Chivumbuzi 11:3 - Tonga Bible 1986

³ Ndipo ndipaskenge mtufu ku ŵakaboni ŵangu ŵaŵi, ndipo ŵakachimanga mazuŵa chikwi ndi machumi pe chumi ghaŵi ndi machumi ghankhonde ndi limoza (1,260), ŵakuvwara vigudulu.”

Chivumbuzi 11:3 Iomraidhean Croise

Chiyambo 37:34

Sono Yakobe wanguparuwa vyakuvwara vyake ndi wanguvwala vigudulu mu chiunu mwake, ndipo wangutenjere mwana wake mazuŵa ghanandi.

2 Samuele 3:31

Sono Davidi wangunena ndi Yoabu ndi ŵanthu wose wo ŵenga pamoza nayo, “Paruwani vyakuvwara vinu, vwarani masaka ndipo mutenjere Abnere.” Ndipo karonga Davidi nayo wangulondo pavuli pa mtembo.

1 ŴaKaronga 21:27

Ndipo penipo Ahabu wanguvwa mazu gho, wanguparuwa vyakuvwara vyake, wanguvwara chigudulu ndi wangufunga, ndi wangugona mu chigudulu, ndipo wangwendayenda ndi chitima.

2 ŴaKaronga 19:1

Karonga Hezekiya wanguti wavwa makani yagha, wanguparuwa vivwalu vyake, wangujivwalika vigudulu, ndipo wangwachisere mu nyumba ya Ambuya.

1 Mikoka 21:16

Davidi wanguyunuska maso ghake ndi wanguwona mungelo wa Ambuya wakuma pakati pa charu ndi machanya we ndi lipanga lakuwewepuka pachanya pa Yerusalemu, Viyo Davidi ndi ŵaraŵara ŵaku Yisraele ŵakuvwara vigudulu ŵanguwa kavunama.

Nehemiya 9:1

Sono pa zuŵa la machumi ghaŵi ndi ghanayi la mwezi wenuwu, ŵaYisraele ŵanguwungana ndi kufunga ndi kuvwara vigudulu ndi dongo pa mitu yawo.

Jobu 16:15

Ndajisone saru yasaka pa liŵavu langu, ndi ndagoneka nthazi zangu pa fuvu.

Sumu 69:11

Po ndinguvwara vivwalo vya maliro, ndinguŵa nge nchakusekeska kwaku wo.

Yesaya 22:12

Mu zuŵa liya Ambuya Chiuta wa maŵanja wangulangula kuliya ndi kutenje, kumeta maphara ndi kuvwara vigudulu;

Yeremiya 1:10

Wona ndakumika iwe msana wale pa mitundu ndi pa maufumu, kupontho ndi kuswiya pasi, kubwanganduwa ndi kuthereska, kuzenga ndi kupanda.”

Chitenje 2:10

Ŵaraŵara ŵamu msumba waku Zioni, ŵateka pasi chisisi; ŵajidiriya fuvu pa mitu yawo ndi ŵavwara chigudulu; ŵamwali ŵaku Yerusalemu ŵakotamiya pasi mitu yawo.

Ezekiele 4:6

Asani wamara ivi, ukagonanga so pasi kachiŵi, kuchiri kumarghe, wakunyamuwa kulangika kwa nyumba yaku Yuda; ndakupaska mazuŵa machumi ghanayi (40), zuŵa limoza nchirimika chimoza.

Danyele 12:7

Munthu wakuvwara bafuta, yo wenga pachanya pa maji gha mu msinji, wangusoske janja lake la marghe ndi janja lake la maze kuchanya; ndipo ndingumuvwa wakurapa paku yo ngwamoyo muyaya kuti kuŵenge kwa nyengo, nyengo ziŵi, ndi nyengo yimanavi; ndipo penipo kuparghang'a kwa nthazi za ŵanthu ŵatuŵa kwamara, vinthu vyose ivi vikamaranga.

Danyele 7:25

Wakakambanga mazu ghakumikana ndi Wapachanya Limu, ndi wakalopweskanga ŵatuŵa wa Wapachanya Limu ndipo waghanaghanenge kusintha zinyengo ndi marangu; ndipo vipaskikenge mu janja lake kwa nyengo ziŵi, ndi kamphindi ka nyengo.

