Chivumbuzi 21:10 - Tonga Bible 1986

¹⁰ Ndipo wangunditore mu Mzimu ku phiri likuru ndi litali, ndipo wangundirongo msumba wo wakupaturika, Yerusalemu, wakusikako kuchanya kutuliya kwaku Chiuta,

Chivumbuzi 21:10 Iomraidhean Croise

1 ŴaKaronga 18:12

Ndipo ruŵi ndichipatukako kwaku imwe, Mzimu wa Ambuya ukakunyamuliyanga ko ndilivi kuziŵako ine, viyo asani ndita chinene Ahabu ndipo watondekenge kukusaniyani wakandibayanga, chingana ine ndamuŵanda winu nditopa Ambuya kutuwa ku uhurwa wangu.

2 ŴaKaronga 2:16

Ndi ŵanguti kwaku iyo, “Ehe, sono ŵalipo pamoza ndi ŵateŵeti ŵako ŵanthurumi ŵakulimba machumi ghankhonde, tipempha, ŵatumeni ŵarute kwachipenja mbuyako kokuli Mzimu wa Ambuya wamufyeka kwachimupong'a pa phiri pamwenga mu dambo le lose.” Ndipo iyo wanguti, “Mungaŵatumanga cha.”

Ezekiele 11:1

Mzimu ungundinyamuliya pachanya, ungunditore ku likomo la kuvuma la nyumba ya Ambuya, lo lilereska kuvuma. Ndipo wonani, pa likomo lapa khomo penga ŵanthu machumi ghaŵi ndi ŵankhonde; mukati mwawo ndinguwona Yazaniya mwana waku Azuru, ndi Pelatiya mwana waku Benaya, mafumu gha ŵanthu.

Ezekiele 11:24

Mzimu ungundisoska unguditore mu chiwona ndi Mzimu waku Chiuta ku Kaldiya, ku ŵamikoli. Ndipo chiwona cho ndinguwona chingukwera kutuwako kwangu.

Ezekiele 3:14

Mzimu ungundisoska ndi kunditore kutali, ndinguruta mu kuŵaŵa kwa kufunda kwa mzimu wangu, pakuti janja la Ambuya lingundiŵiya la nthazi;

Ezekiele 8:3

Ndipo wangutambaruwa kawonekero ka janja, wangundiko sisi lapa mutu wangu; ndipo Mzimu ungundisoske pachanya pakati pa charu chapasi ndi kuchanya, wangunditore mu viwonesko vyaku Chiuta ku Yerusalemu, pakuselere pa likomo la luluwa la mukati lo lilereska ku nkhonde, ko kwenga chitengo cha chikozgu cha sanji, cho chisosomole ku sanji.

Machitidu gha Ŵakutumika 8:39

Kweni penipo ŵangukwera kutuwamo mu maji gho, Mzimu wa Mbuya wangumkwamphuwa Filipu; ndipo wamthenu yo wengavi kumwona so cha, kweni iyo warutanga nthowa yake wakukondwere.

ŴaGalatia 4:26

Kweni Yerusalemu wakuchanya ngwanangwa, ndipo ndiyo nyinafwe.

Chivumbuzi 1:10

Ndinguŵiya mu Mzimu pa zuŵa la Mbuya, ndipo ndinguvwa kuvuli kwangu mazu ghakuru, ulaka nga mbata,

Chivumbuzi 11:2

Kweni luluwa lakubwaro ku kasopi ulisiye, ungalipimanga cha; chifukwa likupaskika mu mitundu: ndipo musumba wo wakupaturika ŵakawuphwatiyanga pasi myezi machumi ghanayi ndi yiŵi.

Chivumbuzi 17:3

Ndipo mu Mzimu wangundinyamuliya ku bozwa: ndipo ndinguwona munthukazi wakukwera pa chikoku chakufyuŵara, chakuzazika ndi mazina ghakutuka, chakuŵa ndi mitu yinkhonde ndi yiŵi ndi sengwe chumi.

Chivumbuzi 21:2

Ndipo ndinguwona msumba wakupaturika wo, Yerusalemu mufya, wakusikako kuchanya kutuliya kwaku Chiuta, wakurongosoleka nge ndi mwali wanthengwa wakuvwarikikiya mrumi wake.

Chivumbuzi 3:12

Yo wapunda nkhamuchitanga mzati mu kasopi waku Chiuta wangu, ndipo kuti wakatuwangamo so cha; ndipo nkhalembanga pake zina laku Chiuta wangu, ndi zina lamsumba waku Chiuta wangu, Yerusalemu mufya, yo wasika kutuwa kuchanya kwaku Chiuta wangu, ndi zina langu lifya.

Chivumbuzi 4:2

Ndipo sosonukweni ndinguŵiya mu Mzimu: ndipo ehe, chitengu-chaufumu chingujarikika kuchanya, ndi pa chitengu-chaufumu cho yumoza wakujapo!