Chivumbuzi 8:3 - Tonga Bible 1986

³ Ndipo wanguza mungelo munyake, yo wanguma pa jochero, wakuŵa ndi supa ya chema ya golide; ndipo kungupaskika kwaku iyo vyema vinandi, alinga wavisazge pamoza ndi marombu gha ŵakupaturika wose pachanya pa jochero la golide paurongo pa chitengu-chaufumu cho;

Chivumbuzi 8:3 Iomraidhean Croise

1 ŴaKaronga 7:50

vyandi, visunda, mabeseni, mbali za vyachema, vyakupinguyapo moto, vya golide leneko, ndi mazinga gha golide gha visasa vya mukati ukongwa mwa nyumba, malo ghakupaturika ukongwa, ndi vya visasa vya nyumba ya pakati-kati pa kasopi.

Sumu 141:2

Rondeni rombu langu nge nchakusunkhizga paurongo pinu, ndi kusoska kwa manja ghangu ngendi sembe ya mazulo.

Chituwa 40:26

Ndipo wanguŵika jochero la sembe la golide mu hema lakuwunganamo paurongo pa chivwinkhu,

Yesaya 6:6

Sono yumoza wa ŵaserafi wanguphururukiya kwangu, wakuŵa ndi ga lakukole mu janja lake lenilo wanguto ndi mbanu pa chiguŵa cha sembe.

Ezekiele 41:22

ndi jochero la miti, la musinkhu wa mikono yitatu, utali mikono yiŵi, ndi usani mikono yiŵi; nyondo zake, figha lake, ndi viliŵa vyake vyenga vya miti. Wangunena nane, “Ili ndi gome lo, le pa maso pa Ambuya.”

Amosi 9:1

Ndinguwona Ambuya kuma mumphepete mu jochero, ndipo anguti, “Puma miti ya nchingamilo zapa khomo mpaka mizati yisukunike, ndipo uyipong'i pa mitu ya ŵanthu wose; ndipo wo ŵajengeko ndiŵabayenge ndi lipanga; pakaŵangavi yumoza wakathaŵanga, chingana njumoza wakuti wapozomoke.

Malaki 1:11

Chifukwa kutuwa ku maturi ghadazi mpaka ku maselero ghake, zina langu ndikuru mukati mu mitundu, ndipo mu malo ghose vipaskika kwaku ine vyakununkhira ndi mipasku yakutowa, chifukwa zina langu ndikuru mukati mu mitundu, atiti Ambuya ŵa maŵanja.

Maŵerengedu 4:11

Ndipo ŵakatandikanga saru ya bulu pa jochero la sembe la golide ndi kulivunikiriya ndi vikopa vya mbuzi, ndi kuserezgamo nthunthumuli zake.

Maŵerengedu 7:62

mbali ya golide ya mashekelo chumi, yakuzaza vya chema;

Luka 1:10

Ndipo mzinda wose wa khamu warombanga kubwaro pa ora la chema.

ŴaRoma 8:34

Kristu Yesu ndiyo wangufwa, inya, ndiyo wanguyuskika ku ŵakufwa mweniyo we ku marghe ghaku Chiuta, mweniyo nayo waninizikiya pa chifukwa chidu.

ŴaHebere 7:25

Viyo ndimo ngwanthazi kukutaskiya kose limu wo ŵatuziya kwaku Chiuta mwaku iyo, pakuŵa wamoyo nyengo zose kwachiŵeyere pa chifwa chawo.

ŴaHebere 9:4

chakuŵa ndi chisoperu cha golide chachema, ndi bokosi lo la chipanganu lakumatika kosekose ndi golide, mwaku lenilo mwenga msuku wa golide mwaku wo mwengamana, ndi ndodo yo yaku Aroni yo yatundanga, ndi viŵaraŵaja vyo vya chipanganu;

Chivumbuzi 10:1

Ndipo ndinguwona mungelo munyake wanthazi wasikanga kuchanya, wakuvwara mtambo, ndi chiŵingavuwa pa mutu pake; ndipo chisku chake chenga uli ndi dazi, marundi ghake nge ndi mizati ya moto.

Chivumbuzi 14:18

Mungelo munyake wangutuwa ku jochero lo, yo wenga ndi mtufu pa moto; ndipo wangudana ndi mazu ghakuru kwaku yo wenga ndi chisenga chauyi wakuti, “Tuma chisenga chako chauyi, unjika makhoroza gha mphereska za charu, pakuti mphereska zake zafya.”

Chivumbuzi 5:8

Ndipo penipo wanguto buku lo, vyamoyo vinayi vyo ndi ŵara wo machumi ghaŵi ndi ŵanayi ŵanguwa pasi paurongo pa Mwana-mberere yo, wose yumoza ndi yumoza wenga ndi kaligu, ndi mbali zagolide zakuzazika ndi vyachema (vyenivyo ndi marombu gha ŵakupaturika).

Chivumbuzi 6:9

Ndipo penipo wangubanuwa chizighiri chachinkhonde ndinguŵawona kusi ku jochero ŵazimu ŵaku wo ŵangubayikiya pa chifwa cha mazu chaku Chiuta, ndi pa chifwa cha chisimisimi cho ŵenga nacho;

Chivumbuzi 7:2

Ndipo ndinguwona mungelo munyake wakwera kutuwa ku utuli wa dazi, mweniyo wenga ndi chizighiri chaku Chiuta Wamoyo, ndipo wangukambura ndi mazu ghakuru ku ŵangelo wo ŵanayi kwaku ŵeniwo kungupaskika mazaza gha kunanga charu ndi nyanja,

Chivumbuzi 8:4

ndipo usi wa vyema, pamoza ndi marombu gha ŵakupaturika, ungukwera paurongo paku Chiuta, kutuwa ku janja la mungelo yo.

Chivumbuzi 8:5

Ndipo mungelo yo wanguto supa yo ya chema, wanguyizaza ndi moto wa pa jochero lo, ndipo wanguyipong'a pa charu: ndipo vinguŵapo vidiririzi, ndi chibumuzi, ndi malimphezi, ndi chiyeuyeu.

Chivumbuzi 9:13

Wangukuŵa mungelo wachinkhonde ndi chimoza, ndipo ndinguvwa mazu kutuwa ku sengwi zinayi za jochero la golide lole paurongo paku Chiuta,