Chivumbuzi 19:2 - Tonga Bible 1986

² chifukwa vyeruzgu vyake vyakuneneska ndi vyakurunjika; pakuti weruzga munthukazi-mreŵi mukuru yo, mweniyo wangwananga charu ndi ureŵi wake, ndipo watayiya thayu paku iyo ndopa za ŵaŵanda ŵake.”

Chivumbuzi 19:2 Iomraidhean Croise

2 ŴaKaronga 9:7

Ndipo ukabwanganduliyanga pasi nyumba yaku Ahabu mbuyako, alinga nditaye thayu paku Yesebelu ndopa za ŵateŵeti ŵangu ŵamchimi, ndi ndopa zaku wose ŵateŵeti ŵa Ambuya.

Sumu 19:9

Nkhwamampha kukankhuska Ambuya, nkhwakujaliriya muyaya; vyeruzgu vya Ambuya vyakuneneska, vyakurunjika kwakufikapo.

Yesaya 25:1

Ambuya mwe, ndimwe Chiuta wangu; ndikakuzganga imwe, ndikarumbanga zina linu, pakuti imwe mwachita vinthu vya kuziziswa, vyakwata vyamwaka, vyamagomekezgeka ndi vyauneneska.

Danyele 7:26

Kweni mphara yeruzgenge, ndi muwusu wake utuzgikengepo, ukabwangandulikanga ndi kumara.

Marangu 32:35

Thayu ndangu, ndi kuwerezgiyapo, kwa nyengo penipo rundi lawo likateremukanga, pakuti zuŵa la soka lawo laŵandika, ndipo kubwanganduka kwawo kutuza ruŵi.

Marangu 32:4

“Jarawe liya, nchitu yake njakufiskika, pakuti nthowa zake zose za urunji. Chiuta ndiyo mukongorekwa ndi wambura kalema, murumji ndi wakunyoroka.

Marangu 32:43

“Tumbikani ŵanthu ŵake, mwa ŵamitundu mwe; pakuti watayiya thayu ndopa za ŵateŵeti ŵake, ndipo wachita thayu pa ŵarwani ŵake, ndipo walanga chifukwa cha charu cha ŵanthu ŵake.”

Chivumbuzi 15:3

Ndipo ŵambanga sumu yaku Mosese, muŵanda waku Chiuta, ndi sumu ya Mwana-mberere yo, ŵakuti, “Ngakuru ndi ngakuziziswa machitidu ghinu, Ambuya Chiuta, Mwaŵanthazizose! Ngakurunjika ndi ngakuneneska mendedu ghinu, mwa karonga wa migonezi!

Chivumbuzi 18:20

Kondwereni paku iyo, kuchanya ko, ndi imwe mwaŵakupaturika, mwaŵakutumika ndi ŵamchimi; chifukwa Chiuta wamweruzga paku vyo wangumuchitiyani.”

Chivumbuzi 18:3

Pakuti mitundu yose yamwapo vinyo wa ufyu wa ureŵi wake; ndipo ŵakaronga ŵa panupasi ŵareŵana nayo, ndi ŵamaronda ŵa pasi ŵasambasa pa chifukwa cha nthazi ya chinthemwanthemwa chake.”

Chivumbuzi 6:10

ndipo ŵangukambura ndi mazu ghakuru, kuti, “Mpaka zuŵanji Ambuya Mwaŵanthazizose, ŵakupaturika ndi ŵakuneneska, murekenge kweruzga ndi kutayiya thayu yapa ndopa zidu paku wo ŵaja pa charu?”