Chivumbuzi 2:9 - Tonga Bible 1986

⁹ “ ‘Ndiziŵa suzgu yako ndi ukavu wako (kweni ndiwe msambasi!) ndiziŵa mtonyoro wa ŵakujitamula kuti mbaYuda, po kuti mbaviyo cha, kweni mbampingu waku Satana.

Chivumbuzi 2:9 Iomraidhean Croise

Mateyu 4:10

Sono Yesu watiti kwaku iyo, “Tuwapo, Satana: chifukwa kwalembeka, ‘Mbuya Chiuta wako umlambiyenge, ndipo iyo pe umtataliyenge.’ ”

Luka 12:21

Viyo ndimo waliri wakujiŵikiya mbiku, ndi kuti ndi mromba cha kuchiri kwaku Chiuta.”

Luka 22:65

Ndipo vinandi vinyake ŵanenanga paku iyo, ŵakumtuka.

Luka 4:18

“Mzimu wa Mbuya we paku ine, pakuti wangunditukutizgiya kutauliya ŵakavu ghakunozga. Wandituma kumemeze chifwatuwa ku ŵamikoli ndi kuŵachiburumutiya chiwona so, kuŵadomo ŵakuphwanyika,

Luka 6:20

Ndipo iyo, pakuyinuskiya maso ghake pa ŵasambizi ŵake, wanguti, “Mwe ŵamwaŵi mwaŵakavu; pakuti ngwinu ufumu waku Chiuta.

Yohane 16:33

Ndakukambiyani vyenivi, alinga kuti mwaku ine muŵe ndi chimangu, mu charu mwe ndi suzgu: kweni khwimani mtima; ine ndachipunda charu.”

Machitidu gha Ŵakutumika 14:22

ŵakukhozga mizimu ya ŵasambizi, pakuŵachichizga kujaririya mu chivwanu, ndi kuti mu masuzgu ghanandi kutenere ifwe kusere mu ufumu waku Chiuta.

Machitidu gha Ŵakutumika 26:11

Ndipo pakuŵalanga panandi mu masinagoge ghose, ndinguŵakakamizga kuti ŵatuke; ndipo pakuŵafunthiya weni ukongwa, ndaŵandondoloskanga ku misumba ya vyaru vyakubwaro.

ŴaRoma 12:12

Ŵakukondwa muchigomezgu; ŵakukunthiyapo mu suzgu; ŵakufwiririyapo mu kuromba,

ŴaRoma 2:17

Kweni asani iwe utamulika muYuda, ndi uthamiya chilangulu cho, ndi utumbwiya mwaku Chiuta,

ŴaRoma 5:3

Weni ukongwa titumbwiya so mu masuzgu ghidu: pakuziŵa kuti suzgu yitata unkhunthiya;

ŴaRoma 8:35

Njani watigauwenge ku chanju cho chaku Kristu? Suzgu kumbi, pamwenga urwirwi, pamwenga chiŵembu, pamwenga chilala, pamwenga nkhuli, pamwenga urwani, pamwenga lipanga?

ŴaRoma 9:6

Kweni kuti kwe nge nkhuti mazu ghaku Chiuta ghatondeka cha. Chifukwa kuti wose mbaYisraele cha, ŵeniwo mbaku Yisraele,

2 ŴaKorinte 6:10

nge mbachisungu, kweni ŵakukondwere nyengo zose; nge mbakusauka, kweni ŵakusambisiska ŵanandi; nge mbakuuravi kanthu, kweni te ŵakusakata vyose.

2 ŴaKorinte 8:2

Mwakuti, mu kweseka kukuru kwa suzgu, uzariwa chimwemwe chawo mu ukavu weniukuru wafurwiya mu usambasi wa wanangwa wawo.

2 ŴaKorinte 8:9

Chifukwa muziŵa wezi wo wa Ambuyafwe Yesu Kristu, kuti, pakuŵa msambasi, pa chifukwa chinu wangukavuka, alinga kuti imwe ndi ukavu wake musambaskike.

1 ŴaTesalonika 3:4

Chifukwa po tenga teche kwinu, tingumkambiyani limu kuti tikayuzgikanga; ndipo nadi kwafiskika nge ndimo namwe muziŵiya.

1 Timote 1:13

ine ndawakuŵa kali mtokota ndi wakuŵemba ndi wamtonyoru: kweni ndinguchitikiya lisungu, pakuti kwambura kuziŵa ndinguchitiya viyo mu uwura chivwanu;

1 Timote 6:18

kuti ŵachite umampha, kuti ŵasambasiye mu nchitu zeneko, kuti ŵaŵe ŵapusu kupaska kwawezi, ndi wanangwa pakusangana;

Chivumbuzi 1:9

Ine nda Yohane, mbali winu, ndi msangazi munyinu mu suzgu ndi ufumu ndi unkhunthiya mwaku Yesu, ndinguŵa mu chirwa chakuzumbulika Patmo, pa chifwa cha mazu ghaku Chiuta ndi chisimisimi chaku Yesu.

Chivumbuzi 2:13

“ ‘Ndiziŵa po uja, nadi po pe chitengu-chaufumu chaku Satana, ndipo ukoreska ndi nthazi Zina langu, kuti wakana cha chivwanu changu, chingana ndi mu mazuŵa ghaku Antipase, kaboni wangu wamagomekezgeka, mweniyo wangubayika mukati mwinu, ko waja Satana.

Chivumbuzi 2:2

“ ‘Ndiziŵa nchitu zako, kutakataka kwako ndi unkhunthiya, ndiziŵa kuti ungakunthiyapo ndi ŵanthu ŵaheni cha, ndi kuti unguŵesa wo ŵatijitamula ŵakutumika, kweni kuti mbaviyo cha, ŵabowozgeka kuti mbatesi;

Chivumbuzi 2:24

Kweni, ndikambiya imwe mwaŵakujapo, ŵamu Thiatira, wo wose ŵalive kukoreska chisambizgu ichi, wo ŵalive kuviziŵa vyandimba vyaku Satana, kwaku imwe ndititi, kuti nkhapong'anga paku imwe chizitu chinyake so cha.

Chivumbuzi 3:9

Awona, nkhaŵachitanga ŵamu mpingu waku Satana, wo ŵatijitamula kuti mbaYuda, ndipo kuti mbaviyo cha, mbatesi, awona, nkhaŵachitanga kuti ŵazenge ndi kulambiya paurongo pa marundi ghako, ndipo ŵakaziŵanga kuti ine ndakwanja iwe.

Chivumbuzi 7:14

Ndingunena nayo, “Fumu, muziŵa ndimwe.” Ndipo wangunena nane, “Yaŵa mbeniwo ŵatuwa mu suzgu yikuru yo, ndipo ŵasuka makhanju ghawo ndi ŵaghatuŵiska mu ndopa za Mwana-mberere yo.