Chivumbuzi 4:10 - Tonga Bible 1986

¹⁰ ŵatuwa pasi ŵara wo machumi ghaŵi ndi ŵanayi paurongo paku yo waja pa chitengu chaufumu cho, ndi kumlambiya yo ngwamoyo ku muyaya ndi muyaya; ndipo ŵapong'a pasi ndumbu zawo paurongo pa chitengu-chaufumu cho, ŵatumba,

Chivumbuzi 4:10 Iomraidhean Croise

1 Mikoka 29:20

Viyo Davidi wanguti ku wumba wose, “Atumbikeni sono Ambuya Chiuta winu,” ndipo wumba wose wunguŵatumbika Ambuya, Chiuta wa auskeu, ndi ŵangukotama pasi mitu yawo, ndi ŵanguŵalambiya Ambuya, ndi kujikamiya pasi karonga.

2 Mikoka 7:3

Ndipo ŵana wose ŵaku Yisraele, wanguti ŵawona moto uchiza pasi, ndi unkhankhu wa Ambuya pachanya pa kasopi, ŵangusindama visku vyawo pasi pakuyarikika ndi mya ndi ŵangusopa, ndi ŵanguwonga Ambuya, kuti, “Chifukwa mbamampha ndi nchamuyaya chifundu chawo.”

Jobu 1:20

Penipo Jobu wangusoka ndi wanguparuwa munjirira wake ndi wangumeta sisi la mutu wake, ndi kuwa pasi ndi kuromba,

Sumu 115:1

Kwaku ifwe cha, Ambuya, kwaku ifwe cha, kweni ku zina linu paskani unkhankhu, chifukwa cha chanju chinu chakufikapo ndi ukongorekwa winu!

Sumu 47:8

Chiuta wausa pachanya pa mitundu; Chiuta waja pa chitengo chake chakupaturika.

Sumu 72:11

Ŵakaronga wose ŵamulambiyenge; ndipo ŵamitundu wose ŵakamuteŵetiyanga iyo!

Sumu 95:6

Zaninga, tikotame ndi kumusopa iyo; tiyeni tigwade paurongo pa Ambuya, Mlengi widu!

Yesaya 6:1

Mu chirimika cho karonga Uziya wangufwiya ndinguwona Ambuya akuja ndeku pa chitengo cha ukaronga, pachanya ndi akukwezgeka, ndipo vivwalo vyawo vinguzaza kasopi.

Danyele 12:7

Munthu wakuvwara bafuta, yo wenga pachanya pa maji gha mu msinji, wangusoske janja lake la marghe ndi janja lake la maze kuchanya; ndipo ndingumuvwa wakurapa paku yo ngwamoyo muyaya kuti kuŵenge kwa nyengo, nyengo ziŵi, ndi nyengo yimanavi; ndipo penipo kuparghang'a kwa nthazi za ŵanthu ŵatuŵa kwamara, vinthu vyose ivi vikamaranga.

Danyele 4:34

Pa umari wa mazuŵa, ine Nebukadanezara, ndinguyinuskiya maso ghangu kuchanya, ndipo zeru zangu zinguweremu. Ndingutumbika Wapachanya Limu, ndingumuthamika ndi kumukankhuska mweniyo wajaririya muyaya: chifukwa muwusu wake ndi muwusu wambura kumara, ndipo ufumu wake ujaririya ku migonezi;

Mateyu 2:11

Wangusere mu nyumba, ndipo ŵanguwona mwana ndi Mariya anyina; ndipo ŵakuwa pasi ŵangumlambiya. Ndipo ŵati ŵabanuwa mbiku zawo; ŵangupaska mipasku, golide, libane, ndi muro.

Luka 24:52

Ndipo iwo, ŵanguti ŵamlambiya, ŵanguwere mu Yerusalemu ndi chimwemwe chikuru.

