Chivumbuzi 12:2 - Tonga Bible 1986

² Ndipo pakuŵa ndi nthumbo, wangubongo wachivwa urwirwi ndi kuŵaŵa kwa kupapa.

Chivumbuzi 12:2 Iomraidhean Croise

Yesaya 26:17

Uli ndi munthukazi wa paluŵavu, yo wagadabuka-gadabuka ndi kuliya mu urwirwi wake, po waŵandika ku nyengo yake, viyo ndimu tinguŵiya ifwe chifukwa chinu, Ambuya,

Yesaya 53:11

wakawonanga chipasi chakutuwa musuzgu ya mzimu wake ndipo wakhorwenge; ndi zeru yake mteŵeti wangu murunji, wakanyoroskanga ŵanandi kuti ŵapimike ŵarunji; ndipo wakanyamuwanga mauheni ghawo.

Yesaya 54:1

“Mbanga, wa chumba we, iwe wengavi kupapa; bangulanga pakumba ndipo bongonga ukongwa, imwe mulivi kuvwa urwirwi wakupapa! Pakuti ŵana ŵa chumba mbanandi kuruska ŵana ŵaku yo ngwakuŵirwa, atiti Ambuya.

Yesaya 66:6

“Andi, chiwawa chakutuwa mu muzi! Mazu ghakutuwa mu kasopi! Mazu gha Ambuya, apaska mphoto ku ŵakupindikana ŵawo!

Mika 4:9

Sono uliliyanje ukongwa? Kumbi mulivi karonga mwaku iwe? Kumbi nchifukwa waupu wako wafwa po urwirwi wakuko nge ndi munthukazi yo wabala?

Mika 5:3

Viyo wakaŵajowonga mpaka yize nyengu kuti yo we pafupi kubara wabare; penipo ndipo ŵakujako ŵa ŵabali ŵake ŵakawerenga ku ŵanthu ŵaku Yisraele.

Mateyu 24:8

vyose ivi nchiyambo cha maurwirwi.

Yohane 16:21

Munthukazi wachipapa we ndi chisungu, pakuti laza ora lake; kweni watakuti wapapa mwana, kuti wakumbuka so cha suzgu yake, chifukwa cha chimwemwe chakuti munthu wapapikiya mu charu.

ŴaGalatia 4:19

Mwatwana twangu, paku twenito ndilimbiya so mu urwirwi mpaka Kristu wangaumbika mwinu,

ŴaGalatia 4:27

Chifukwa kwalembeka, “Kondwa, chumba mzirakupapa iwe; banuka ndi luluta, wambura kulimbiya kupapa iwe: chifukwa mbanandi ŵana ŵa mranda kwakuruska ŵaku yo we ndi munthurumi.”

Chivumbuzi 12:4

Ndipo mchiya wake waguzanga chigaŵa chachitatu cha nyenyezi za kuchanya, ndipo unguzipong'a pa charu. Ndipo nchalinda yo wanguma paurongo pa munthukazi, yo wakhumbanga kupapa, alinga kuti wachipapa warghe kana kake.