Chivumbuzi 15:3 - Tonga Bible 1986

³ Ndipo ŵambanga sumu yaku Mosese, muŵanda waku Chiuta, ndi sumu ya Mwana-mberere yo, ŵakuti, “Ngakuru ndi ngakuziziswa machitidu ghinu, Ambuya Chiuta, Mwaŵanthazizose! Ngakurunjika ndi ngakuneneska mendedu ghinu, mwa karonga wa migonezi!

Chivumbuzi 15:3 Iomraidhean Croise

Chiyambo 17:1

Pa nyengo yo Abramu wenga wa virimika machumi ghankhonde ndi ghanayi pachanya vinkhonde ndi vinayi (99) Ambuya angumuwoneke Abramu ndi anguti kwaku iyo, “Ndine Chiuta wanthazi zose; wendenge paurongo pangu ndipo uŵi wambura kalema.

1 Mikoka 6:49

Kwani Aroni ndi ŵana ŵake ndiwo ŵangutemeke mipasku yapa guŵa lakochiyapo sembe ndi pa guŵa la vyakusunkhizga ndi nchitu yose ya mu malo ghakupaturika ukongwa, ndi kuchitiya mphepeska ŵaYisraele, kwakulingana ndi vyose vyo Mosese mteŵeti wa Ambuya wangulangula.

2 Mikoka 24:6

Viyo karonga wangudana Yehoyada mura wawo ndi wanguti kwaku iyo, “Kumbi warekiyanji kuŵachiska ŵaLevi kuti ŵazi ndi vithulu kutuwa ku Yuda ndi Yerusalemu kwakuyana ndi dangu laku Mosese mteŵeti wa Ambuya, lo wangupaska wumba wa ŵaYisraele wapa hema la chisimikizgu?”

Nehemiya 9:14

ndipo munguŵaziŵiska sabata linu lakupaturika ndi munguŵalamuliya malamulu ndi vyeruzgu ndi dangu mu mteŵeti winu Mosese.

Jobu 36:24

“Kumbukani kukuzga mlimu wake, wo ŵanthu ŵatiumbiya.

Jobu 5:9

Mweniyo wachita vinthu vikuru, ndi vyambura kulondoreka, vinthu vyakuziziswa vyambura kuŵerengeka.

Sumu 100:5

Mbamampha Ambuya; nchamuyaya chifundu chawo, ndipo ukongorekwa wawo ngwa mgonezi ndi mgonezi.

Sumu 105:5

Kumbukani milimu yawo yakuziziswa yo achita, vya minthondwi yawo, ndi vyeruzgu vyo akamba.

Sumu 111:2

Zikuru nchitu za Ambuya, zisandika ndi wose wo ŵakondwere mwaku zo.

Sumu 111:7

Mwaku vyose vyo achita mbakongorekwa ndi ŵarunji; marangu ghawo ghose ngamagomekezgeka.

Sumu 139:14

Ndimurumbani chifukwa mwe ŵakofya ndi ŵakuziziswa. Zakuziziswa nchitu zinu! Mutindiziŵa kwakufikapo;

Sumu 145:17

Ambuya mbakurunjika mu nthowa zawo zose, mbalisungu mu nchitu zawo zose.

Sumu 145:6

Ŵanthu ŵakambenge vya milimu yinu ya nthazi, ine ndimemezenge ukuru winu.

Sumu 18:30

Chiuta uyu nthowa yake njamampha kwakufikapo; phanganu la Ambuya lawoneka la uneneska; ndi nguru kwaku wose wo ŵadingang'a mwaku iwo.

Sumu 78:12

Pa maso pa auskeu wanguchita vyakuziziswa, mu charu cha Egipiti, mu malisuwa gha Zoani.

Sumu 92:5

Nawu mbukuru wa milimu yinu, Ambuya! Ngandimba ukongwa maghanaghano ghinu!

Sumu 99:4

Karonga wanthazi, wakwanjaurunji; mwapereka cheruzgu paku Yisraele; mwaŵapaske urunji ndi umampha.

Yesaya 33:22

Pakuti Ambuya ndi mweruzgi widu, Ambuya ndiwo akutiusa, Ambuya ndi karonga widu, akatitaskanga.

Yesaya 45:21

Taulani ndi longoni mulando winu; ŵarekeni ŵapangane fundu pamoza! Njani wangukamba ichi kale ukongwa? Njani yo wangutaula gha mwaka? Kuti ndenga ine cha Ambuya? Ndipo palivi Chiuta munyake pade paku ine, Chiuta murunji ndi Mtaski; palivi munyake pade paku ine.

Danyele 6:20

Penipo wangufika pafupi ndi zenje mwenimo wanguŵa Danyele wangudanirizga ndi mazu ghachitima, ndi wanguti kwaku Danyele, “Danyele wamteŵeti waku Chiuta wamoyo, kumbi Chiuta wako yo uteŵete mazuŵa ghose wakutaska ku nkharamu?”

Danyele 9:11

Yisraele yose wajumpha dangu linu ndi wapatukako kwaku imwe, wakana kuvwiya mazu ghinu. Thembo, ndi rapu vyo vikurembeka mu dangu laku Mosese muteŵeti waku Chiuta vyapungulikiya paku ifwe.

