Chivumbuzi 3:7 - Tonga Bible 1986

⁷ “Ku mungelo wa mpingu wamu Filadelfia lembapo: ‘Vyenivi watiti Wakupaturika, Mneneska yo, mweniyo we ndi mjuriru waku Davidi, yo wajura, ndipo kuti yumoza wangajara cha, yo wajara, ndipo kuti yumoza wangajura cha.

Chivumbuzi 3:7 Iomraidhean Croise

Jobu 11:10

Asani wangaporotamo, ndi kujuliya, ndi kutore ku cheruzgu, ndiyane wangamukanizga?

Jobu 12:14

Asani wabwanganduliya pasi paulavi yumoza yo wangazenga so; asani watimujaliya munthu palivi yo wangamujuliyako.

Sumu 145:17

Ambuya mbakurunjika mu nthowa zawo zose, mbalisungu mu nchitu zawo zose.

Sumu 16:10

Chifukwa imwe mulivi kundipereka ku muunda, pamwenga kuzomerezga mtuŵa winu kuti wawone zenje.

Sumu 89:18

chifukwa mukusankha wakutivikiriya; imwe Mtuŵa Yumoza waku Yisraele, mukutipaska karonga widu.

Yesaya 22:22

Ndipo ndikaŵikanga pa phewa lake mpiringizgu wa nyumba yaku Davidi, wakajuranga, ndipo paulengevi wakujara, wakajaranga ndipo paulengevi wakujura.

Yesaya 30:11

rekani nthowa, patukaniko ku nthowa, tingavwanga so cha gha Mtuŵa Yumoza yo waku Yisraele.”

Yesaya 41:14

Ungopanga cha, owe fusi Yakobe, imwe mwa ŵanthu ŵaku Yisraele! Ndikovyeninge, atiti Ambuya; muwobozi winu ndi Mtuŵa Yumoza yo waku Yisraele.

Yesaya 41:16

Ukayipepetanga ndipo mphepo yikayitolenga kutali, ndipo lirondo likayiparghang'anga. Ndipo iwe ukakondwanga mu Ambuya; mu Mtuŵa Yumoza yo waku Yisraele, ukatumbwanga.

Yesaya 41:20

alinga kuti ŵanthu ŵawone ndi kuziŵa, ŵaghanaghane ndi kuwamo pamoza kuti janja la Ambuya lachita ichi, Mtuŵa Yumoza yo waku Yisraele wachita ichi.

Yesaya 47:4

Muwombozi widu Ambuya ŵa maŵanja ndilu zina lake ndiyo Mtuŵa Yumoza waku Yisraele.

Yesaya 48:17

Viyo atiti Ambuya, Muwombozi winu, Mtuŵa Yumoza waku Yisraele: “Ndine Ambuya Chiuta wako, mweniyo watikurunguchizga kusakata, mweniyo watikurongozga mu nthowa yeniyo utenere kwendamo.

Yesaya 49:7

Viyo atiti Ambuya, Muwombozi waku Yisraele ndi Mtuŵa wake Yumoza, kwaku yo wakuyeyeka limu, wakutinkhika ndi mitundu, mteŵeti wa ŵeruzgi: “Ŵakaronga ŵakawonanga ndi ŵakayukanga; ŵana ŵa mafumu ŵakalambanga ŵija; chifukwa cha Ambuya, wo mbamagomekezgeka, Mtuŵa Yumoza waku Yisraele yo wakusankha.”

Yesaya 54:5

Pakuti Mlengi wako ndi murumi wako, Ambuya ŵa maŵanja ndilo zina lawo; ndipo Mtuŵa Yumoza waku Yisraele ndiyo Muwombozi wako, Chiuta wa charu chose chapasi ndimu wadanikiya.

Yesaya 55:5

Ehe, ukadananga mitundu yo kuti utiyiziŵa cha, ndipo mitundu yo yengavi kukuziŵa yikachimbiyanga kwaku iwe, chifukwa cha Ambuya Chiuta wako, ndi cha Mtuŵa Yumoza waku Yisraele, pakuti wakukankhuska iwe.

Yesaya 6:3

Ndipo yumoza wangudanirizga ku munyake wanguti: “Mtuŵa, mtuŵa, mtuŵa ndi Ambuya ŵa maŵanja, charu chose chapasi chazara unkhankhu wake.”

Mateyu 16:19

Ndikupaskenge mipiringizgu ya ufumu wakuchanya; ndipo chose cho ungamanga panupasi chiŵenge chakumangika kuchanya; ndipo chose cho ungafwatuwa panupasi chiŵenge chakufwatulika kuchanya.”

Mateyu 24:35

Kuchanya ndi pasi virutenge, kweni mazu ghangu kuti gharutenge cha.

Marko 1:24

ndipo wangukambura, kuti, “Te ndi chine ndi iwe, Yesu waku Nazarete? Kumbi waziya kuzachitinanga? Nditukuziŵa mo uliri, Wakupaturika we, waku Chiuta.”

Luka 1:32

Mweniyo wakaŵanga mura, ndipo wakadanikanga Mwana wa Wamdengwendi: ndipo Mbuya Chiuta wakampaskanga chitengu chaku Davidi awiske:

Luka 4:34

“Owe! Te ndi chine ndi iwe, Yesu waku Nazarete? Kumbi waziya kwachinanga ifwe? Ndikuziŵa mo uliri, Wakupaturika we waku Chiuta.”