1 ŴaKorinte 15:10

Kweni ndi wezi waku Chiuta nde ine mo ndiliri: ndipo wezi wake wakwaku ine kuti unguŵa wawaka cha; pakuti ndatakataka kwa nthazi ukongwa kwakuruska iwo wose; ndipuuli ine cha, kweni wezi waku Chiuta wo we nane.

Marangu 32:40

Pakuti ndisoske janja langu kuchanya ndi ndirapa, kuti, Mwenimo ndijariya wamoyo muyaya.

Chivumbuzi 10:6

ndipo wangurapiya paku mweniyo ngwamoyo ku muyaya ndimuyaya, mweniyo wangulenga kuchanya ndi vya kweniko, charu ndi vya mwenimo, ndi nyanja ndi vya mwake, kuti yireke kuŵapo nyengo yakuswera so cha,

Chivumbuzi 11:16

Ndipo ŵara wo machumi ghaŵi ndi ŵanayi, wo ŵaja pa vitengu-vyaufumu vyawo paurongo paku Chiuta, ŵanguwa kavunama, ŵangumlambiya Chiuta ŵakuti,

Chivumbuzi 15:4

Njani warekenge kopa imwe, Ambuya, ndi kukankhuska zina linu? Pakuti ndimwe pe mwe ŵakupaturika. Chifukwa mitundu yose yikazanga, ndipo yilambiyenge paurongo pinu; pakuti vyeruzgu vinu vyakurunjika vyawoneka pakweru!”

Chivumbuzi 15:7

Ndipo chimoza cha vyamoyo vyo vinayi chingupaska ŵangelo ŵankhonde ndi ŵaŵi mbali nkhonde ndi ziŵi zakuzaza fwa ndi kandundu kaku Chiuta, mweniyo ngwamoyo ku muyaya ndi muyaya.

Chivumbuzi 19:4

Ndipo ŵanguwa pasi ŵara wo machumi ghaŵi ndi ŵanayi, ndi vyamoyo vyo vinayi, ŵangumlambiya Chiuta mweniyo waja pa chitengu-chaufumu cho, kuti, “Ameni! Aleluya!”

Chivumbuzi 4:2

Ndipo sosonukweni ndinguŵiya mu Mzimu: ndipo ehe, chitengu-chaufumu chingujarikika kuchanya, ndi pa chitengu-chaufumu cho yumoza wakujapo!

Chivumbuzi 4:4

Ndipo kwakuzunguliya chitengu-chaufumu cho kwenga vitengu-vyaufumu machumi ghaŵi pachanya vinayi, ndipo pa vitengu vyo ŵangujapo ŵara machumi ghaŵi pachanya ŵanayi, ŵakuvwara, minjirira yituŵa; ndi pa mitu yawo ndumbu zagolide.

Chivumbuzi 4:9

Ndipo penipo pose vyamoyo vyo vipaska unkhankhu ndi rumbu ndi kuwonga kwaku yo waja pa chitengu chaufumu cho, kwaku mweniyo ngwamoyo ku muyaya ndi muyaya,

Chivumbuzi 5:14

Ndipo vyamoyo vyo vinayi vyatinge, “Ameni.” Ndipo ŵara wo ŵanguwa pasi, ndipo ŵangulambiyapo.

Chivumbuzi 5:8

Ndipo penipo wanguto buku lo, vyamoyo vinayi vyo ndi ŵara wo machumi ghaŵi ndi ŵanayi ŵanguwa pasi paurongo pa Mwana-mberere yo, wose yumoza ndi yumoza wenga ndi kaligu, ndi mbali zagolide zakuzazika ndi vyachema (vyenivyo ndi marombu gha ŵakupaturika).

Chivumbuzi 7:11

Ndipo ŵangelo wose ŵanguma kwakuzunguliya ŵara wo ndi vyamoyo vyo vinayi; ndipo ŵanguwa kavunama paurongo pa chitengu-chaufumu, ndi kumlambiya Chiuta,