Danyele 8:14

Ndipo wanguti kwaku iyo, “Mpaka mazuŵa vikwi viŵi pachanya machumi pe chumi ghatatu (2,300) mazulo ndi mlenji po ndipo, malo ghatuŵa ghatoweskekenge nge ndi kali.”

Yoele 1:13

Vwarani chigudulu, muliye imwe ŵazukuru, tenjeni mwa ŵateŵeti ŵa jochero la sembe. Sereni, mwaŵakuvwala vigudulu ndi cherezgani usiku wose, owe! Mwa ŵateŵeti ŵaku Chiuta wangu! Chifukwa mpasku wa vyakurgha ndi mpasku wa vyakumwa vyagota ku nyumba yaku Chiuta winu.

Yona 3:5

Viyo ŵanthu ŵaku Nineve ŵangugomezga Chiuta; ndi ŵanguwandiska kufunga kurgha, ndi kuvwala vigudulu, kwamba ku ŵakuzirwa wose mpaka ku ŵambura kuzirwa.

Yona 3:8

kweni munthu yose ndi nyama ŵavwale chigudulu, ndipo ŵabongo kwa nthazi kwaku Chiuta; inya, waweko yose ku nthowa yake yiheni, ndi ku nkhaza zo zemu manja ghake.

Maŵerengedu 11:26

Sono mu ugoŵi munguja ŵanthu ŵaŵi, yumoza wenga Eledada, munyake wenga Medada, ndipo mzimu unguja paku wo; iwo nawo ŵenga ŵamoza ndi wo ŵangulembeka kweni kuti ŵangutuliyako cha kuruta ku hema, ŵanguchima mu ugoŵi.

Mateyu 11:21

“Owe, Korazine we! Owe Betesaida we! Pakuti ne mu Turo ndi Sidoni vinguchitikamo vyanthazi vyakuchitika mwinu, mphanyi mu chigudulu ndi choto ŵakung'anamuka kali.

Mateyu 18:16

Kweni asani wareka kuvwa, tole pamoza nawe yumoza pamwenga ŵaŵi, alinga kuti pa mlomo wa ŵakaboni ŵaŵi pamwenga ŵatatu nkhani yose yikhozgeke.

Luka 10:13

“Owe, nawe, Korazine! Owe nawe, Betesaida! Pakuti asani milimu yanthazi yo yachitika mwako yinguchitika mu Turo ndi Sidoni, mphanyi ŵangung'anamuka mwaka, ŵakuja mu chisusu ndi choto.

Luka 24:48

Imwe mwe ŵakaboni ŵa vinthu ivi.

Yohane 15:27

ndipo imwe namwe mwe ŵakoboni, pakuti mwavwa nane pamoza ku mtendeku.

Yohane 3:27

Wangwamuka Yohane ndi wanguti, “Kuti munthu wangaronde kanthu cha, kwambura kuti kapaskika kwaku iyo kutuwa kuchanya.

Machitidu gha Ŵakutumika 1:8

Kweni mwamronde nthazi wati waziya paku imwe Mzimu Wakupaturika, ndipo mundiŵiyenge ŵakaboni mosemose mu Yerusalemu, ndi mu Yuda yose ndi Samaria, ndi ku vigoti vya panupasi.”

Machitidu gha Ŵakutumika 13:31

ndipo wanguwoneka iyo mazuŵa ghanandi kwaku ŵeniwo ku Galile ŵangukwere nayo ku Yerusalemu, ŵeniwo sono mbakaboni ŵake ku khamu lo.

Machitidu gha Ŵakutumika 2:32

Yesu mwenuyu Chiuta wanguyuska, waku chenicho tose te ŵakaboni.

Machitidu gha Ŵakutumika 3:15

kweni chirongozgi wa Umoyo mungubaya, mweniyo Chiuta wanguyuska ku ŵakufwa; waku chenicho te ŵakaboni ifwe.

