Chivumbuzi 2:3 - Tonga Bible 1986

³ ndiziŵa kuti unkhunthiya we nawo, ndi kuti wavwiyapo suzgu yikuru chifukwa cha zina langu, kweni kuti wagongowa cha.

Chivumbuzi 2:3 Iomraidhean Croise

Sumu 37:7

Uje chisisi paurongo pa Ambuya, uŵalindizge kwakuzika; reka kujikweŵeska chifukwa cha wakusakata mu nthowa yake, chifukwa cha munthu wakuchita viheni!

Sumu 69:7

Pakuti chifukwa chakuimwe ine ndapinga sunjizgu, soni za benekere chisku changu.

Mika 7:9

Nkhakunthiyangapo kandundu ka Ambuya chifukwa ndaŵanangiya, mpaka andikambiye mlando wangu, ndi kunderuzga. Akanditoriyanga ku ukweru; nkhawonanga utaski wake.

Marko 15:21

Ndipo wangukakamizga mwenda-nthowa yumoza, wakutuwa ku viŵera, Simoni waku Kurene, uskeu waku Alekezandara ndi Rufu, kuti ŵanyamuwe mphinjika yake.

Luka 14:27

Yose yo wareka kunyamuwa mphinjika yake, ndi kuza kuvuli kwangu, kuti waziŵa cha kuŵa msambizi wangu.

Luka 18:1

Ndipo wanguŵakambiya ntharika yakuti nkhwakwenere iwo kuromba rutaruta, ndi kudembereka cha:

Luka 21:19

Mu unkhunthiya winu mwanduliyenge mizimu yinu.

Luka 5:5

Ndipo Simoni wakwamuka wanguti, “Ambuya usiku wose tatakataka, ndipo kuti tatoko kanthu cha: kweni pa mazu ghinu ndithirenge mkwau.”

Luka 8:15

Ndipo yo yamu charu cheneko mbeniwo wose pakuvwa mazu, ŵatighakoreska mu mtima uneneska ndi wamampha, ndi ŵapasa vipasi ndi chisisi.

Yohane 15:21

Kweni vyose ivi ŵakakuchitiyaninga pa chifwa cha zina langu, pakuti ŵalive kumuziŵa yo wangundituma.

ŴaRoma 12:12

Ŵakukondwa muchigomezgu; ŵakukunthiyapo mu suzgu; ŵakufwiririyapo mu kuromba,

ŴaRoma 16:12

Tauzgani Trufaina ndi Trufosa, wo ŵatakatakiya muMbuya. Tauzgani Persida, nkhwanjiwa yo, mweniyo watakatakiya ukongwa mu Mbuya.

ŴaRoma 2:7

Umoyo wamuyaya kwaku ŵeniwo ŵachita umampha kwalinthata, mbakulembe unkhankhu ndi rumbu ndi uwura chivuzi;

ŴaRoma 8:25

Kweni asani tigomekezga chenicho tirive kuwona ndi chizizipizgu tichilereze.

1 ŴaKorinte 13:7

Chikandirizga vyose, chivwana vyose, chigomekezga vyose, chikunthiyapo vyose.

1 ŴaKorinte 16:16

iku namwe mujithereske ku ŵaviyo, ndi kwaku yose wakusanganamo mu mlimu wo ndi ŵakutakataka.

2 ŴaKorinte 10:15

Kuti titijikuzga kwakuruska mwesu pa kutakataka kwa ŵanyake cha; kweni pakugomekezga, kuti mo chikuliya chivwanu chinu, kutakataka kwidu mukati mwinu naku so kutenere kukawa;

2 ŴaKorinte 11:23

Kumbi mbateŵeti ŵaku Kristu? (Ndirongoro nge ngwauzereza) ine kwakuruska; mu mautakataka kwakuruska, mu magoŵa kwakuruska, mu malikwechu kwambura kupendeka, mu zinyifwa panandi.

2 ŴaKorinte 4:1

Chifukwa chenichi pakuŵa nawo uteŵeti wenuwu, uli ndimo tarondere lisungu laku Chiuta, kuti tidembereka cha.

2 ŴaKorinte 4:16

Chifukwa cho kuti tidembereka cha. Inya chingana umunthu widu wakubwaro uvumuka, ndikweni wamkati wo uchitika ufya zuŵa ndi zuŵa.

2 ŴaKorinte 5:9

Chifukwa chenichi likhumbira lidu ndakuti manyi tepamoza ndi Mbuya, manyi te kunyake, kweni tiŵe nge mbanthu wo ŵatenere kumkondweska Iyo.

2 ŴaKorinte 6:5

mumalikwechu, mu maulinda, mu vivurupi, mu mautakataka, mu macherezgu, mu kufunga;

ŴaGalatia 6:2

Nyamuliranani mphingu za ŵanyinu, ndipo viyo fiskani dangu lo laku Kristu.