Yohane 14:6

Yesu wamnene, “Ine ndine nthowa, ndi uneneska wo, ndi umoyo wo; kuti yumoza wangaza ku Dada cha, kwambura kuti watuziya mwaku ine.

Machitidu gha Ŵakutumika 3:14

Kweni wakupaturika ndi murunji yo imwe mungumkana, ndipo mungupempha kuti munthu wambanda wapaskike waka kwaku imwe,

1 Yohane 5:20

Kweni tiziŵa kuti Mwana waku Chiuta waza, ndipo kuti watipaska chinjeru, alinga kuti timziŵe mneneska yo; ndipo te mu mneneska yo, nadidi mu Mwana wake Yesu Kristu mwenuyu ndi Chiuta mneneska yo, ndi Umoyo Wamuyaya wo.

Chivumbuzi 1:11

ghakuti, “Cho uwona lemba mu buku, ndi utume ku mipingu yinkhonde ndi yiŵi; ku Efeso, ku Smurna, ku Pergamo, ku Thiatira, ku Sardisi, ku Filadelfia, ndi ku Laodikea.”

Chivumbuzi 1:18

ndi yo ngwamoyo; ndinguŵa wakufwa, ndi onani, nde Wamoyo ku muyaya ndi muyaya, ndipo nde nayo mijuriru ya Nyifwa ndi Hadesi.

Chivumbuzi 1:5

ndi kutuwa kwaku Yesu Kristu, kaboni yo wamagomekezgeka, wakupapika wachimoza wamu ŵakufwa, ndi wakuwusa wa ŵakaronga ŵapanupasi. Kwaku Mweniyo watanja ifwe, ndi wangutifwatuwa ku vyakulakwa vidu mu ndopa zake;

Chivumbuzi 15:3

Ndipo ŵambanga sumu yaku Mosese, muŵanda waku Chiuta, ndi sumu ya Mwana-mberere yo, ŵakuti, “Ngakuru ndi ngakuziziswa machitidu ghinu, Ambuya Chiuta, Mwaŵanthazizose! Ngakurunjika ndi ngakuneneska mendedu ghinu, mwa karonga wa migonezi!

Chivumbuzi 16:7

Ndipo ndinguvwa kukambura kwa jochero, latinge, “Inya, Ambuya Chiuta, Mwaŵanthazizose, vyeruzgu vinu vyakuneneska ndi vyakurunjika.”

Chivumbuzi 19:11

Ndipo ndinguwona kuchanya kwakujurika; ndipo, onani, kavalo wakuti tu, ndi mweniyo wangugara pake wanguzumbulika, Wamagomekezgeka ndi Mneneska; pakuti mu urunji wateruzga ndi waturwa.

Chivumbuzi 19:2

chifukwa vyeruzgu vyake vyakuneneska ndi vyakurunjika; pakuti weruzga munthukazi-mreŵi mukuru yo, mweniyo wangwananga charu ndi ureŵi wake, ndipo watayiya thayu paku iyo ndopa za ŵaŵanda ŵake.”

Chivumbuzi 2:1

“Ku mungelo wa mpingu wamu Efeso lembapo: ‘Vyenivi watiti yo ngwakukoreze mu janja lake lamarghe nyenyezi zo nkhonde ndi ziŵi, yo watenda mukati mu vikoleru-nyali vyo vinkhonde ndi viŵi vya golide.

Chivumbuzi 21:5

Mweniyo wajanga pa chitengu-chaufumu cho wanguti, “Awonani; ndizghora vinthu vyose viŵe vifya.” Ndipo wanguti, “Lembapo: pakuti mazu yagha ngamagomekezgeka ndi ghakuneneska.”

Chivumbuzi 3:14

“Ku mungelo yo wa mpingu wamu Laodikea lembapo: ‘Vyenivi watiti Ameni yo, kaboni wamogomekezgeka ndi wakuneneska, Chandu wa ulengi waku Chiuta.

Chivumbuzi 4:8

Ndipo vyamoyo vyo vinayi vyose, chimoza ndi chimoza vyenga ndi mapapiku ghankhonde ndi limoza vyenga vyakuzazika ndi maso kwakuzunguliya ndi mukati viyo, ndipo msana ndi usiku kuti vipumuliya cha pakumba, “Mtuŵa, mtuŵa, mtuŵa, ndi Mbuya Chiuta, Wanthazizose, mweniyo wengako, walipo, ndipo watuza.”

Chivumbuzi 5:9

Ndipo ŵambanga sumu zifya, ŵakuti, “Wakwenere ndimwe kuto buku lo, ndi kumatuwa vizighiri vyake: pakuti mungubayika, ndipo mwaŵawombole kwaku Chiuta ndi ndopa zinu ŵanthu ŵamu fuku lose, ndi karongoroledu, ndi khamu ndi mtundu;

Chivumbuzi 6:10

ndipo ŵangukambura ndi mazu ghakuru, kuti, “Mpaka zuŵanji Ambuya Mwaŵanthazizose, ŵakupaturika ndi ŵakuneneska, murekenge kweruzga ndi kutayiya thayu yapa ndopa zidu paku wo ŵaja pa charu?”