Chivumbuzi 3:3 - Tonga Bible 1986

³ Viyo kumbuka, cho ungusambizgika ndimo unguchivwiya; uchisunge; ndipo ng'anamuka. Asani ureka kucherezga, ndizenge nge ndi munkhungu, ndipo kuti ukaziŵanga cha ora lo ndiziyenge pako.

Chivumbuzi 3:3 Iomraidhean Croise

Ezekiele 20:43

Kwenikuwa ndiko mukakumbukanga nthowa zinu ndi nchitu zinu zose zo mukujikazuzga nazo; ndipo mukajisuskanga imwe mwaŵeni pa chifukwa cha mauheni ghose gho mwachita.

Ezekiele 36:31

Penipo ndipo mukakumbukanga nthowa zinu, ndi nchitu zinu kuti zenga ziheni, sono mukajitinthanga mwaŵeni chifukwa cha maukazuzi ndi milimu ya maunyakazi ghinu.

Mateyu 25:13

Viyo khazgani, pakuti mulive kuliziŵa zuŵa chingana ndi ora.

Marko 13:33

Cheŵani, khazgani ndi rombani, chifukwa kuti muziŵa cha kufika kwa nyengo yo.

Marko 13:36

vinu pakuza kwambuchibuchi wangakusaniyani mwara tulo.

1 ŴaTesalonika 5:2

Chifukwa mwaŵeni muziŵiya limu kuti nge ndi munkhungu ndi usiku viyo lizenge zuŵa lo, la Ambuya.

1 Timote 6:20

Timote we, sungirizga chakupazgika cho; pambukako ku makani ghamtonyoru ndi kuvimikiranu vya mziŵiru wo, weniwo utamulika viyo kwautesi;

2 Timote 1:13

Koreskanga chandiru cha mazu ghazirima ghenigho wavwa kwangu, mu chivwanu ndi chanju chamwaku Kristu Yesu.

ŴaHebere 2:1

Chifukwa chenichi kutenere kwakuruska kuphwere vyo vinguvwika, vinu tingadeukako.

2 Petro 1:13

Ndipo ndipima kuti nkhwakwenere, po pose ndeche mu hema lenili, kumyuskani ndi kumkumbuskani;

2 Petro 3:1

Mwaŵakwanjiwa, ndikulembiyani sono kalata uyu wachiŵi; ndipo mu makalata ghose ghaŵi gho, ndichiska chinjeru chinu cheneko ndi kumkumbuskani,

2 Petro 3:10

Kweni zuŵa lo la Mbuya likazanga uli ndi munkhungu, mwaku lenilo zuŵa machanya gho ghamkungunuka ndi mphomu yikuru, ndi visina vyakunyeka vyamsongonoka, ndipo charu ndi nchitu zamwake vyazamukufya.

Chivumbuzi 16:15

(“Awonani, nthuza uli ndi munkhungu. Ngwakutumbikikayo ngwakucherezga, ndi wakusungirizga minjiriria yake, vinu wangenda nkhuli, ndi ŵangawona mariseche ghake.”)

Chivumbuzi 2:25

Mbwenu, cho mwenacho, koreskani mpaka ndizenge.

Chivumbuzi 2:5

Viyo kumbuka ko wapaghamuka, ndipo ng'anamuka, ndi chitanga nchitu zako zakudanga. Vinu ndingaza ndi kutuzgapo chikoleru-nyali chako pa malo ghake, asani ureka kupe.

Chivumbuzi 22:7

Ndipo onani, ndituza ruŵi.” Ngwakutumbikika yo wasungirizga mazu gha umchimi wa buku lenili.

Chivumbuzi 3:11

Nthuza ruŵi: koreska cho we nacho, alinga kuti paŵevi yumoza wakupoka ndumbu yako.

Chivumbuzi 3:19

Ŵeniwo wose nditanja, ndituŵachenya ndikuŵalanga: viyo pamphuka, ndi ng'anamuka.

Chivumbuzi 3:2

Uŵe wakucherezga, ndipo uvikhozge vyo vyajapo, vyenga vindafwe; chifukwa kuti ndasaniya nchitu zako zakufiskika cha paurongo paku Chiuta wangu.