu ndi umari. Ine ndimpaskenge wanyota kwawezi ghamu chisima cha maji gha umoyo.

Chivumbuzi 22:13

Ine ndine Alfa ndi Omega, wakudanga ndi wakumariya yo, chandu ndi umari.”

Chivumbuzi 3:14

“Ku mungelo yo wa mpingu wamu Laodikea lembapo: ‘Vyenivi watiti Ameni yo, kaboni wamogomekezgeka ndi wakuneneska, Chandu wa ulengi waku Chiuta.

Chivumbuzi 4:11

“Wakwenere ndimwe, Ambuyafwe Chiuta widu, kuvironde, unkhankhu, rumbu ndi nthazi: pakuti imwe munguvilenga vyose, ndipo chifukwa cha khumbu linu vinguŵako, ndipo vingwatika.”