Chivumbuzi 7:16 - Tonga Bible 1986

¹⁶ Kuti ŵafwenge msara so cha, chingana nkhuti afwenge nyota so cha; chingana nkhuti dazi lo lingaŵapweteka so cha, chingana nchifundizi chose chakocha cha.

Chivumbuzi 7:16 Iomraidhean Croise

Sumu 121:5

Ambuya asungenge iwe; Ambuya ndi mduzi wako ku janja lako la marghe.

Sumu 121:6

Dazi kuti likupwetekengi cha ndi msana, nanga ndi mwezi ndi usiku.

Sumu 143:6

Manja ghangu ndisoske kwinu; mzimu wangu uparanthukiya imwe nge ncharu chiyumu.

Sumu 42:2

Mzimu wangu uparanthukiya Chiuta, Chiuta wamoyo. Ndizenge zuŵanji ndi kulereska chisku chaku Chiuta?

Sumu 63:1

A Chiuta, ndimwe Chiuta wangu, ndipenja imwe, mzimu wangu uparanthukiya imwe, mtima wangu wose unweka imwe, nge ncharu cha chiparamba chakuvuka chamburamaji.

Sumu ya Zisumu 1:6

Rekani kulereska paku ine, chifukwa nde mufipa, chifukwa lumwi landiŵawuwa. Ŵana ŵanthurumi ŵa ama ŵangundikaripiya, ŵangundichita kuŵa wakusunga munda wa mphereska; kweni munda waku ndamweni wa mphereska kuti ndawusunga cha!

Yesaya 25:4

Pakuti imwe mwaŵa linga la ŵasauchi, linga la mukavu musuzgu yake, musasa waku lirondo ndi muduzi ku chifundizi; pakuti kuphwanya kwa ŵankhaza kwe nge nkhuputa kwa lirondo pa linga,

Yesaya 32:2

Yumoza ndi yumoza wakaŵanga uli ndi malo ghakubisamamo ku mphepo, musana wakubisamako ku lirondo, nge nthumisinji twa maji mu charu chiyumu, nge nchiduzi cha jarawe likuru mu charu chakuvuka.

Yesaya 41:17

Penipo ŵasauchi ndi ŵasokwa ŵapenja maji, ndipo palivi, ndipo lilime lawo lomilwa ndi nyota, ine Ambuya ndiŵamukenge, ine Chiuta waku Yisraele kuti ndikaŵajowonga cha.

Yesaya 49:10

kuti ŵakavwanga nja chingana ndi nyota cha, mphepo yakocha pamwenga lumwi kuti vikaŵapwetakanga cha, pakuti yo wendi chitima paku iwo wakaŵarongozganga, ndipo mu visima vya maji wakaŵarongozganga.

Yesaya 65:13

Chifukwa chenichi atiti viyo Ambuya Chiuta: “Ehe, ŵateŵeti ŵangu ŵakarghanga, kweni imwe mukaŵanga ŵanja; ehe, ŵateŵeti ŵangu ŵakamwanga, kweni imwe mukaŵanga ŵanyota; ehe, ŵateŵeti ŵangu ŵakakondwanga, kweni imwe mukalengeskekanga;

Yona 4:8

Ndipo kunguŵa, penipo lumwi lingutuwa, Chiuta wangunozga mphepo yachifundizi yakuvuma, ndipo lumwi lingumocha pa mutu Yona, wanguziririka; ndipo wanguromba, ndi wanguti, “Nkhwamampha kuti ndifwe kuruska kuja wamoyo.”

Mateyu 13:21

kweni walive nkhorozu mwaku yija, wakunthiyapo kwa kanyengo; ndipo pakuŵapo suzgu pamwenga fingu pachifwa cha mazu, ruŵi waguŵiskika.

Mateyu 13:6

lati lakwera dazi zinguŵauka; ndipo chifukwa zengavi nkhorozu, zingumira.

Mateyu 5:6

“Mbakutumbikika ŵakuvwa nja ndi nyota vya urunji: pakuti iwo ŵagutenge.

Marko 4:17

ndipo ŵalive nkhorozu mwaku ŵija, kweni mba kanyengo; sono yichiŵaŵiya suzgu pamwe fingu pa chifwa cha mazu gho, ruŵi ŵaguŵiskika.

Marko 4:6

lati lakwera dazi, yinguŵawuka; ndipo pakuŵavi nkhorozu, yingufota.

Luka 1:53

Anja waguska vyamampha; ndipo ŵasambasi wadika ŵambughuya.

Luka 6:21

“Mwe ŵamwaŵi mwaŵanja sono; pakuti mugutiskikenge. “Mwe ŵamwaŵi ŵakuliya sono; pakuti musekenge.

Yohane 4:14

kweni mweniyo yose wangwamwapo maji gho ndimpaskenge ine, kuti nyota yikamkonga so cha muyaya: maji gho Ine ndimpaskenge ghaŵenge mwake chisima cha maji ghakubwibwitukiya ku umoyo wamuyaya.”

Yakobe 1:11

Chifukwa lumwi lo lituwa ndi chifundizi, ndipo liumizga uteka; ndi luŵa lake limota, ndi utozi wa kawonekedu kake utanangika: viyo so msambasi mayo wafoteskekenge mu mendedu ghake.

Chivumbuzi 21:4

Ndipo waleskengeko sozi lose ku maso ghawo, ndi nyifwa kuti yikaŵangapo so cha; chingana nchitenje, chingana ndi nkhuta, chingana mburwirwi, kuti vikaŵangapo so cha: chifukwa vyakudanga vyo vyarutapo.”