Chivumbuzi 22:1 - Tonga Bible 1986

¹ Ndipo wangundirongo msinji wa maji gha umoyo, wakulangaliya ulaka ndi galase, langa-langa, wo utuliya ku chitengu-chaufumu chaku Chiuta ndi cha Mwana-mberere,

Chivumbuzi 22:1 Iomraidhean Croise

Sumu 46:4

Kwe msinji wo maji ghake ghakondweska msumba waku Chiuta, uja wakupaturika wa wapachanya limu.

Yesaya 41:18

Ndikabanuwanga misinji pa mitunthu yiyumu, ndi visima mukati mu madambo. Ndikasanduskanga bozwa lo chisima cha maji, ndi charu chiyumu maji ghakubwibwituka.

Yesaya 48:18

Inya mphanyi ungutegherezga ku marangu ghangu! Po ndipo chimangu chako phatinge chiŵenge uli ndi msinji ndipo urunji wako uli ndi mayigha gha nyanja;

Yesaya 66:12

Pakuti viyo atiti Ambuya: “Ehe, ndikarutizganga kusakata kwaku iyo uli ndi msinji, ndi usambasi wa ŵamitundu uli nkhamusinji kakusapatiya; ndipo ukawonkhanga, ukanyamulikanga pa pheŵa lake, ndi kukupembelezga pa makongono ghake.

Yeremiya 17:13

Ambuya mwe, gomezgu laku Yisraele, ndakuti, wose wo ŵatikujowoni ŵakalengeskekanga; wo ŵarekana namwe ŵakalembekanga mu charu chapasi, pakuti ŵajowo Ambuya, wo nchisima cha maji gha umoyo.

Yeremiya 2:13

pakuti ŵanthu ŵangu ŵachita mauheni ghaŵi: ŵandireka ine, ndachisima cha maji gha umoyo, ndipo ŵajikumbiya visima, visima vyaku sweka, vyo kuti visunga maji cha.

Zekariya 14:8

Mu zuŵa lo maji gha umoyo ghendenge kutuwa ku Yerusalemu, chigaŵa chimoza kulazga ku nyanja yaku vuma; ndi chigaŵa chinyake kulazga ku nyanja yaku zambwe; ghendenge nyengo ya chihanya ndi chifuku.

Yohane 13:32

ndipo asani Chiuta wakankhuskika mwaku iyo wamkankhuskiyenge mwaku iyo yija.

Yohane 15:26

Kweni penipo Nkhoswi yo yitakuti yaza, yeniyo ine nkhatumanga kwaku imwe kutuwa ku Dada, Mzimu yo wa uneneska, yo watuwa ku Dada, iyo wamsimikizga vyapaku ine;

Yohane 4:14

kweni mweniyo yose wangwamwapo maji gho ndimpaskenge ine, kuti nyota yikamkonga so cha muyaya: maji gho Ine ndimpaskenge ghaŵenge mwake chisima cha maji ghakubwibwitukiya ku umoyo wamuyaya.”

Machitidu gha Ŵakutumika 2:33

Viyo pakukwezgeke ku marghe ghaku Chiuta ndipo wati waronde ku Dada chipanganu cho cha Mzimu Wakupaturika, wapunguliya paku ifwe chenicho imwe muwona ndi mutuvwa.

Chivumbuzi 1:1

Uvumbuzi waku Yesu Kristu, weniwo Chiuta wangumpaska kuŵarongo ŵateŵeti ŵake vinthi vyo vitenere kuŵapo ruŵi: ndipo wanguusimikizgiya pakuwutumizgiya mu mungelo wake ku mteŵeti wake Yohane;

Chivumbuzi 21:11

wakuŵa ndi unkhankhu waku Chiuta: limbuni lake lenga lakukozgana ndi mwa wakuzirwa kwakuruska, ulaka ndi mwa wa jaspere, wakulangaliya.

Chivumbuzi 21:6

Wangunena nane, “Vyachitika! Ndine Alfa ndi Omega, chandu ndi umari. Ine ndimpaskenge wanyota kwawezi ghamu chisima cha maji gha umoyo.

Chivumbuzi 21:9

Ndipo wanguza yumoza wamu ŵangelo wo ŵankhonde ndi ndi ŵaŵi, wo ŵenga ndi mbali nkhonde ndi ziŵi za kuzazika ndi videru vinkhonde ndi viŵi vyakumariya vyo; ndipo wangukamba nane, wakuti, “Yiza kuno! Ndikurongo mwali-nthengwa yo muwoli wa Mwana-mberere yo.”

Chivumbuzi 22:17

Mzimu ndi Mwali wa nthengwa ŵatiti, “Zanga!” Ndipo mweniyo watuvwa wanene, “Zanga!” Ndipo mweniyo ngwanyota waze: yo ngwakukhumba waronde kwawezi maji gha umoyo.

Chivumbuzi 22:6

Ndipo wangunena nane, “Mazu yagha ngamagomekezgeka ndi ghakuneneska; ndipo Mbuya Chiuta wa mizimu ya ŵamchimi watuma mungelo wake kuŵarongo ŵaŵanda ŵake vyenivyo vitenere kuŵapo ruŵi.

Chivumbuzi 3:21

Yo wapunda ndimpaskenge kwachija pamoza nane pa chitengu changu chaufumu uli ndimo ine nane ndikupundiya, ndipo ndija pasi pamoza ndi Ada pa chitengu chawo chaufumu.

Chivumbuzi 5:13

Ndipo chilengeka chose cho che kuchanya, ndi panupasi, ndi kusi kwa charu, ndi mu nyanja, ndi vyose vya mwenimo, ndinguvivwa vyakuti, “Kwaku mweniyo waja pa chitengu-chaufumu cho, ndi ku Mwana-mberere, kuŵiye thumbiku, ndi rumbu, ndi unkhankhu, ndi mazaza ku muyaya muyaya!”

Chivumbuzi 5:6

Ndipo ndinguwona pakati pa chitengu-chaufumu ndi vyamoyo vyo vinayi, ndi mukati mu ŵara wo, Mwana-mberere wakumapo, ulaka nge wangubayika, wakuŵa ndi sengwe nkhonde ndi ziŵi ndi maso ghankhonde ndighaŵi, ghenigho mbazimu ŵankhonde ndi ŵaŵi ŵaku Chiuta, ŵakutumika mu charu chose.

Chivumbuzi 7:17

Chifukwa Mwana-mberere yo, mweniyo we mukatimu chitengu-chaufumu cho waŵaliskenge, ndipo waŵarongozgiyenge ku visima vya maji gha umoyo: ndipo Chiuta iyo waleskengeko sozi lose ku maso ghawo.”