Chivumbuzi 3:11 - Tonga Bible 1986

¹¹ Nthuza ruŵi: koreska cho we nacho, alinga kuti paŵevi yumoza wakupoka ndumbu yako.

Chivumbuzi 3:11 Iomraidhean Croise

Zefaniya 1:14

Zuŵa la Ambuya likuru le pafupi, laŵandika, lituza ruŵi; chiwawa cha zuŵa la Ambuya nchakuŵaŵa. Chinkhara chiliyenge ukongwa kwenikuwa.

1 ŴaKorinte 9:25

Ndipo yose wakulimbalimbiya mu maseŵero wajitintha mwaku vyose. Wachita viyo mwakuti waronde ndumbu yakuvunda; kweni ifwe njambura kuvunda.

ŴaFilipi 4:5

Kuzika kwinu kuziŵikwe ku ŵanthu wose. Ambuya ŵe kufupi.

2 Timote 2:5

Ndipo so asani munthu wajontho, kuti wavwalikika nkhazu cha, kwambura kuti wajonthole kwadangu.

2 Timote 4:8

chajako kuti chiŵikikiye ine chifuku cho cha urunji, chenicho Mbuya, cheruzga yo murunji, wandipaskenge mu zuŵa liya: ndipo kwaku ine pe cha, kweni so kwaku wose ŵeniwo ŵanja chiwoneka chake.

Yakobe 1:12

Ngwamwaŵi munthu mweniyo wavwiyapo kesedu; pakuti wata kuti waŵa wakurumbika, warondenge mphumphu ya umoyo yeniyo, Mbuya wapangana ku ŵakumwanja.

Yakobe 5:9

Mwa ŵabali, mungadinginikirananga yumoza pa munyake cha, alinga mureke kweruzgika: alereni, cheruzga yo watuma pa makhomu.

Chivumbuzi 1:3

Ngwakutumbikika yo waŵerenga, mazu gha umchimi wo, ndi wo ŵatuvwa ndi ŵasunga vyo vyalembeka mwenimo: chifukwa nyengo yo ye kufupi.

Chivumbuzi 16:15

(“Awonani, nthuza uli ndi munkhungu. Ngwakutumbikikayo ngwakucherezga, ndi wakusungirizga minjiriria yake, vinu wangenda nkhuli, ndi ŵangawona mariseche ghake.”)

Chivumbuzi 2:10

Ungopanga cha vyo ukomwenge. Awonani, diabolo yo wakhumba kupong'a ŵanyake ŵa mwaku imwe mu ulinda, alinga kuti mweseke; ndipo mukasuzgikanga mazuŵa chumi. Uŵe wamagomekezgeka mpaka nyifwa, ndipo nkhakupaskanga ndumbu ya umoyo.

Chivumbuzi 2:13

“ ‘Ndiziŵa po uja, nadi po pe chitengu-chaufumu chaku Satana, ndipo ukoreska ndi nthazi Zina langu, kuti wakana cha chivwanu changu, chingana ndi mu mazuŵa ghaku Antipase, kaboni wangu wamagomekezgeka, mweniyo wangubayika mukati mwinu, ko waja Satana.

Chivumbuzi 2:25

Mbwenu, cho mwenacho, koreskani mpaka ndizenge.

Chivumbuzi 22:12

“Awonani, nthuza ruŵi; ndipo mphotu yangu nde nayo pamoza nane, kumpaska yose uli ndimo yiriri nchitu yake.

Chivumbuzi 22:20

Mweniyo wasimikizga vyenivi watiti, “Inya nthuza ruŵi.” Ameni. Zaninge, Ambuya Yesu.

Chivumbuzi 22:7

Ndipo onani, ndituza ruŵi.” Ngwakutumbikika yo wasungirizga mazu gha umchimi wa buku lenili.

Chivumbuzi 3:3

Viyo kumbuka, cho ungusambizgika ndimo unguchivwiya; uchisunge; ndipo ng'anamuka. Asani ureka kucherezga, ndizenge nge ndi munkhungu, ndipo kuti ukaziŵanga cha ora lo ndiziyenge pako.

Chivumbuzi 4:10

ŵatuwa pasi ŵara wo machumi ghaŵi ndi ŵanayi paurongo paku yo waja pa chitengu chaufumu cho, ndi kumlambiya yo ngwamoyo ku muyaya ndi muyaya; ndipo ŵapong'a pasi ndumbu zawo paurongo pa chitengu-chaufumu cho, ŵatumba,

Chivumbuzi 4:4

Ndipo kwakuzunguliya chitengu-chaufumu cho kwenga vitengu-vyaufumu machumi ghaŵi pachanya vinayi, ndipo pa vitengu vyo ŵangujapo ŵara machumi ghaŵi pachanya ŵanayi, ŵakuvwara, minjirira yituŵa; ndi pa mitu yawo ndumbu zagolide.