Chivumbuzi 7:2 - Tonga Bible 1986

² Ndipo ndinguwona mungelo munyake wakwera kutuwa ku utuli wa dazi, mweniyo wenga ndi chizighiri chaku Chiuta Wamoyo, ndipo wangukambura ndi mazu ghakuru ku ŵangelo wo ŵanayi kwaku ŵeniwo kungupaskika mazaza gha kunanga charu ndi nyanja,

Chivumbuzi 7:2 Iomraidhean Croise

2 ŴaKaronga 19:4

Kokuli Ambuya Chiuta wako wavwa ghose gha nduna ya ŵeruzgi, mweniyo mbuyake karonga wa Asiriya watuma kuzachitombozga Chiuta wamoyo, ndipo wakasuskanga vyo iwo Ambuya Chiuta wako wavwa; chifukwa cho soska rombu lako kurombe ŵakujapo wo ŵasiyaka.’ ”

Sumu ya Zisumu 8:6

Undiŵike nge nchizighiriyi pa mlima wako, nge nchizighiriyi pa janja lako, pakuti chanju nchamunthazi nge ndi nyifwa, sanji njikali nge ndi muunda. Kung'anima kwake nkhung'anima kwa moto, wakuŵa ndi dangalira la kofya.

Yesaya 41:2

Njani wanguyuska munyake kutuwa ku vuma mweniyo kupunda kukumana nayo pa mchapu wose? Wapereka mitundu paurongo pake, viyo kuti waphwata akaronga ndi rundi lake; wati ŵachita nge ndi fuvu ndi lipanga lake, uli ndi mbuwa yakuputiskika ndi uta wake.

Ezekiele 9:4

Ndipo Ambuya angunena nayo, “Ruta mu msumba, porota mu Yerusalemu, ulembe chisimikizgu pa visku vya ŵanthu wo ŵaliya ndikufwifwinthiya pa maunyakazi ghose gho ghachitika mukati mwake.”

Malaki 3:1

“Nadi, ndatuma thenga langu kunozga nthowa panthazi pangu, ndipo Ambuya wo mupenja akazanga kwamabuchibuchi mu kasopi wawo; ehe lituza thenga la phanganu mwaku lenilo mukondwere, atiti Ambuya ŵa maŵanja.

Malaki 4:2

Kweni imwe mutopa ine mwamuwona dazi la urunji lichituwa ndi uchizgi mu mapapiku ghake. Mwamuruta ndi kuchilipuka nge ndi mathole ghachituwa mu khola.

Mateyu 16:16

Ndipo Simoni Petro wakwamuka, wanguti, “Imwe ndimwe Kristu, Mwana waku Chiuta wamoyo.”

Mateyu 26:63

Kweni Yesu wanguchetama chete. Ndipo mzukuru mura wangumnene, “Ndikurapiya paku Chiuta Wamoyo, kuti utinene asani iwe ndiwe Kristu iyo, Mwana waku Chiuta.”

Yohane 6:27

Mungatakatakiya chaukurgha cho chitanangika cha, kweni chaukurgha cho nchakujaririya ku umoyo wamuyaya, chenicho Mwana wa munthu wakupaskeninge: chifukwa Chiuta Dada waŵika chizighiri chake paku iyo.”

2 ŴaKorinte 1:22

ndipo watizighiriya, Yo so watipaska chamatomi cha Mzimu mu mitima yidu.

ŴaEfeso 1:13

ndipo kuŵenge viyo kwaku imwe: penipo munguvwa evangeli wa uneneska, uthenga wamampha wo ungumziyani ndi utaski, mungugomezga mwaku Kristu, ndipo Chiuta wangumudindane ndi chidindu chake chamzimu pakumpaskani Mzimu Wakupaturika wo wangupangana,

ŴaEfeso 4:30

Ndipo mungamkwininiska Mzimu Wakupaturika waku Chiuta, mwaku mweniyo munguzighirikiya ku zuŵa la uwombozi.

Marangu 5:26

Pakuti ndiyani wa ŵamoyo wose yo wavwa mazu ghaku Chiuta wamoyo wakukamba mukati mu moto nge ndifwe, ndipo weche wamoyo?

