Chivumbuzi 10:6 - Tonga Bible 1986

⁶ ndipo wangurapiya paku mweniyo ngwamoyo ku muyaya ndimuyaya, mweniyo wangulenga kuchanya ndi vya kweniko, charu ndi vya mwenimo, ndi nyanja ndi vya mwake, kuti yireke kuŵapo nyengo yakuswera so cha,

Chivumbuzi 10:6 Iomraidhean Croise

Chiyambo 14:22

Kweni Abramu wanguti ku karonga wa Sodomu, “Ndarapa ku Ambuya Chiuta Wapachanya Limu, Mlengi wa kuchanya ndi pasi,

Chituwa 20:11

pakuti mu mazuŵa ghankhonde ndi limoza Ambuya angulenga kuchanya ndi charu chapasi, ndi nyanja; ndi vyose vyo vye mwenimo, ndipo angupumuwa zuŵa la chinkhonde ndi chiŵi; chifukwa chenichi Ambuya angutumbika zuŵa la sabata ndi anguripatuwa.

Chituwa 6:8

Ndipo ndikutoliyeninge mu charu cho ndingurapa kuchipaska kwaku imwe kuŵa chihara. Ndine Ambuya.’ ”

Ezekiele 20:5

ŵanene kuti, Viyo atiti Ambuya Chiuta: Pa zuŵa lo ndingusankhiya Yisraele, ndingurapa ku mbeu ya nyumba yaku Yakobe, ndingujivumbuwa ine ndamwene kwaku iwo mu charu cha Egipiti, ndinguŵarapiya, kuti, Ndine Ambuya Chiuta winu.

Danyele 12:7

Munthu wakuvwara bafuta, yo wenga pachanya pa maji gha mu msinji, wangusoske janja lake la marghe ndi janja lake la maze kuchanya; ndipo ndingumuvwa wakurapa paku yo ngwamoyo muyaya kuti kuŵenge kwa nyengo, nyengo ziŵi, ndi nyengo yimanavi; ndipo penipo kuparghang'a kwa nthazi za ŵanthu ŵatuŵa kwamara, vinthu vyose ivi vikamaranga.

Maŵerengedu 14:30

Palivi yumoza wakaserenga mu charu cho ndingurapa kuti mwamujamo, kweni Kalebe pe mwana waku yefune ndi Yoswa mwana waku Nuni.

Chivumbuzi 1:18

ndi yo ngwamoyo; ndinguŵa wakufwa, ndi onani, nde Wamoyo ku muyaya ndi muyaya, ndipo nde nayo mijuriru ya Nyifwa ndi Hadesi.

Chivumbuzi 12:12

Kondwereni pa chifwa chenichi, mwamachanya mwe, ndi mwaŵakuja mwenimo! Kweni owe, charu ndi nyanja; pakuti diabolo yo wasikiya kwaku imwe, wakuŵa ndi kandundu kakuru, pakuziŵa kuti nyengo yake njimanavi!”

Chivumbuzi 16:17

Mungelo wachinkhonde ndi chiŵi wangupunguliya mbali yake mude; ndipo mazu ghakuru ghangutuliya mu kasopi, ku chitengu chaufumu cho, ghakuti, “Kwachitika!”

Chivumbuzi 21:6

Wangunena nane, “Vyachitika! Ndine Alfa ndi Omega, chandu ndi umari. Ine ndimpaskenge wanyota kwawezi ghamu chisima cha maji gha umoyo.

Chivumbuzi 4:10

ŵatuwa pasi ŵara wo machumi ghaŵi ndi ŵanayi paurongo paku yo waja pa chitengu chaufumu cho, ndi kumlambiya yo ngwamoyo ku muyaya ndi muyaya; ndipo ŵapong'a pasi ndumbu zawo paurongo pa chitengu-chaufumu cho, ŵatumba,

Chivumbuzi 4:11

“Wakwenere ndimwe, Ambuyafwe Chiuta widu, kuvironde, unkhankhu, rumbu ndi nthazi: pakuti imwe munguvilenga vyose, ndipo chifukwa cha khumbu linu vinguŵako, ndipo vingwatika.”

Chivumbuzi 4:9

Ndipo penipo pose vyamoyo vyo vipaska unkhankhu ndi rumbu ndi kuwonga kwaku yo waja pa chitengu chaufumu cho, kwaku mweniyo ngwamoyo ku muyaya ndi muyaya,

Chivumbuzi 6:11

Ndipo kwaku yose waku iwo kungupaskika khanju lituŵa: ndipo kunguneneka kwaku wo, kuti ŵapumuwepo nyengo yimanavi so, mpaka ŵafiskike ŵakuteŵeta ŵanyawo ndi ŵabali ŵawo, wo kungwenere kubayika nge ndiwo.