1 ŴaKorinte 12:28

Ndipo Chiuta wajisankhiya mu mpingu wa, pakudanga ŵakutumika, kachiŵi ŵamchimi, kachitatu ŵasambizgi, pavuli ŵakuchita minthondwi, pavuli penipo ŵakuchita vyawezi vya michizgu, vyovyu, maurongozgi, mitundu ya marongoroledu.

2 ŴaKorinte 13:1

Aka nkhachitatu nthuza kwinu. Pa mlomo wa ŵakaboni ŵaŵi pamwenga ŵatatu nkhani yose yikakhozgekanga.

ŴaEfeso 4:11

Ndiyo nayo wangupaska ŵanyake kuŵa ŵakutumika; ndi ŵanyake ŵamchimi; ndi ŵanyake ŵaevangeli; ndi ŵanyake ŵaliska ndi ŵasambizgi,

Marangu 17:6

Pa ukaboni wa ŵakaboni ŵaŵi pamwenga wa ŵatatu yo ngwakwenere kubayika, munthu kuti wakabayikanga cha pa ukaboni wa kaboni yumoza.

Marangu 19:15

“Kaboni yumoza pe kuti wakaruskanga pa mrandu we wose wa munthu cha, pamwenga pa kuchimwa kwe kose wangachita; kweni pa ukaboni wa ŵakaboni ŵaŵi pamwenga wa ŵakaboni ŵatatu, po ndipo mrandu ukazomerezgekanga.

Chivumbuzi 1:5

ndi kutuwa kwaku Yesu Kristu, kaboni yo wamagomekezgeka, wakupapika wachimoza wamu ŵakufwa, ndi wakuwusa wa ŵakaronga ŵapanupasi. Kwaku Mweniyo watanja ifwe, ndi wangutifwatuwa ku vyakulakwa vidu mu ndopa zake;

Chivumbuzi 11:2

Kweni luluwa lakubwaro ku kasopi ulisiye, ungalipimanga cha; chifukwa likupaskika mu mitundu: ndipo musumba wo wakupaturika ŵakawuphwatiyanga pasi myezi machumi ghanayi ndi yiŵi.

Chivumbuzi 11:6

Yaŵa ŵe ndi mtufu kwachijara kuchanya, kuti vuwa yireke kung'apo mu mazuŵa gha umchimi wawo: ndipo mtufu ŵe nawo pa maji kughasanduska ndopa, ndi kukoso charu ndi chideru chose, penipo pose ŵangakhumbiya.

Chivumbuzi 12:6

munthukazi iyo wanguthaŵiya ku bozwa, kweniko wenga ndi malo ghakurongosoleka ndi Chiuta, kuti wamuhiŵiye kweniko mazuŵa chikwi ndi machumi pe chumi ghaŵi ndi machumi ghankhonde ndi limoza (1,260).

Chivumbuzi 13:5

Ungupaskika ku chikoku cho mlomo wakurongoro vinthu vikuru ndi vyakutuka; chingupaskika mazaza kurongoro ivi kwamyezi machumi ghanayi ndi yiŵi.

Chivumbuzi 19:10

Ine ndinguwa pasi paurongo pa marundi ghake kumlambiya. Kweni wangunena nane, “Awa! Ndine muŵanda munyako ndi so wa ŵabali ŵako wo ŵendi chisimisimi chaku Yesu. Mlambiye Chiuta.” Pakuti chisimisimi chaku Yesu ndi mzimu wamu umchimi.

Chivumbuzi 20:4

Ndipo ndinguwona vitengu-vyaufumu, ndipo ŵakuja paku vyo, mbeniwo kwaku iwo kungupaskika kweruzga. Ndipo so ndinguwona ŵazimu ŵaku wo ŵangudumulika mutu chifukwa cha chisimisimi chaku Yesu, ndi chifukwa cha mazu ghaku Chiuta, ndi ŵeniwo wose ŵengavi kuchilambiya chikoku, chingana nchikozgu chake, ndi ŵengavi kuronde lisimbu lake pa mphumi zawo nanga mpha janja lawo. Ndipo ŵanguŵa ŵamoyo, ŵanguusa pamoza ndi Kristu virimika chikwi.