1 ŴaTesalonika 1:9

Chifukwa iwo ŵeneko ŵakamba gha kurondereka kwidu kwaku imwe ko tinguŵa nako, ndimo mungung'anamukiya kwaku Chiuta kutuwako ku vyangoza kwachiteŵete Chiuta wamoyo ndi muneneska,

2 Timote 2:19

kweni chiŵanja cho chakurama chaku Chiuta chituma gwa, pakuŵa ndi chiŵali chenichi, “Waŵaziŵa Mbuya ŵeniwo mbake”: ndi “Wagaukeko ku uwura-urunji yose wakutamula zina lo la Ambuya.”

ŴaHebere 12:22

Kweni mwaziya ku phiri Zioni ku Msumba waku Chiuta wamoyo, Yerusalemu wakuchanya, ndi ku maurapasi ghakuru gha ŵangelo,

Chivumbuzi 1:3

Ngwakutumbikika yo waŵerenga, mazu gha umchimi wo, ndi wo ŵatuvwa ndi ŵasunga vyo vyalembeka mwenimo: chifukwa nyengo yo ye kufupi.

Chivumbuzi 10:1

Ndipo ndinguwona mungelo munyake wanthazi wasikanga kuchanya, wakuvwara mtambo, ndi chiŵingavuwa pa mutu pake; ndipo chisku chake chenga uli ndi dazi, marundi ghake nge ndi mizati ya moto.

Chivumbuzi 10:4

Po vidiririzi vyo vinkhonde ndi viŵi vingugunda ndatinge ndilembenge; kweni ndinguvwa mazu ghakutuwa kuchanya, ghakuti, “Zighiriyapo. Vidiririzi vyo vinkhonde ndi viŵi vyakamba ungavilembanga cha.”

Chivumbuzi 16:12

Ndipo mungelo wachinkhonde ndi chimoza wangupunguliya mbali yake pa msinji ukuru wo, msinji Efrate; ndipo ghangukamuka maji ghake, alinga kuti yirongosoleke nthowa ya ŵakaronga ŵakutuwa ku vuma.

Chivumbuzi 5:2

Ndipo ndinguwona mungelo wanthazi wakumemeza ndi mazu ghakuru, “Njani wakwenere kubanuwa buku lo, ndi kumatuwa vizighiri vyake?”

Chivumbuzi 8:3

Ndipo wanguza mungelo munyake, yo wanguma pa jochero, wakuŵa ndi supa ya chema ya golide; ndipo kungupaskika kwaku iyo vyema vinandi, alinga wavisazge pamoza ndi marombu gha ŵakupaturika wose pachanya pa jochero la golide paurongo pa chitengu-chaufumu cho;

Chivumbuzi 9:14

ghakunena ndi mungelo wachinkhonde ndi chimoza, yo wenga ndi mbata, “Uŵafwatuwe ŵangelo wo ŵanayi, wo ŵamangika pa msinjiwo ukuru, Efrate.”

Chivumbuzi 9:4

Ndipo kunguneneke iwo, kuti ŵareke kutekeska uteka wa charu, pamwenga chiŵisi chose pamwenga chimuti chose, kweni ŵanthu pe ndiwo; ŵeniwo ŵalive chizighiri chaku Chiuta pa mphumi zawo.

1 Samuele 17:26

Sono Davidi wangurongoro ndi ŵanthu wo ŵenga pafupi nayo, “Kukamuŵiyanganji munthu yo wangabaya muFilisti uyu, ndi kutuzgapo chitozeru pa Yisraele? Pakuti ndiyani nayo muFilisti wambura kuchinjika uyu, kuti wanyozenge maŵanja ghaku Chiuta wamoyo?”

1 Samuele 17:36

Ndamteŵeti winu ndabayapo zinkharamu ndi ŵachipembere ndipo muFilisti uyu wambura kuchinjika wakaŵanga nge njimoza yaku zo, pakuti wanoza maŵanja ghaku Chiuta wamoyo.”