Chivumbuzi 13:10 - Tonga Bible 1986

¹⁰ Asani munthu watemeke mkoli, ku mkoli wakenge; asani munthu wabayenge ndi lipanga, iyo nayo wabayikenge ndi lipanga. Panu pe unkhunthiya wa ŵakupaturika wo, ndi chivwanu chawo.

Chivumbuzi 13:10 Iomraidhean Croise

Yesaya 14:2

Ndipo ŵanthu ŵakaŵatonga ndi kuza nawo ku malo ghawo, nyumba yaku Yisraele yikaŵasunganga kuŵa ŵawo mu charu cha Ambuya nge mbaŵanda ŵanthurumi ndi ŵanthukazi, ŵakakonga umkoli ŵeniwo ŵanguko iwo umkoli, ndikuŵatufuliya ŵeniwo ŵangusuzga iwo.

Yesaya 26:21

Pakuti ehe, Ambuya atuza kutuwa mu malo ghawo, kuzachilanga ŵakuja mu charu pa chifukwa cha kwananga kwawo, ndipo charu chazamvumbuwa ndopa zakudikiya paku cho, ndipo kuti chikabisanga so ŵakubayika ŵake cha.

Yesaya 33:1

Soka lo, wakubwanganduwa we, iwe wamweni kuti wabwanganduka cha; wakuchita chiŵembu we, kweni iwe palivi yo wakuchitiya chiŵembu! Utakuti wamara kubwanganduwa, iwe nawe ukabwangandurikanga; ndipo penipo wamara kuchita vya chiŵembu, iwe nawe kukachitikiyanga chiŵembu.

Yeremiya 15:2

Ndipo ŵachikufumba, kuti, ‘Tikayanga pani?’ iwe utinge kwaku wo, ‘Viyo atiti Ambuya: “Wo ŵatemeke ku chideru nkhu chideru; wo ŵatemeke ku lipanga nkhu lipanga; wo ŵatemeke ku chilala nkhu chilala; ndipo wo ŵatemeke ku umkoli nkhu umkoli.” ’

Yeremiya 43:11

Wakazanga kuzachikoso charu cha Egipiti, kupereka ku chideru ŵakutemeke ku soka la chideru, ku uŵanda ŵakutemeke kusoka la lipanga.

Chitenje 3:26

Nkhwamampha kuti munthu walindizgenge utaski wa Ambuya, chisisi.

Habakuku 2:3

Chifukwa chiwona cheche kulindizga nyengo yake; yithaŵiriya ku umari yikapusikanga cha. Asani yingazuwulika, yilindizge; yizenge nadi, kuti yizuwulikenge cha.

Mateyu 26:52

Sono Yesu watiti kwaku iyo, “Wezga lipanga lako mu malo ghake: chifukwa wose ŵakuto lipanga ŵanangikenge ndi lipanga.

Mateyu 7:2

Chifukwa ndi cheruzgu cho muteruzgiya, mweruzgikiyenge chenicho, ndipo ndi mweso wo mutese, kwesekiyenge imwe ndi weniwo.

Luka 21:19

Mu unkhunthiya winu mwanduliyenge mizimu yinu.

ŴaKolose 1:11

Mukhomeskeke mu nthazi yose, kwakulingana ndi nthazi yake ya unkhankhu, ku unkhunthiya wose ndi chilekerezga pamoza ndi chimwemwe;

ŴaHebere 6:12

alinga mungaŵanga ŵakudodoma cha, kweni ŵakwezga ŵeniwo mu chivwanu ndi unkhunthiya mbakuhara mapanganu.

Chivumbuzi 1:9

Ine nda Yohane, mbali winu, ndi msangazi munyinu mu suzgu ndi ufumu ndi unkhunthiya mwaku Yesu, ndinguŵa mu chirwa chakuzumbulika Patmo, pa chifwa cha mazu ghaku Chiuta ndi chisimisimi chaku Yesu.

Chivumbuzi 11:18

Yingukalipa mitundu yo, pakuti ndi nyengo yakuti kaze kandundu kinu, ndi nyengo yaza yakuti ŵakufwa ŵeruzgike, nyengo yakupaskiya mphotu ku ŵaŵanda ŵinu, ŵamchimi wo, ndi ku ŵakupaturika ŵinu, kwaku wo ŵatopa zina linu, ŵamana ndi ŵara; ndi nyengo yakwanangiya wo mbakwananga panupasi.”

Chivumbuzi 14:12

Panu pe unkhunthiya wa ŵakupaturika, wo ŵasungirizga marangu ghaku Chiuta ndi chivwanu chaku Yesu.

Chivumbuzi 16:6

Chifukwa ŵanthu ŵangudiska ndopa za ŵakupaturika ndi ŵamchimi, ndipo mwapaska iwo ndopa, kuti ŵamwenge. Mbakwenere kuzimwa!”

Chivumbuzi 17:11

Ndipo chikoku cho chinguŵapo, ndi kuti sono chiripo cha, chenicho nacho ndi karonga wa chinkhonde ndi chitatu, kweni ngwa mukati mu ŵankhonde ndi ŵaŵi wo; ndipo chitiya ku wanangiku.

Chivumbuzi 17:8

Chikoku cho unguwona, chinguŵapo, ndipo sono kuti chiripo cha; ndipo chepafupi kuzuwuka ku chizenji cho chakuti nyo, ndi kuya ku wanangiku. Ndipo ŵakuja pa charu, ghakuŵeniwo mazina ghalive kulembekamo mu buku la umoyo kwanda ku kujarikika kwa charu, ŵakaziŵanga ŵachilereska chikoku cho kuti chinguŵapo ndi kuti chiripo cha, ndi kuti chikaŵangapo.

Chivumbuzi 2:19

“ ‘Ndiziŵa nchitu zako, chanju chako, ndichivwanu, ndi uteŵete, ndi unkhunthiya, ndiziŵa kuti nchitu zako zakumariya ziruska zakudanga zo.

Chivumbuzi 2:2

“ ‘Ndiziŵa nchitu zako, kutakataka kwako ndi unkhunthiya, ndiziŵa kuti ungakunthiyapo ndi ŵanthu ŵaheni cha, ndi kuti unguŵesa wo ŵatijitamula ŵakutumika, kweni kuti mbaviyo cha, ŵabowozgeka kuti mbatesi;

Chivumbuzi 3:10

Pakuti wasungirizga mazu ghangu ghakuti, kunthiyangapo, nane so, nkhakusunganga ku ora la kesedu, lo likaziyanga pa charu chose, kwachesa wo mbakuja panupasi.

Chivumbuzi 3:3

Viyo kumbuka, cho ungusambizgika ndimo unguchivwiya; uchisunge; ndipo ng'anamuka. Asani ureka kucherezga, ndizenge nge ndi munkhungu, ndipo kuti ukaziŵanga cha ora lo ndiziyenge pako.