Chivumbuzi 22:3 - Tonga Bible 1986

³ Ndipo kuti chikaŵangapo so cha chakutembeka chose: kweni chitengu-chaufumu chaku Chiuta ndi cha Mwana-mberere chiŵenge mwenimo; ndipo ŵaŵanda ŵake ŵamteŵetiyenge;

Chivumbuzi 22:3 Iomraidhean Croise

Sumu 16:11

Imwe mtindirongo nthowa ya umoyo; mugutu wa chimwemwe we mwaku imwe, vyakukondweska mu janja linu la kurghiya vya muyaya.

Sumu 17:15

Nge nkhwaku ine, ndikadodoleskanga chisku chinu mu urunji; penipo ndiyuka, ndikakhorwanga ndi kawonekedu kinu.

Yesaya 12:6

Bongoni, ndipo mbani ndi chimwemwe, mwa ŵakuja mu Zioni, pakuti mukuru mukati mwinu ndi Mtuŵa Yo waku Yisraele.”

Yesaya 51:11

Ndipo ŵakuwomboleka ŵa Ambuya ŵakawenga, ŵakazanga ku Zioni ndi kumba; likondwa la muyaya likaŵanga pa mitu yawo; ŵakalondenga likondwa ndi chimwemwe, chitima ndi mitamanthu vikathaŵiyanga kutali.

Ezekiele 37:27

Malo ghangu ghakujamo ghakaŵanga ndi iwo; iwo ŵakaŵanga ŵanthu ŵangu, ndipo ine ndikaŵanga Chiuta wawo.

Ezekiele 48:35

Kupima msumba wose zingirizgi ukaŵanga mikono vikwi chumi ndi vinkhonde ndi vitatu, (18,000), ndipo zina la msumba kutuwa zuŵa lino mpaka ku muyaya likaŵanga, Ambuya ŵe mwenimuwa.”

Zekariya 14:11

Ndipo ŵanthu ŵajenge mwenimo, chifukwa kuti kuŵenge so thembo cha; kweni Yerusalemu wajenge kwakufwasa.

Mateyu 25:21

Mbuyake wangumnene. ‘Nchamampha muŵanda we wamampha ndi wamagomekezgeka; waŵa wamagomekezgeka pa vinthu vimanavi; pa vinandi ndikuŵikenge: sere muchimwemwe cha mbuyako.’

Mateyu 25:41

Pavuli waneniyenge ŵaku maze, ‘Tuwaniko kwangu, mwaŵakutembeke, ku motu wamuyaya, wakurongosoleke diabolo yo ndi ŵangelo ŵake;

Yohane 12:26

asani yumoza watinditeŵete, wandirondonge; ndipo ko nde ine, kweniko waŵenge mteŵete wangu nayo: asani yumoza watinditeŵete, Ada amrumbenge.

Yohane 13:32

ndipo asani Chiuta wakankhuskika mwaku iyo wamkankhuskiyenge mwaku iyo yija.

Yohane 14:3

Ndipo asani ndaruta ndi kukurongosoleni malo, ndituza so, ndipo ndazamkukutoriyani kwaku ndamweni; alinga kuti ko nde ine, namwe so muŵe kweniko.

Yohane 17:24

Ada, wo mwandipaska, ndikhumba kuti ko nde ine, iwo nawo ŵaŵe pamoza nane; mwakuti ŵawone unkhankhu wangu, weniwo mukundipaska; pakuti mungundanja, chenga chindajarikike charu.

Marangu 27:26

“ ‘Watembeke yo kuti wazomerezga cha mazu gha dangu ili mu kughachita.’ Ndipo ŵanthu wose ŵanenenge, ‘Ameni.’

Chivumbuzi 7:10

ndipo ŵakamburanga ndi mazu ghakuru ŵakuti, “Utaski we kwaku Chiuta widu, mweniyo waja pa chitengu-chaufumu cho, ndi ku Mwana-mberere yo!”

Chivumbuzi 7:9

Pavuli paku ivi ndingulereska, ndipo, onani, mzinda ukuru, weniwo pengavi munthu wanguziŵa kuŵerenga ŵakutuwa, mu mtundu we wose, ndi mu mafuku, ndi makamu, ndi marongoroledu, ŵamanga paurongo pa chitengu chaufumu cho, ndi paurongo pa Mwana-mberere yo, ŵakuvwara makhanju ghatuŵa, ndi ŵakukoreze ŵakanchindu mu manja ghawo,