Chivumbuzi 17:3 - Tonga Bible 1986

³ Ndipo mu Mzimu wangundinyamuliya ku bozwa: ndipo ndinguwona munthukazi wakukwera pa chikoku chakufyuŵara, chakuzazika ndi mazina ghakutuka, chakuŵa ndi mitu yinkhonde ndi yiŵi ndi sengwe chumi.

Chivumbuzi 17:3 Iomraidhean Croise

1 ŴaKaronga 18:12

Ndipo ruŵi ndichipatukako kwaku imwe, Mzimu wa Ambuya ukakunyamuliyanga ko ndilivi kuziŵako ine, viyo asani ndita chinene Ahabu ndipo watondekenge kukusaniyani wakandibayanga, chingana ine ndamuŵanda winu nditopa Ambuya kutuwa ku uhurwa wangu.

2 ŴaKaronga 2:16

Ndi ŵanguti kwaku iyo, “Ehe, sono ŵalipo pamoza ndi ŵateŵeti ŵako ŵanthurumi ŵakulimba machumi ghankhonde, tipempha, ŵatumeni ŵarute kwachipenja mbuyako kokuli Mzimu wa Ambuya wamufyeka kwachimupong'a pa phiri pamwenga mu dambo le lose.” Ndipo iyo wanguti, “Mungaŵatumanga cha.”

Sumu ya Zisumu 8:5

Ndiyani yuwa watuza kutiliya ku bozwa, wayegeme pa wakwanjiwa wake? Ndingukuyuska iwe musina mu muti wa muŵaŵa. Kwenikuwa anyoko ŵenga musuzgu chifukwa chako, kwenikuwa ndiko wakukubala iwe wenga musuzgu.

Ezekiele 11:24

Mzimu ungundisoska unguditore mu chiwona ndi Mzimu waku Chiuta ku Kaldiya, ku ŵamikoli. Ndipo chiwona cho ndinguwona chingukwera kutuwako kwangu.

Ezekiele 3:12

Penipo mzimu ungundisoska, ndipo po unkhankhu wa Ambuya ungusoka kutuwa pa malo ghake, kuvuli kwangu ndinguvwa nge nkhugundakwa chidiririzi chikuru ukongwa;

Ezekiele 8:3

Ndipo wangutambaruwa kawonekero ka janja, wangundiko sisi lapa mutu wangu; ndipo Mzimu ungundisoske pachanya pakati pa charu chapasi ndi kuchanya, wangunditore mu viwonesko vyaku Chiuta ku Yerusalemu, pakuselere pa likomo la luluwa la mukati lo lilereska ku nkhonde, ko kwenga chitengo cha chikozgu cha sanji, cho chisosomole ku sanji.

Danyele 11:36

“Ndipo karonga wachitenge mo wakhumbiya; wajikwezgenge yija ndi kujikuzga pachanya pa ŵachiuta wose, ndi wakambenge vinthu vyakuziziswa kumikana ndi Chiuta wa ŵachiuta. Wasakatenge mpaka ukari ufiskike, pakuti cho chakhozgeka mpaka chifiskike.

Danyele 7:20

ndi masengwe chumi gho ghenga mu mutu wake, sengwe limoza lingubuka ndipo paurongo paku lo; masengwe ghatatu ghangubonthoka, sengwe lo lenga ndi maso ndi mlomo wo unguŵereŵeta vinthu vikuru, ndipo lenilo linguwoneka kuŵa likuru kuruska ghanyake.

Danyele 7:25

Wakakambanga mazu ghakumikana ndi Wapachanya Limu, ndi wakalopweskanga ŵatuŵa wa Wapachanya Limu ndipo waghanaghanenge kusintha zinyengo ndi marangu; ndipo vipaskikenge mu janja lake kwa nyengo ziŵi, ndi kamphindi ka nyengo.