Hoseya 14:9

We yose yo ngwazeru, wawemo vinthu ivi, we yose yo ngwakuchenje waziŵi ivi, chifukwa nthowa za Ambuya zakunyoroka ndipo wakurunjika watenda mwakuzo, kweni ŵabudi ŵaguŵamo.

Mika 7:20

Mukalongonga chigomekezgu kwaku Yakobe ndi chanju chakufikapo kwaku Abrahamu, nge ndimo mungulapiya ku auskefwe mu mazuŵa gha kali.

Zefaniya 3:5

Ambuya mukati mwawo mbarunji, kuti achita kaheni cha; mlenji wose arongo cheruzgu chawo, pa matandakucha ghe ghose kuti atondeka cha. Kweni ŵambura urunji ŵalivi soni.

Zekariya 9:9

Sekereni ukongwa, mwa ŵanthu ŵaku Zioni! Kamburani ukongwa, mwa ŵanthu ŵaku Yerusalemu! Wonani, karonga wino watuza kwinu, ndi murunji wendi utaski, ngwakuzika, wakwera pa mbunda, pa mwana wa mbunda yinthukazi.

Yohane 1:17

Pakuti langulu lo lingupaskikiya mwaku Mosese, wezi ndi uneneska vinguziya mwaku Yesu Kristu.

Marangu 31:30

Sono Mosese wangukamba mazu gha sumu iyi mpaka ghangumara mu makutu gha ungano wose wa ŵaYisraele.

Marangu 32:3

Pakuti ndikataulanga zina la Ambuya, kupereka ura kwaku, Chiuta widu!

Marangu 34:5

Viyo Mosese mteŵeti wa Ambuya wangufwiya penipa mu charu chaku Moabu, kwakuyana ndi mazu gha Ambuya,

1 Timote 1:17

Kweni ku Karonga wamuyaya, mziramawoleka, wambura mawonekeka, Chiuta wayijayija, kuŵiye thamu ndi unkhankhu muyaya-muyaya. Ameni.

ŴaHebere 3:5

Ndipo Mosese nadi wenga wamagomekezgeka mu nyumba yake yose nge ngwakuteŵeta, kuti waŵe kaboni waku vyo vitakambikanga;

Yoswa 22:5

Muphwere ukongwa kusunga langulu ndi dangu lo Mosese mteŵeti wa Ambuya wangulanguliya imwe, kwanja Ambuya Chiuta winu, ndi kwenda mu nthowa zake zose, kusunga malangulu ghake, kumeremete kwaku iyo, ndi ku mteŵete ndi mtima winu wose ndi ndi mzimu winu wose.”

Chivumbuzi 1:8

“Ine ndine Alfa ndi Omega,” watiti Chiuta Ambuya, yo waliko, ndi yo wengako, ndi yo watuza Wanthazizose yo.

Chivumbuzi 11:17

“Tikuwongani, Ambuya Chiuta, Mwaŵanthazizose, mwaŵakuŵapo ndi Mwenga; pakuti mwajitole nthazi yinu yikuru, ndipo mwausa.

Chivumbuzi 14:3

Ndipo ŵambanga sumu yifya paurongo pa chitengu-chaufumu cho, ndi paurongo pa vyamoyo vyo vinayi ndi ŵara wo: kweni kuti wanguziŵa yumoza kusambira sumu yo cha, kweni vyo vikwi machumi pe chumi ndi machumi ghanayi ndi vinayi, ŵeniwo ŵakuwomboleka ku charu.

Chivumbuzi 14:8

Ndipo munyake, mungelo wachiŵi, wangurondo, wakuti, “Wawa! Wawa Babiloni mukuru yo! yo wangumweska mitundu yose vinyo wa ufyu wa ureŵi wake.”

Chivumbuzi 17:14

Yaŵa ŵarwanenge ndi Mwana-mberere yo, ndipo Mwana-mberere ndi ŵapamoza nayo, wo mbakudanika, ŵakusankhika, ndi ŵamagomekezgeka waŵapundenge, pakuti ndiyo Mbuya wa ŵambuya, ndi Karonga wa ŵakaronga.”

Chivumbuzi 19:16

Ndipo we nalo pa munjirira wake ndi pa chigha chake zina lakulembeka, Karonga wa ŵaKaronga, ndi Mbuya wa ŵaMbuya.

Chivumbuzi 19:2

chifukwa vyeruzgu vyake vyakuneneska ndi vyakurunjika; pakuti weruzga munthukazi-mreŵi mukuru yo, mweniyo wangwananga charu ndi ureŵi wake, ndipo watayiya thayu paku iyo ndopa za ŵaŵanda ŵake.”

Chivumbuzi 4:8

Ndipo vyamoyo vyo vinayi vyose, chimoza ndi chimoza vyenga ndi mapapiku ghankhonde ndi limoza vyenga vyakuzazika ndi maso kwakuzunguliya ndi mukati viyo, ndipo msana ndi usiku kuti vipumuliya cha pakumba, “Mtuŵa, mtuŵa, mtuŵa, ndi Mbuya Chiuta, Wanthazizose, mweniyo wengako, walipo, ndipo watuza.”