Chivumbuzi 3:2 - Tonga Bible 1986

² Uŵe wakucherezga, ndipo uvikhozge vyo vyajapo, vyenga vindafwe; chifukwa kuti ndasaniya nchitu zako zakufiskika cha paurongo paku Chiuta wangu.

Chivumbuzi 3:2 Iomraidhean Croise

1 ŴaKaronga 11:4

Chifukwa penipo Solomoni wangukota ŵawoli ŵake ŵangupuruskiya mtima wake kukurondo ŵachiuta ŵamwenga; ndipo mtima wake kuti wenga wakuneneska kwakufikapo cha ku Ambuya Chiuta wake, nge ndi mo wenge mtima waku Davidi awiske.

1 ŴaKaronga 15:3

Ndipo wangwenda mu mauheni ghose gho awiske ŵanguchita paurongo pake, ndipo mtima wake kuti wenga wa uneneska kwakufikapo cha ku Ambuya Chiuta wake, nge ndi mtima waku Davidi awiske.

2 Mikoka 25:2

Wanguchita cho chenga chakurunjika mu maso gha Ambuya, kweni kuti ndi mtima wakufikapo nkhani kurunjika cha.

Jobu 16:5

Ndatinge ndikukhwimiskenge ndi mlomo wangu, lisungu la mlomo wangu mphanyi lagowozga chitima chinu.

Yesaya 35:3

Khomeskani manja ghakutomboroka, khozgani makongono ghakupunduka.

Yesaya 56:10

Ŵalonda ŵake mbachiburumutiya, wose mbambura zeru; wose mbagaru ŵa mbuwu, kuti ŵangabwentha cha; kulota, kugona pasi, kwanja kusiwa.

Yesaya 57:12

Ndikokhomenge gha urunji winu ndivyenivyo muchita, kweni kuti vimovyeninge cha.

Ezekiele 34:16

Ndipenjenge yakusoŵa, ndiwezgenge yakuranda, ndimangenge bala lakuyo yapwetekeka, ndikhomeskenge yakutomborika, ndipo ndikayiphwerenga yakututuŵa ndi yanthazi, ndikaziliskanga mu cheruzgu.

Danyele 5:27

TEKEL, Mwapimika pa mweso ndi mwasanirika kuti mwe ŵayuyu;

Zekariya 11:16

Chifukwa, wonani ndiyuska mliska mu charu mweniyo kuti waphwere cha zo zikhumba kufwa, pamwenga kupenja zo zasoŵa, pamwenga kupozga zakupunduka, pamwenga kulela zo zamampha, kweni ŵarghenge nyama ya zakututuŵa, ndikufyo marundi ghawo.

Mateyu 23:5

Kweni nchitu zawo zose ŵachitiya kuti ŵaŵoneke ku ŵanthu: chifukwa ŵasanuska mphonji zawo, ndipo ŵakuzga mikanu ya minjirira yawo,

Mateyu 25:13

Viyo khazgani, pakuti mulive kuliziŵa zuŵa chingana ndi ora.

Mateyu 25:7

Sono zinguyuka mbeta zo zose, ndi zingunozga nyali zawo.

Machitidu gha Ŵakutumika 18:23

Ndipo wati waswapo nyengo yakuti, wangu­tuwako, ndipo pakudumuwa kwa muruliku mukati mu charu cha Galatia ndi Frugia, wangukhozga ŵasambizi wose.

Marangu 3:28

Kweni unene Yoswa, umukhwimiske mtima ndi kumukhomeska. Ndipo wamukwambuska ŵanthu yaŵa ndi kuŵaronde charu cho uchiwona.’

1 Petro 4:7

Kweni umari waku vyose waŵandika: viyo muŵe ŵavinjeru, ndipo ziziyani ku marombu.

1 Petro 5:8

Zizani, khazgani: diaboloyo, mphindikwa yinu, uli ndi nkharamu yakukoroma, wayingayinga ndi kupenja mweniyo wakamphe.

Chivumbuzi 16:15

(“Awonani, nthuza uli ndi munkhungu. Ngwakutumbikikayo ngwakucherezga, ndi wakusungirizga minjiriria yake, vinu wangenda nkhuli, ndi ŵangawona mariseche ghake.”)

Chivumbuzi 2:4

Kweni cho ndimikana ndi iwe nchakuti wareka chanju chako chakudanga.

Chivumbuzi 3:1

“Ndipo ku mungelo wa mpingu wamu Sardisi ulembe: ‘Vyenivi watiti mweniyo we nawo ŵazimu ŵankhonde ndi ŵaŵi ŵaku Chiuta, ndi nyenyezi nkhonde ndi ziŵi. “ ‘Ndiziŵa nchitu zako, we nalo zina lakuti we wamoyo penipo we wakufwa.

Chivumbuzi 3:3

Viyo kumbuka, cho ungusambizgika ndimo unguchivwiya; uchisunge; ndipo ng'anamuka. Asani ureka kucherezga, ndizenge nge ndi munkhungu, ndipo kuti ukaziŵanga cha ora lo ndiziyenge pako.