Chivumbuzi 21:4 - Tonga Bible 1986

⁴ Ndipo waleskengeko sozi lose ku maso ghawo, ndi nyifwa kuti yikaŵangapo so cha; chingana nchitenje, chingana ndi nkhuta, chingana mburwirwi, kuti vikaŵangapo so cha: chifukwa vyakudanga vyo vyarutapo.”

Chivumbuzi 21:4 Iomraidhean Croise

Sumu 144:4

Walingana waka ndi mvuchi munthu, mazuŵa ghake ghenge nkhujumpha kwa chiduzi.

Yesaya 25:8

Akameziyanga limu nyifwa muyaya, ndipo Ambuya Chiuta wakaleskanga masozi ku visku vyose, ndipo soni ya ŵanthu ŵake wakatuzgangamo mu charu chose chapasi; pakuti Ambuya ndiwo akamba.

Yesaya 30:19

Inya, mwa ŵanthu ŵamu Zioni imwe muja mu Yerusalemu, kuti mukaliyanga so cha. Wakaŵangadi ndi wezi paku imwe pa chiwawa cha kuliya kwinu, wachivwa kuliya ko, wakamwamukaninga.

Yesaya 35:10

Ndipo ŵakuwomboleka ŵa Ambuya ŵakawenga, ŵakazanga ku Zioni ndi kumba; kukondwa kwa muyaya kukaŵanga pa mitimu yawo; ŵakarondenga likondwa ndi chimwemwe, ndipo chitima ndi urwirwi vikathaŵanga.

Yesaya 51:11

Ndipo ŵakuwomboleka ŵa Ambuya ŵakawenga, ŵakazanga ku Zioni ndi kumba; likondwa la muyaya likaŵanga pa mitu yawo; ŵakalondenga likondwa ndi chimwemwe, chitima ndi mitamanthu vikathaŵiyanga kutali.

Yesaya 60:20

Lumwi linu kuti likasikanga so cha, pamwenga mwezi winu kwachisere; pakuti Ambuya akaŵanga ukweru winu wa muyaya ndipo mazuŵa ghinu gha maliro ghakamaranga.

Yesaya 61:3

kunozge wo ŵatenje mu Zioni kuŵapaska vivwalo vyakunozga mu malo mwa vyoto, mafuta gha likondwa mu malo gha kutenje, munjirira wa marumbu mu malo mwa mzimu wakulakatuka; mwakuti ŵadanikenge miti yaukongorekwa, wakupandika ndi Ambuya, alinga kuti akankhuskike.

Yeremiya 31:12

Ŵakazanga ndi Kumba kwanthazi pa chitanthali cha Zioni, ndipo ŵakaŵaranga chifukwa cha umampha wa Ambuya, chifukwa cha vyakurgha, vinyo, ndi mafuta; ndi ŵana ŵa mskambu ndi vyakuŵeta; umoyo wawo ukaŵanga nge ndi munda wakudiriya maji, kuti ŵakalakatukanga so cha.

Yeremiya 31:13

Sono ŵamwali ŵakakondwanga pa kuvina, ŵanyamata ndi makhongwe ŵakasangarukanga. Ndikasanduskanga chitenje kuŵa likondwa lawo. Ndikaŵasangaruskanga, ndipo ndiŵapaskenge kukondwa mu malo gha chitima.

Hoseya 13:14

Kumbi nkhaŵawombonga ku nthazi ya muunda? Kumbi nkhaŵawombonga ku nyifwa? Wa nyifwa we, urwirwi wako we pani? Wa muunda we, kuparghang'a kwako kwe pani? Lisingu labisika ku maso ghangu.

Mateyu 24:35

Kuchanya ndi pasi virutenge, kweni mazu ghangu kuti gharutenge cha.

1 ŴaKorinte 15:26

Wamawongu wakumariya kwachiwayulika ndi nyifwa.

1 ŴaKorinte 7:31

ndipo wo mbakutakataka ndi charu, ŵaŵe nge mbakutangwanikamo viŵi cha. Chifukwa karuta viyo kaŵiru kacharu chino.

2 ŴaKorinte 5:17

Ndiviyo asani yumoza we mwaku Kristu, nchakulengeka chifya: vyakale vyarutapo; awonani, vyaza vifya.

2 ŴaKorinte 6:17

Chifukwa chenichi tuwanimo mukati mwawu, ndi mupatukemo, watiti Mbuya, ndipo chambura kutowa mungachikwaska cha; ndipo ine nkhamrondeninga imwe,

ŴaHebere 12:27

Ndipo mazu yagha, “Kamoza so,” ghasimikizga katuzgikidu ka vyakusukunika, ulaka nkhaku vyo vyakwatika, alinga kuti vikajaririyanga vyambura masukunika vyo.

2 Petro 3:10

Kweni zuŵa lo la Mbuya likazanga uli ndi munkhungu, mwaku lenilo zuŵa machanya gho ghamkungunuka ndi mphomu yikuru, ndi visina vyakunyeka vyamsongonoka, ndipo charu ndi nchitu zamwake vyazamukufya.

1 Yohane 2:17

Ndipo charu chikungunuka, ndi chilakalaka chake; kweni mweniyo wachita khumbo laku Chiuta, wajaririya muyaya.

Chivumbuzi 20:13

Ndipo nyanja yingufunchizga ŵakufwa ŵamwake; ndipo Nyifwa ndi Hadesi vingupereka ŵakufwa ŵamwaku wo: ndipo ŵangweruzgika, munthu yose, kwakulingana ndi nchitu yake.

Chivumbuzi 20:14

Ndipo nyifwa ndi Hadesi vingupong'eka mu nyanja ya moto. Yeniyi ndi nyifwa yachiŵi, nyanja yo ya moto.

Chivumbuzi 21:1

Ndipo ndinguwona kuchanya kufya ndi charu chifya: chifukwa kuchanya kwakudanga ndi charu chakudanga vyarutapo, ndipo kwengavi so nyanja.

Chivumbuzi 22:3

Ndipo kuti chikaŵangapo so cha chakutembeka chose: kweni chitengu-chaufumu chaku Chiuta ndi cha Mwana-mberere chiŵenge mwenimo; ndipo ŵaŵanda ŵake ŵamteŵetiyenge;

Chivumbuzi 7:17

Chifukwa Mwana-mberere yo, mweniyo we mukatimu chitengu-chaufumu cho waŵaliskenge, ndipo waŵarongozgiyenge ku visima vya maji gha umoyo: ndipo Chiuta iyo waleskengeko sozi lose ku maso ghawo.”