ŴaGalatia 6:9

Ndipo tingavuka cha pakuchita cho nchamampha: chifukwa pa nyengo yake yiyo tikavunanga, pakureka kuropwa.

ŴaFilipi 2:16

pakughafumbatiya mazu gha umoyo mwakuti mphanyi ine ndinguzachijikuzga pa zuŵa laku Kristu, pakuziŵa kuti ndengavi kuchimbiya ŵaka chingana nkhutakataka kwa ŵaka.

ŴaFilipi 4:3

Inya, ndiŵeyere iwe nawe, wamagoŵa munyangu mwenimweni, uwovye ŵanthukazi yaŵa, wo wose ŵangulimbalimbiya mu evangeli pamoza nane, pamoza ndi Klemente nayo, ndi ŵakujapo wo ŵanchitu ŵanyangu, ŵeniwo mazina ghawo ghe mu buku la umoyo.

ŴaKolose 1:11

Mukhomeskeke mu nthazi yose, kwakulingana ndi nthazi yake ya unkhankhu, ku unkhunthiya wose ndi chilekerezga pamoza ndi chimwemwe;

1 ŴaTesalonika 1:3

pakukumbuka kwambura kurekezga nchitu yinu ya chivwanu ndi chitakataka chinu cha chanju, ndi unkhunthiya wachigomekezgu mu Ambuyafwe Yesu Kristu, paurongo paku Chiuta widu ndi Auskefwe.

1 ŴaTesalonika 2:9

Chifukwa mukumbuka, mwa ŵabali, mtima widu ndi chitakataka chidu; tichitakataka usiku ndi msana, alinga kuti tingamzitiska yumoza waku imwe cha, tichikutauliyani evangeli waku Chiuta.

1 ŴaTesalonika 5:12

Kweni tikuŵeyereni, mwa ŵabali, phwereni ŵeniwo ŵatakatakiya mwinu, ndi ŵakuŵa pachanya pinu mu wanasi wa Ambuya, ndi ŵakumpangizgani fundu;

2 ŴaTesalonika 3:13

Kweni imwe, mwa ŵabali, mungavuka cha pakuchita umampha.

2 ŴaTesalonika 3:5

Ndipo Mbuya wayinyoroske mitima yinu ku chanju chaku Chiuta, ndi ku unkhunthiya waku Kristu.

2 ŴaTesalonika 3:8

kuti tingurghapo chakurgha waka pa yumoza cha kwambura kumulipa, kweni mu nchitu ndi mu chitakataka usiku ndi msana tatataliyanga, mwakuti tireke kuzitiska yumoza waku imwe.

1 Timote 4:10

Chifukwa cheni chititataliya ndipo tilimbalimbiya, pakuti tagomekezge paku Chiuta wamoyo, mweniyo ndi Mtaski wa ŵanthu wose, ukongwa wa ŵachivwanu.

1 Timote 5:17

Ŵara wo ŵateruzga kaunthu ŵenereskeke thumbiku lakuwerezga, viŵi-viŵi wo ŵatakatakiya mu mazu ndi chisambizgu.

ŴaHebere 10:36

Chifukwa mutanere kukunthiyapo, alinga kuti, mwati mwachita khumbu laku Chiuta, mungaronde phanganu lo.

ŴaHebere 12:1

Viyo nadi ifwe nafwe pakuzungurizgika ndi mtambo weniukuru waviyo waŵakaboni, ndi pakututumika chizitu chose ndi ulakwi wo utitizombezga tichimbiye ndi chitatata maphara gho ghatimikikiya kunthazi,

ŴaHebere 13:13

Viyo nafwe tituliye kubwaro ku ugoŵi ŵakupinga tozu lake.

ŴaHebere 6:10

Chifukwa kuti Chiuta ngwambura urunji cha kuruwa nchitu yinu ndi chanju cho mungurongole zina lake, po munguteŵete ŵakupaturika wo, ndi muchaŵateŵete.

ŴaHebere 6:12

alinga mungaŵanga ŵakudodoma cha, kweni ŵakwezga ŵeniwo mu chivwanu ndi unkhunthiya mbakuhara mapanganu.

ŴaHebere 6:15

Ndipo viyo wanguti wakunthiyapo, wangufikapo pa phanganu lo.

2 Petro 1:6

ndi mu mziŵiru wo kujitintha, ndi mu kujitintha ko unkhunthiya, ndi mu unkhunthiya wo uwopa Chiuta,

Chivumbuzi 1:9

Ine nda Yohane, mbali winu, ndi msangazi munyinu mu suzgu ndi ufumu ndi unkhunthiya mwaku Yesu, ndinguŵa mu chirwa chakuzumbulika Patmo, pa chifwa cha mazu ghaku Chiuta ndi chisimisimi chaku Yesu.

Chivumbuzi 3:10

Pakuti wasungirizga mazu ghangu ghakuti, kunthiyangapo, nane so, nkhakusunganga ku ora la kesedu, lo likaziyanga pa charu chose, kwachesa wo mbakuja panupasi.