Chivumbuzi 8:7 - Tonga Bible 1986

⁷ Ndipo mungelo wachimoza wangukuŵa mbata yake, ndipo penga matarara ndi moto, vyakusazgikana ndi ndopa, vyo vinguwa pa charu: ndipo chigaŵa chachitatu cha charu chingocheka ndi chigaŵa chachitatu cha miti chingocheka ndi uteka wose uŵisi ungocheka.

Chivumbuzi 8:7 Iomraidhean Croise

Sumu 105:32

Mu malo mwa kutuma vuwa angutuma fukunyila ndi malimphezi pa charu chawo.

Chituwa 9:33

Viyo Mosese wangutuwamo mu msumba kutuwa kwaku Farao, ndi wangutambaruliya manja ghake ku Ambuya; ndipo kudiririska ndi vuwa ya matalala vingumara ndipo vuwa kuti yingung'a so cha pa charu chapasi.

Yesaya 28:2

Ehe, Ambuya ŵe nayo yumoza yo ngwakulimba ndi wanthazi, uli chimphunga cha nya, lirondo lakubwanganduwa, uli nchimphunga cha kulimba, chakusapatiska maji, wakapong'anga pa charu chapasi ndi ukari.

Yesaya 29:6

Ambuya ŵa maŵanja akachezga nganamwe, ndi kugunda ndi chidiririzi ndi mphomo yikuru, ndi kavuruvuru ndi chimphunga, ndi mlipu wa moto wakocha.

Yesaya 30:30

Ndipo Ambuya akachitiskanga mazu ghawo ghakuziza kuti ghavwike ndi kusika kwa kapumidu ka janja lawo kuti kawoneke, mu ukari wakofya ndi mlipu wakocha wa moto, pamoza ndi kuvimba kwa mtambo, ndi lirondo ndi vuwa ya matalala.

Yesaya 32:19

Lisuwa likasikanga ukongwa, ndipo muzi ukawiskikanga limu pasi.

Ezekiele 38:22

Chideru ndi kudiska ndopa vikaserenga pamoza nayo ku cheruzgu, ndikang'iskanga paku iyo ndi pa maliŵanja ghake ndi pa ŵanthu wose wo ŵenayo pamoza vuwa ya maji ghanandi, matalala, fukunyira ndi moto.

Yoele 2:30

“Ndipo ndirongonge vyakuziziswa kuchanya ndi panu pasi, ndopa ndi moto, ndi mizati ya usi.

Yakobe 1:11

Chifukwa lumwi lo lituwa ndi chifundizi, ndipo liumizga uteka; ndi luŵa lake limota, ndi utozi wa kawonekedu kake utanangika: viyo so msambasi mayo wafoteskekenge mu mendedu ghake.

Yoswa 10:11

Ndipo ŵachithaŵa pa maso pa ŵaYisraele ŵachisikiya ku sendemu ku Bete-horoni, Ambuya angupong'a paku wo mya yikuru kutuwa kuchanya mpaka ku Azeka, ndipo ŵangufwa; wo ŵangufwa chifukwa cha mya ya matarara ŵenga ŵanandi kuruska wo ŵangufwa ndi malipanga gha ŵanthurumi ŵaku Yisraele.

1 Petro 1:24

Chifukwa kuti, “Munthu yose we uli mbuteka, ndi unkhankhu wake wose uli ndi luŵa la uteka. Uteka wo umira, ndipo luŵa lake limota:

Chivumbuzi 12:4

Ndipo mchiya wake waguzanga chigaŵa chachitatu cha nyenyezi za kuchanya, ndipo unguzipong'a pa charu. Ndipo nchalinda yo wanguma paurongo pa munthukazi, yo wakhumbanga kupapa, alinga kuti wachipapa warghe kana kake.

Chivumbuzi 16:2

Ndipo wakudanga yo wanguruta, wangupunguliya mbali yake pa charu; ndipo chironda chiheni chamaŵika chinguŵa pa ŵanthu wo ŵenga ndi lisimbu la chikoku cho, ŵeniwo ŵalambiyanga chikozgu chake.

Chivumbuzi 16:21

Ndipo mya yikuru ya matarara ya uzitu wa mapaundi machumi pe chumi (100) umoza, kutuwa kuchanya yinguwiyapa ŵanthu; ndipo ŵanthu ŵangumtuka Chiuta, chifukwa cha chideru cha matarara gho; pakuti chideru chake chenga chakofya ukongwa.

Chivumbuzi 6:8

Ndipo ndingulereska awonani, kavalo wakonda: ndipo zina laku yo wangugarapo pake lenga Nyifwa: ndipo Hadesi wangurongozgana nayo; kwaku iwo kungupaskika mtufu wapa chigaŵa chapanayi cha panupasi kwachibaya ndi lipanga ndi ndi chirara, ndindi nyifwa, ndindi vikoku vyo charu.

Chivumbuzi 7:1

Pavuli paku chenichi ndinguwona ŵangelo ŵanayi ŵakuma pa nyondo zinayi za panupasi, wo ŵanguko mphepu zinayi za panupasi, mwakuti mphepu yireke kuputa pa charu, chingana mpha nyanja, chingana mpha chimuti chose.

Chivumbuzi 9:15

Ndipo ŵangufwatulika ŵangelo wo ŵanayi, wo ŵangurongosoleke limu za ora lo, ndi zuŵa, ndi mwezi, ndi chirimika, kuti ŵabaye chigaŵa chachitatu cha ŵanthu.

Chivumbuzi 9:18

Chigaŵa chachitatu cha ŵanthu chingubayika ndi videru vitatu vya moto ndi usi ndi fukunyira, vyo vyatuwanga mu milomo ya ŵakavalo.

Chivumbuzi 9:4

Ndipo kunguneneke iwo, kuti ŵareke kutekeska uteka wa charu, pamwenga chiŵisi chose pamwenga chimuti chose, kweni ŵanthu pe ndiwo; ŵeniwo ŵalive chizighiri chaku Chiuta pa mphumi zawo.