Chivumbuzi 13:4 - Tonga Bible 1986

⁴ Ndipo ŵanthu ŵangumlambiya nchalinda, pakuti wangupaska chikoku mtufu; ndipo ŵanguchilambiya chikoku, ŵakuti, “Njani wakukozgana ndi chikoku cho? Ndipo wanthazi njani kurwana nacho?”

Chivumbuzi 13:4 Iomraidhean Croise

Chituwa 15:11

“Njani yo we nge ndimwe, Ambuya mwe, mukati mu ŵachiuta? Njani yo we nge ndimwe, wakutumphulika mu utuŵa, wakofya pakuchita unkhankhu, wakuchita vyakuziziswa?

Yesaya 46:5

“Nkhwaku yani ko mulinganizgenge ine ndi kundiyaniska, ndi kundesa, kuti tiŵi ŵakuyana?

2 ŴaKorinte 4:4

Mwaku ŵeniwo Chiuta wa mgonezi uno waburumutizga vinjeru vya ŵambura chivwanu, viyo kuti ungaŵaŵaliya cha ukweru wo wa evangeli wa unkhankhu waku Kristu, yo nchikozgu chaku Chiuta.

Marangu 9:2

ŵanthu ŵakuru ndi ŵatali, ŵana ŵa Anakimu ŵeniwo muziŵa; ŵeniwo mwavwa ndi vyaku iwo, ‘Kumbi ndiyani yo wangamikana ndi ŵana ŵa Anakimu?’

2 ŴaTesalonika 2:4

yo wamikana ndi watijitumphuskiya paku yose wakuzumbulika Chiuta pamwenga paku cho chisopeka; viyo kuti iyo waja mu kasopi waku Chiuta, wakujirongo nge nkhuti ndiyo Chiuta.

Chivumbuzi 12:3

Ndipo unguwoneka munthondwe so unyake kuchanya; onani nchalinda mukuru, muyera wakuti che, wakuŵa ndi mitu yinkhonde ndi yiŵi ndi sengwi chumi, ndi pa mitu yake vifuku vinkhonde ndi viŵi.

Chivumbuzi 12:4

Ndipo mchiya wake waguzanga chigaŵa chachitatu cha nyenyezi za kuchanya, ndipo unguzipong'a pa charu. Ndipo nchalinda yo wanguma paurongo pa munthukazi, yo wakhumbanga kupapa, alinga kuti wachipapa warghe kana kake.

Chivumbuzi 13:11

Ndipo ndinguwona chikoku chinyake chakuzuwuka kutuwa ku charu; chenga nazo sengwi ziŵi uli ndi mwanamberere, ndipo charongoronga nge ndi nchalinda.

Chivumbuzi 13:15

Ndipo chinguronde nthazi kupaska mvuchi ku chikozgu cho cha chikoku, viyo kuti chikozgu cha chikoku cho chingaziŵa kurongoro, ndi kuchitiska kuti wo wose ŵarekenge kulambiya chikozgu cha chikoku, ŵabayike.

Chivumbuzi 13:2

Ndipo chikoku cho ndinguwona chingukozgana ndi nyalubwe ndi marundi ghake nge ndi chipembere, mlomo wake nge ndi mlomo wa nkharamu. Ndipo nchalinda yo wanguchipaska nthazi yake, ndi chitengu chake chaufumu ndi mtufu ukuru.

Chivumbuzi 17:14

Yaŵa ŵarwanenge ndi Mwana-mberere yo, ndipo Mwana-mberere ndi ŵapamoza nayo, wo mbakudanika, ŵakusankhika, ndi ŵamagomekezgeka waŵapundenge, pakuti ndiyo Mbuya wa ŵambuya, ndi Karonga wa ŵakaronga.”

Chivumbuzi 18:18

ndi kubongo pakulereska usi wa kufya kwake, ndi kuti, “Ndi msumba nuwu ungukozgana ndi msumba ukuru uwu?”

Chivumbuzi 9:20

Ndipo ŵakujapo ŵa ŵanthu, wo ŵengavi kubayika ndi videru ivi ŵengavi kunyongokako ku nchitu za manja ghawo, kuti ŵareke, kulambiya ŵademone, ndi vyangoza vyo vya golide ndi vya siliva, ndi vya mkuŵa, ndi vya mwa, ndi vya muti; vyenivyo virive kuziŵa kulereska, chingana nkhuvwa, chingana nkhwenda;

1 Samuele 17:24

ŴaYisraele wose, pakumuwona, ŵangumuthaŵa, ndipo, ŵenga ndi mantha ghakuru.