Danyele 7:8

Ndichighanaghana ndi masengwe, ndinguwona sengwe linyake limanalakutuwa mukati mwaku gho, panthazi paku lo masengwe ghatatu ghakudanga ghangubontholeka, ndipo ehe, mu sengwe ili mwenga maso ghakukozgana ndi maso gha munthu, ndi mlomo wakukamba vinthu vikuru.

Mateyu 27:28

Ndipo ŵati ŵamuzuwa, ŵangumuvwarika raya lichesamu.

Machitidu gha Ŵakutumika 8:39

Kweni penipo ŵangukwera kutuwamo mu maji gho, Mzimu wa Mbuya wangumkwamphuwa Filipu; ndipo wamthenu yo wengavi kumwona so cha, kweni iyo warutanga nthowa yake wakukondwere.

2 ŴaTesalonika 2:4

yo wamikana ndi watijitumphuskiya paku yose wakuzumbulika Chiuta pamwenga paku cho chisopeka; viyo kuti iyo waja mu kasopi waku Chiuta, wakujirongo nge nkhuti ndiyo Chiuta.

Chivumbuzi 1:10

Ndinguŵiya mu Mzimu pa zuŵa la Mbuya, ndipo ndinguvwa kuvuli kwangu mazu ghakuru, ulaka nga mbata,

Chivumbuzi 12:14

Ndipo kungupskika ku munthukazi yo mapapiku ghaŵi gha nombo yikuru, kuti waphururukiye ku bozwa, ku malo ghake, kweniko wakalerekanga kwaka nyengo, ndi zinyengo, ndi nusu ya nyengo, kutuwapo pa njoka yo.

Chivumbuzi 12:3

Ndipo unguwoneka munthondwe so unyake kuchanya; onani nchalinda mukuru, muyera wakuti che, wakuŵa ndi mitu yinkhonde ndi yiŵi ndi sengwi chumi, ndi pa mitu yake vifuku vinkhonde ndi viŵi.

Chivumbuzi 12:6

munthukazi iyo wanguthaŵiya ku bozwa, kweniko wenga ndi malo ghakurongosoleka ndi Chiuta, kuti wamuhiŵiye kweniko mazuŵa chikwi ndi machumi pe chumi ghaŵi ndi machumi ghankhonde ndi limoza (1,260).

Chivumbuzi 17:18

Kweni munthukazi yo unguwona ndi msumba ukuru wo, weniwo we ndi muwusu pa ŵakaronga ŵa charu chapasi.”

Chivumbuzi 17:4

Ndipo munthukazi iyo wanguvwara ropa ndi mlangari, wangumatika ndi golide ndi myayakuzirwa ndi zingale; ndipo wenga ndi chandi cha golide mu janja lake, cho chinguzazika ndi maunyakazi, ndi maukazuzi gha ureŵi wake;

Chivumbuzi 18:12

maronda gha golide, ndi gha siliva, gha mwa wakuzirwa, gha zingale, gha bafuta, ndi gha ropa, gha saru zakuwolofoka ndi za mlangari; ndi muti wose wa mkuru, ndi chiyaŵi chose cha munyanga wa njovu, ndi chiyaŵi chose cha ngwembe zakuzirwa ukongwa, ndi cha mkuŵa ndi cha chisulo, ndi cha sangarawe,

Chivumbuzi 18:16

“Owe! Owe! msumba wo ukuru, wo unguvwara bafuta ndi ropa ndimlangari; unguzgangika ndi golide ndi mya yakuzirwa ndi ngale!

Chivumbuzi 21:10

Ndipo wangunditore mu Mzimu ku phiri likuru ndi litali, ndipo wangundirongo msumba wo wakupaturika, Yerusalemu, wakusikako kuchanya kutuliya kwaku Chiuta,

Chivumbuzi 4:2

Ndipo sosonukweni ndinguŵiya mu Mzimu: ndipo ehe, chitengu-chaufumu chingujarikika kuchanya, ndi pa chitengu-chaufumu cho yumoza wakujapo!