Chivumbuzi 7:10 - Tonga Bible 1986

¹⁰ ndipo ŵakamburanga ndi mazu ghakuru ŵakuti, “Utaski we kwaku Chiuta widu, mweniyo waja pa chitengu-chaufumu cho, ndi ku Mwana-mberere yo!”

Chivumbuzi 7:10 Iomraidhean Croise

Sumu 115:1

Kwaku ifwe cha, Ambuya, kwaku ifwe cha, kweni ku zina linu paskani unkhankhu, chifukwa cha chanju chinu chakufikapo ndi ukongorekwa winu!

Sumu 3:8

Utaski weku Ambuya; chitumbiku chiŵe pa ŵanthu ŵinu!

Sumu 37:39

Utaski wa ŵarunji utuliya ku Ambuya; nchakudingang'amo chawo mu nyengo ya suzgu.

Yesaya 43:11

Ine, ndine Ambuya ndipo pade paku ine palive mtaski.

Yesaya 45:15

Kwakuneneska, ndiwe Chiuta mweniyo watijibisa, Chiuta mwe waku Yisraele Mtaski.

Yesaya 45:21

Taulani ndi longoni mulando winu; ŵarekeni ŵapangane fundu pamoza! Njani wangukamba ichi kale ukongwa? Njani yo wangutaula gha mwaka? Kuti ndenga ine cha Ambuya? Ndipo palivi Chiuta munyake pade paku ine, Chiuta murunji ndi Mtaski; palivi munyake pade paku ine.

Yeremiya 3:23

Kwakuneneska tumapiri nthwakupusika, vyakupuruska pa mapiri. Kwakuneneska mu Ambuya Chiuta widu mwe utaski waku Yisraele.

Hoseya 13:4

Ndine Ambuya Chiuta winu kutuwa ku charu cha Egipiti. Muziŵa Chiuta munyake cha, kweni ine pe, ndipo pade paku ine palivi mtaski munyake.

Yona 2:9

Kweni ine nkhaperekanga sembe kwinu ndi mazu ghakuwonga, nkhaperekanga cho ndajirapizga nacho. Utaski ngwa Ambuya!”

Zekariya 4:7

Ndiwe yani, iwe phiri likuru? Panthazi paku Zerubabele usandukenge chidika; wazenge nawo mwa wapachanya mu kudanirizga, ‘Chimangu, chimangu kwaku wo!’ ”

Zekariya 9:9

Sekereni ukongwa, mwa ŵanthu ŵaku Zioni! Kamburani ukongwa, mwa ŵanthu ŵaku Yerusalemu! Wonani, karonga wino watuza kwinu, ndi murunji wendi utaski, ngwakuzika, wakwera pa mbunda, pa mwana wa mbunda yinthukazi.

Luka 3:6

ndipo munthu yose wawonenge utaski waku Chiuta.”

Yohane 1:29

Ndi mlenji wawona Yesu wachiza kwaku iyo, ndipo watiti, “Awonani, Mwana-mbere waku Chiuta, yo watuzgapo ulakwi wa charu!

Yohane 1:36

ndipo wachilereska dodoli paku Yesu wachenda, watiti, “Awonani, MwanaMberere waku Chiuta!”

Yohane 4:22

Imwe musopa cho mulive kuziŵa: ifwe tisopa cho tiziŵa: pakuti utaski ngwakutuwa ku ŵaYuda.

ŴaEfeso 2:8

chifukwa ndi wezi mwataskikiya mu chivwanu: ndipo chenicho kuti nchakutuwa kwaku mwaŵeni cha; ndi mpasku waku Chiuta;

Chivumbuzi 12:10

Ndipo ndinguvwa mazu ghakuru kuchanya, ghakuti, “Sono waŵapo utaski, ndi nthazi, ndi ufumu waku Chiuta widu, ndimtufu waku Kristu wake: pakuti wapong'eka pasi wakutundula yo wa ŵabali ŵidu, mweniyo watuŵatundula paurongo paku Chiuta widu msana ndi usiku.

Chivumbuzi 19:1

Ndipo pavuli ndinguvwa ulaka ndi mazu ghakuru gha mzinda ukuru kuchanya, ghakuti, “Aleluya, Utaski ndi unkhankhu ndi nthazi vyo vyaku Chiuta widu:

Chivumbuzi 21:5

Mweniyo wajanga pa chitengu-chaufumu cho wanguti, “Awonani; ndizghora vinthu vyose viŵe vifya.” Ndipo wanguti, “Lembapo: pakuti mazu yagha ngamagomekezgeka ndi ghakuneneska.”

Chivumbuzi 22:3

Ndipo kuti chikaŵangapo so cha chakutembeka chose: kweni chitengu-chaufumu chaku Chiuta ndi cha Mwana-mberere chiŵenge mwenimo; ndipo ŵaŵanda ŵake ŵamteŵetiyenge;

Chivumbuzi 4:6

ndipo paurongo pa chitengu-chaufumu cho penga ulaka ndi nyanja yakulangaliya, yakukozgana ndi sangalawi. Ndipo kuzunguriya chitengo chaufumu cho kuchiri kunu ndi kuchiri kuwa kwenga vyamoyo vinayi vyakuzara maso kunthazi ndi kuvuli.

Chivumbuzi 5:7

Ndipo wanguza, wanguto buku mu janja lamarghe laku Mweniyo wajanga pa chitengu-chaufumu cho.