Chivumbuzi 8:11 - Tonga Bible 1986

¹¹ Ndipo zina la nyenyezi yo linguzumbulika Muŵaŵa: ndipo chigaŵa chachitatu cha maji chinguŵa chakuŵaŵa; ndipo ŵangufwa ŵanthu ŵanandi chifukwa cha maji gho, pakuti ghanguŵaŵiskika.

Chivumbuzi 8:11 Iomraidhean Croise

Chituwa 15:23

Ŵanguti ŵaza ku Mara kuti ŵanguziŵa kumwa maji ghapa Mara cha chifukwa ghenga ghakuŵaŵa: chifukwa chenichi zina lake lingudanika Mara.

Nthanthi 5:4

kweni pa umari waŵaŵa uli ndi fufuzi ya mu chimuti, wakuthwa uli ndi lipanga lakuthwa kuŵi viyo.

Yeremiya 23:15

Chifukwa cho atiti Ambuya ŵa maŵanja pa ŵamchimi, “Ehe, ndikaŵahiŵanga ndi mafuzi ndikuŵapaska maji gha nduru kumwa; pakuti ku ŵamchimi ŵamu Yerusalemu ndiko kwatuliya uwura-chiuta mu charu chose.”

Yeremiya 9:15

Chifukwa cho Ambuya ŵa maŵanji, Chiuta waku Yisraele watiti, Ehe, ndikaŵahiŵanga ŵanthu yaŵa ndi vipasi vyakuŵaŵa, ndi kuŵamweska maji gha nduru.

Chitenje 3:19

Kumbukani suzgu yangu ndikuŵaŵa kwangu, vyankhanya ndi nduru!

Chitenje 3:5

wandizinga ndi wandikulunga ndi kuŵaŵa ndi suzgu;

Amosi 5:7

Imwe musanduska cheruzgu kuŵa cha kuŵaŵa, ndi kutaya pasi urunji!

Amosi 6:12

Kumbi ŵakavalo ŵachimbiya pa majarawi? Kumbi munthu wangaziŵa kulima nyanja ndi mithenu? Kweni mwasanduska cheruzgu kuŵa ndulu ndi vipasi vya urunji kuŵa vyakuŵaŵa

Zekariya 13:8

Ndipo kuŵenge kuti, mu charu chose, atiti Ambuya, vigaŵa viŵi vidumukeko vifwi; kweni chigaŵa chachitatu chijenge mwenimo.

Zekariya 13:9

Ndipo ndiŵikenge chigaŵa chachitatu ichi mu moto, ndi kuchisongono mo munthu wasongonore siliva, ndi kuchesa mo golide liteseke. Ŵadanange zina langu, ndipo ndiŵamukenge. Ndinenenge kuti, ‘Mbanthu ŵangu’; ndipo ŵanenenge kuti, ‘Ambuya ndi Chiuta widu.’ ”

Marangu 29:18

Phwereni vinu wangaŵapo mukati mwinu munthurumi pamwenga munthukazi, pamwenga mbumba, pamwenga khamu lo mtima wake utuwako ku Ambuya Chiuta widu, kuruta kwachiteŵete ŵachiuta ŵa mitundu yo, vinu mungaŵa mukati mwinu musisi wakupasa chipasi chakubaya ndi chakuŵaŵa.

ŴaHebere 12:15

Lereskanipo vinu yumoza wangapereŵe ku wezi waku Chiuta; “vinu msisi” wakuti wa kurunda, pakutunda, ungamsuzgani, ndi mwaku wo ŵangakazuzgikiya ŵanandi;

Chivumbuzi 12:4

Ndipo mchiya wake waguzanga chigaŵa chachitatu cha nyenyezi za kuchanya, ndipo unguzipong'a pa charu. Ndipo nchalinda yo wanguma paurongo pa munthukazi, yo wakhumbanga kupapa, alinga kuti wachipapa warghe kana kake.

Chivumbuzi 8:7

Ndipo mungelo wachimoza wangukuŵa mbata yake, ndipo penga matarara ndi moto, vyakusazgikana ndi ndopa, vyo vinguwa pa charu: ndipo chigaŵa chachitatu cha charu chingocheka ndi chigaŵa chachitatu cha miti chingocheka ndi uteka wose uŵisi ungocheka.

Chivumbuzi 9:15

Ndipo ŵangufwatulika ŵangelo wo ŵanayi, wo ŵangurongosoleke limu za ora lo, ndi zuŵa, ndi mwezi, ndi chirimika, kuti ŵabaye chigaŵa chachitatu cha ŵanthu.

Chivumbuzi 9:18

Chigaŵa chachitatu cha ŵanthu chingubayika ndi videru vitatu vya moto ndi usi ndi fukunyira, vyo vyatuwanga mu milomo ya ŵakavalo.

Ruti 1:20

Iyo wanguti kwaku wo, “Rekani kundidana kuti Naomi kweni mundidanenge kuti Mara, pakuti Wanthazizose wachita nane kwakuŵaŵa ukongwa.