Chivumbuzi 12:1 - Tonga Bible 1986

¹ Munthondwe ukuru unguwoneka kuchanya; munthukazi wakuvwarikika dazi, ndi mwezi pasi pa marwayo ghake, pa mutu pake penga ndumbu ya nyenyezi chumi ndi ziŵi.

Chivumbuzi 12:1 Iomraidhean Croise

2 Mikoka 32:31

Hezekiya wangusakata mu nchitu zake zose. Viyo ndi mathenga gha Wakaronga ŵaku Babiloni gho ghangutumika kwake kufumba chisimikizgu chiya chinguchitika pa charu, Chiuta wangumureka yija kuti wamwese, kuti waziŵe vyose vyamu mtima wake.

Sumu 104:2

mwajivwinkha ndi kungweruka nge ndi raya, mwatandika machanya nge ndi hema.

Sumu 84:11

Ambuya ndi muvikiriya widu ndi karonga wa unkhankhu, kutitumbika ndi wezi ndi ulemu; kuti wanora kanthu kose kamampha cha kwaku wose wo mbakuchita urunji.

Sumu ya Zisumu 6:10

“Ndiyani uyu yo wawoneka kutuwa ulaka nge ndi matandakucha, wakutowa nge ndi mwezi, wakuŵala nge ndi lumwi, wakofya nge ndi liŵanja la nkhondo ndi ndembera?”

Yesaya 61:10

Ndikakondwerenga ukongwa mu Ambuya, mzimu wangu ukajikuzgiyanga mwaku Chiuta; pakuti wandivwarika vivwalo vya chipozomosku, wandivwinkha ndi munjirira wa ukongorekwa, uli ndimo mweni nthengwa watijivwarikiya vivwalo vyakunozga nge ndimo mwali wa nthengwa watijinozge ndi vyakung'anima.

Yesaya 62:3

Mukaŵanga chilemba cha ufumu chakutowa mu janja la Ambuya, ndi chisoti cha ukaronga mu janja laku Chiuta winu.

Zekariya 9:16

Ndipo mu zuŵa lo, Ambuya Chiuta wawo waŵataskenge chifukwa ndi mskambu wa ŵanthu ŵake; nge ndi mya yakuzirwa ya mphumphu wakang'animanga mu charu chake.

Malaki 4:2

Kweni imwe mutopa ine mwamuwona dazi la urunji lichituwa ndi uchizgi mu mapapiku ghake. Mwamuruta ndi kuchilipuka nge ndi mathole ghachituwa mu khola.

Mateyu 12:38

Penipo ŵangwamuka ŵanyake ŵa ŵalembi ndi ŵaFarisi, ŵakuti, “Msambizgi, tikhumba kuwona chisimikizgu kwako.”

Mateyu 24:30

sono chiwonekenge chisimikizgu cha Mwana wa munthu kuchanya: ndipo mafuku ghose gha charu ghatenjenge, ndipo ghawonenge Mwana wa munthu wachiza pa mitambo ya kuchanya ndi nthazi ndi unkhankhu ukuru.

Marko 13:25

ndipo nyenyezi zikambotokanga kuchanya, ndi vyanthazi vyamu machanya vikasukung'ikanga.

Luka 21:11

ndipo viŵengepo vyeuyeu vikuru, ndi mu malo ndi malo vilala ndi videru; ndipo viŵengepo vyakofya, ndi visimikizgu vikuru vyakutuliya kuchanya.

Luka 21:25

“Ndipo muŵenge visimikizgu mu dazi ndi mwezi ndi zinyenyezi: ndipo panupasi mtundu yose yikaŵanga yakuzizikika, ndi yakopa kuuruma kwa nyanja ndi maŵiriŵiri;

Yohane 3:29

Yo ngwakuŵa ndi mwali ndi mweni-nthengwa: kweni bwezi la mweni-nthengwa, lo litumapo ndi kumuvwa, limwemwete ukongwa chifukwa cha liu la mweninthengwa yo: chifukwa chenichi chimwemwe changu chifiskika.

Machitidu gha Ŵakutumika 2:19

Ndipo nkhapaskanga virwita mumachanya kuchanya, ndi visimikizgu pa charu cha pasi; ndopa, ndi moto, ndi mvuchi wa usi:

ŴaRoma 13:14

Kweni vwarani Ambuya Yesu Kristu ndi mungaghanaghaniya ku vyaliŵavu cha, kwachifuska maulankhasi ghake.

ŴaRoma 3:22

urunji nawo wakuchiuta wamu chivwanu mwaku Yesu Kristu, wa kwaku wose ŵakuvwana; pakuti mpambanu palive;

2 ŴaKorinte 11:2

Chifukwa ndikunwekiyani ndi linweka lauchiuta; chifukwa ndingumtoreskiyani ku mrumi yumoza, kwachipereke imwe nge ndi mwali mkhovu kwaku Kristu.

ŴaGalatia 3:27

Pakuti mose mwaŵakubatizikiya mwaku Kristu, munguvwa Kristu.

ŴaGalatia 4:26

Kweni Yerusalemu wakuchanya ngwanangwa, ndipo ndiyo nyinafwe.

ŴaGalatia 6:14

Kweni kungandiwiya ine chakutumbwa, kweni mu mphinjika yo ya Ambuyafwe Yesu Kristu, mwaku yo charu chapayikikiya kwaku ine, ndi ine ku charu.

ŴaEfeso 5:32

Ungari uwu ngukuru: kweni ine ndikamba Kristu ndi eklesiya lo.

Chivumbuzi 1:20

nge nkhu mangari gho gha nyenyezi nkhonde ndi ziŵi Zo unguwona mu janja langu lamarghe, ndi gha vikoleru-nyali vyo vinkhonde ndi viŵi vyagolide. Nyenyezi nkhonde ndi ziŵi zo mbangelo ŵa mipingu yo yinkhonde ndi ghaŵi: ndipo vikoleru-nyali vyo vinkhonde ndi viŵi ndi mipingu yinkhonde ndi yiŵi.

Chivumbuzi 11:19

Ndipo kasopi waku Chiuta kuchanya wangujurika; ndipo linguwoneka mu kasopi wake bokosi la phanganu lake; ndipo kunguŵapo malimphezi, ndi chibumuzi, ndi vidiririzi, ndi viyeuyeu, ndi matarara ghakuru.

Chivumbuzi 12:3

Ndipo unguwoneka munthondwe so unyake kuchanya; onani nchalinda mukuru, muyera wakuti che, wakuŵa ndi mitu yinkhonde ndi yiŵi ndi sengwi chumi, ndi pa mitu yake vifuku vinkhonde ndi viŵi.

Chivumbuzi 15:1

Ndinguwona munthondwi unyake kuchanya, ukuru ndi wakuziziswa, ŵangelo ŵankhonde ndi ŵaŵi, ŵenga ndi videru vinkhonde ndi viŵi vyakumariya, mwaku vyenivyo ndimu kamarizgikiya kandundu kaku Chiuta.

Chivumbuzi 21:14

Ndipo linga la msumba wo lenga navyo viŵanja chumi ndi viŵi, ndi paku vyomazina chumi ndi ghaŵi gha ŵakutumika chumi ndi ŵaŵi ŵa Mwana-mberere yo.

Chivumbuzi 21:23

Ndipo msumba wo ulivi kukavuka dazi, chingana ndi mwezi, kuti viuŵaliye: chifukwa unkhankhu waku Chiuta nkhungweruka kwake, ndipo Mwana-mberere yo ndi limbuni lake.